Jesu plọnnu mẹlẹ gando Ahọluduta olọn tọn go. E sọ plọn yé dọ yé ni nọ hodẹ̀ dọ oyín Jiwheyẹwhe tọn ni yin kinklandowiwe, dọ Ahọluduta etọn ni wá, podọ ojlo etọn ni yin wiwà to aigba ji. Eyin mẹjitọ de wẹ a yin, basi zẹẹmẹ nuhe odẹ̀ ehe zẹẹmẹdo na mí tọn na ovi towe. Jesu ma dike bọ Satani glọnalina ẹn nado yin nugbonọ. Jesu de apọsteli etọn lẹ bọ yé wá lẹzun mẹhe na wleawuna dodonu Ahọluduta lọ tọn lẹ. Zinnudo zohunhun Jesu tọn na sinsẹ̀n-bibasi nugbo ji. Na Jesu jlo na gọalọna mẹdevo lẹ wutu, e gbọazọ̀nna awutunọ lẹ, na núdùdù mẹhe huvẹ to hùhù lẹ bo tlẹ sọ hẹn mẹlẹ gọwá ogbẹ̀. Gbọn azọ́njiawu ehe lẹpo gblamẹ, e do nuhe Ahọluduta lọ na wà na gbẹtọvi lẹ hia.