Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnmẹ Delẹ sọn Biblu Mẹ

 NUPINPLỌN 69

Gabliẹli Dla Malia Pọ́n

Gabliẹli Dla Malia Pọ́n

Elizabẹti tindo hẹnnumẹ awhlivu de he nọ yin Malia, mẹhe nọ nọ̀ tòdaho Nazalẹti tọn mẹ to Galili. Malia ko dopà alọwle tọn na Josẹfu he yin whlẹpatọ de. Osun ṣidopo to whenue Elizabẹti ko mọhò godo, angẹli Gabliẹli sọawuhia Malia bo dọna ẹn dọmọ: ‘Kudo lewhenu, Malia. Jehovah ko do nukundagbe daho hia we.’ Malia ma mọnukunnujẹ nuhe dọ Gabliẹli te mẹ. Enẹwutu, angẹli lọ dọna ẹn dọmọ: ‘Hiẹ na mọhò bo na ji visunnu de, podọ a dona ylọ oyín etọn dọ Jesu. E na dugán taidi Ahọlu. Ahọluduta etọn na gbọṣi aimẹ kakadoi.’

Malia sọ dọmọ: ‘Yọnnu alọji de wẹ n’ka yin maa. Nawẹ n’sọgan jivi gbọn?’ Gabliẹli gblọn dọmọ: ‘Nude ma glo Jehovah. Gbigbọ wiwe na wá ji we bọ hiẹ na ji visunnu de. Hẹnnumẹ towe Elizabẹti lọsu ko mọhò.’ To whenẹnu, Malia dọmọ: ‘Afanumẹ yọnnu Jehovah tọn wẹ yẹn! Na e ni jọ domọ na mi kẹdẹdile hiẹ ko dọ do.’

 Malia yì tòdaho de mẹ to lẹdo osó tọn lẹ mẹ nado dla Elizabẹti pọ́n. Whenue Malia dọnudo Elizabẹti, Elizabẹti doayi e go dọ ovi he to ohò emitọn mẹ whàngo. Ewọ sọ gọ́ na gbigbọ wiwe bo dọmọ: ‘Malia, Jehovah ko dona we. Gbégbò daho de wẹ e yin na mi dọ onọ̀ Oklunọ ṣie tọn wá owhé ṣie gbè.’ Malia dọmọ: ‘Yẹn yí ahun ṣie lẹpo do pagigona Jehovah.’ Malia nọ Elizabẹti dè na osun atọ̀n, enẹgodo, e lẹkọyi owhé etọn gbè to Nazalẹti.

Whenue Josẹfu sè dọ Malia mọhò, e jlo na doalọtena họntọnmẹninọ yetọn. Ṣigba, angẹli de sọawuhia ẹ to odlọ mẹ bo dọmọ: ‘A dibu nado wlealọ hẹ ẹ blo. E ma ṣì nudepope wà.’ Enẹwutu, Josẹfu plan Malia taidi asi bo hẹn ẹn wá owhé etọn gbè.

“Jehovah nọ wà nudepope he yọ́n to nukun etọn mẹ to olọn mẹ podọ to aigba ji.”​—Salmu lẹ 135:6