Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnmẹ Delẹ sọn Biblu Mẹ

 NUPINPLỌN 8

Ablaham po Sala po Setonuna Jiwheyẹwhe

Ablaham po Sala po Setonuna Jiwheyẹwhe

Tòdaho de tin he ma dẹn do Babẹli bo nọ yin yiylọdọ Uli, fie gbẹtọ lẹ nọ sẹ̀n yẹwhe susu lẹ te gbọnvona Jehovah. Ṣigba, dawe de tin to Uli he nọ sẹ̀n Jehovah kẹdẹ. Yinkọ etọn wẹ Ablaham.

Jehovah dọna Ablaham dọmọ: ‘Jo owhé towe po hẹnnumẹ towe lẹ po do, bo yì aigba he yẹn na dohia we ji.’ Enẹgodo, Jiwheyẹwhe dopagbe dọmọ: ‘Hiẹ na lẹzun akọta daho de, podọ yẹn na wà dagbe na mẹsusu lẹdo aihọn pé na towe tọn wutu.’

Ablaham ma yọ́n fie Jehovah jlo dọ ni yì lọ taun, amọ́ e dejido Jehovah go. Enẹwutu, Ablaham, asi etọn Sala po otọ́ etọn Tela po, gọna tavẹ-ylọvi etọn Lọti doagban bo gbọn tonusise dali bẹ gbejizọnlin gaa yetọn jẹeji.

 Owhe 75 wẹ Ablaham tindo to whenue ewọ po whẹndo etọn po jẹ aigba he Jehovah jlo dọ yé ni sọnukunmọ lọ ji. Filọ nọ yin yiylọdọ aigba Kenani tọn. To finẹ, Jiwheyẹwhe dọhona Ablaham bo dopagbe na ẹn dọmọ: ‘Aigba he mọ a te ehe lẹpo wẹ yẹn na na ovi towe lẹ.’ Ṣigba, Ablaham po Sala po ko poyọnho bo ma tindo ovi depope. Enẹwutu, nawẹ Jehovah na hẹn opagbe etọn di gbọn?

“Gbọn yise dali, . . . Ablaham . . . setonu bo tọ́njẹgbonu yì fide he e na mọyi taidi ogú de; e sọ tọ́nyi, dile etlẹ yindọ e ma yọ́n fihe e jei.”—Heblu lẹ 11:8