Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnmẹ Delẹ sọn Biblu Mẹ

 NUPINPLỌN 7

Atọ̀họ̀ Babẹli Tọn

Atọ̀họ̀ Babẹli Tọn

To Singigọ lọ godo, visunnu Noa tọn lẹ po asi yetọn lẹ po ji ovi susu lẹ. Whẹndo yetọn lẹ jideji, bọ yé jẹ vùnvùn pé ji gbọn adà voovo aigba lọ tọn lẹ ji, dile Jehovah ko degbe na yé nado wà do.

Ṣigba, delẹ to whẹndo yetọn lẹ mẹ ma setonuna Jehovah. Yé dọmọ: ‘Mì dike mí ni gbá tòdaho de bo gbọṣi fi. Mí na gbá atọ̀họ̀ de he na yiaga sọ́ olọn. Gbọnmọ dali, mí na diyin.’

 Homẹ Jehovah tọn ma hùn do nuhe wà yé te go, enẹwutu e de nado doalọtena yé. Be a yọ́n lehe e wàmọ gbọn ya? E hẹn yé nado jẹ ogbè voovo lẹ do ji to ajiji mẹ. Na yé masọ sọgan sè ogbè yedelẹ tọn ba wutu, yé gbọ bo doalọtena atọ̀họ̀ lọ gbigbá. Tòdaho he gbá yé te lọ wá yin yiylọdọ Babẹli, ehe zẹẹmẹdo “Bẹwlu.” Mẹdopodopo jẹ yìyì sọn finẹ ji bọ yé gbàpe gbọn aigba blebu ji. Ṣigba, yé zindonukọn nado to nuylankan wà to fihe yé sẹtẹn yì lọ lẹ. Be mẹdepope tin he gbẹ́ yiwanna Jehovah ya? Mí na mọ enẹ to weta he bọdego mẹ.

“Mẹdepope he ze ede daga wẹ yè na whiwhẹ, ṣigba mẹdepope he whiwhẹ ede wẹ yè na zedaga.”—Luku 18:14