Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Be Hiẹ Jlo Na Yọ́n Nugbo lọ Ya?

Be Hiẹ Jlo Na Yọ́n Nugbo lọ Ya?

NUGBO lọ gando etẹ go? Gando delẹ to kanbiọ titengbe hugan he gbẹtọvi lẹ nọ kanse lẹ mẹ go. Vlavo kanbiọ taidi dehe bọdego ehelẹ na ko duahunmẹna we pọ́n:

  • Be Jiwheyẹwhe nọ hò mítọn pọ́n nugbonugbo ya?
  • Be awhàn po yajiji po na wá doalọte gbede ya?
  • Etẹwẹ nọ jọ do mí go to whenuena mí kú?
  • Be todido de tin na oṣiọ lẹ ya?
  • Nawẹ yẹn sọgan hodẹ̀ do na Jiwheyẹwhe nido sè?
  • Nawẹ yẹn sọgan mọ ayajẹ to gbẹ̀mẹ gbọn?

Fitẹ wẹ hiẹ sọgan mọ gblọndo na kanbiọ ehelẹ te? Eyin hiẹ yì wesẹdotẹn kavi wesatẹn lẹ, hiẹ sọgan mọ fọtọ́n susu owe lẹ tọn he to alọsọakọ́n nado wleawuna gblọndo lọ lẹ. Ṣigba, whlasusu wẹ owe de nọ jẹagọdo devo. Devo lẹ nọ taidi owe he yọ́n-na-yizan to ojlẹ lọ mẹ ṣigba nọ yawu ṣá bo nọ yin vivọjlado kavi yin didiọ.

Etomọṣo, owe de tin he bẹ gblọndo he go yè sọgan dejido lẹ hẹn—enẹ wẹ owe nugbo tọn de. Jesu Klisti dọ to odẹ̀ mẹ hlan Jiwheyẹwhe dọmọ: “Ohó towe wẹ nugbo.” (Johanu 17:17) To egbehe, mí yọ́n Ohó enẹ taidi Biblu Wiwe lọ. To weda he bọdego lẹ ji, hiẹ na mọ gblọndo Biblu tọn he họnwun, nujọnu tọn na kanbiọ he tin to aga lẹ to kleun mẹ.

Be Jiwheyẹwhe Nọ Hò Mítọn Pọ́n Nugbonugbo Ya?

Dawe de to gbẹtọgun de ṣẹnṣẹn

NUHEWUTU KANBIỌ LỌ FỌNDOTE: Mí to gbẹnọ to aihọn he gọ́ na kanyinylan po mawadodo po mẹ. Sinsẹ̀n susu nọ plọnmẹ dọ yajiji he mí nọ pehẹ lẹ yin ojlo Jiwheyẹwhe tọn.

NUHE BIBLU PLỌN MÍ LẸ: Jiwheyẹwhe ma nọ hẹn nuylankan lẹ wá gbede. Job 34:10 dọmọ: “E ni tin dẹ̀n do Jiwheyẹwhe, na ewọ nado wà ylankan; podọ sọn Ganhunupo dè, na ewọ nado wà ylanwa.” Jiwheyẹwhe tindo lẹndai owanyinọ de na gbẹtọvi lẹ. Enẹwutu wẹ Jesu plọn mí nado nọ hodẹ̀ dọmọ: “Otọ́ mítọn he tin to olọn mẹ,…Ahọludu towe ni wá. Ojlo towe ni yin wiwà to aigba go, dile e te to olọn mẹ.” (Matiu 6:9, 10) Jiwheyẹwhe nọ hò mítọn pọ́n taun sọmọ bọ e ko dovivẹnu vẹkuvẹku nado hẹn lẹndai etọn di.—Johanu 3:16.

Sọ pọ́n Gẹnẹsisi 1:26-28; Jakobu 1:13; po 1 Pita 5:6, 7 po.

Be Awhàn po Yajiji po Na Wá Doalọte Gbede Ya?

Awhànfuntọ lẹ

NUHEWUTU KANBIỌ LỌ FỌNDOTE: Awhàn to nukọnzindo bo to gbẹtọvi madosọha lẹ hù. Mímẹpo wẹ to yaji.

NUHE BIBLU PLỌN MÍ LẸ: Jiwheyẹwhe dọ dọdai ojlẹ de tọn to whenuena ewọ na hẹn jijọho wá lẹdo aihọn pé. To Ahọluduta etọn he yin gandudu olọn mẹ tọn glọ, gbẹtọvi lẹ ma na “plọn awhànfunfun ba.” Kakatimọ, yé na “yí ohí yetọn do tùn agbogọdọẹ.” (Isaia 2:4) Jiwheyẹwhe na hẹn opodo wá na mawadodo po yajiji lẹpo po. Biblu dopagbe dọmọ: “Jiwheyẹwhe nasọ súnsún dasin lẹpo sẹ̀ sọn nukun yetọn mẹ; okú ma nasọ tin ba, kavi awubla, kavi avi, mọ awufiẹsa ma na tin ba: na onú tintan lẹ [gọna mawadodo po yajiji egbezangbe tọn lẹ po] ko juwayi.”—Osọhia 21:3, 4.

Sọ pọ́n Psalm 37:10, 11; 46:9; po Mika 4:1-4 po.

Etẹwẹ Nọ Jọ do Mí Go to Whenuena Mí Kú?

Yọwhé de

NUHEWUTU KANBIỌ LỌ FỌNDOTE: Sinsẹ̀n aihọn tọn susu lẹ nọ plọnmẹ dọ nude tin to gbẹtọ mẹ he nọ zindonukọn nado to gbẹnọ to okú godo. Mẹdelẹ yise dọ oṣiọ lẹ sọgan gbleawuna mẹhe to ogbẹ̀ lẹ kavi dọ Jiwheyẹwhe nọ sayana mẹylankan lẹ bo nọ hẹn yé nado jiya kakadoi to zòmẹ.

NUHE BIBLU PLỌN MÍ LẸ: To whenuena gbẹtọ kú, e ma sọ tin ba. Yẹwhehodọtọ 9:5 dọmọ: “Oṣiọ lẹ ma yọ́n nude.” To whenuena e yindọ oṣiọ lẹ ma sọgan yọ́n nude, tindo numọtolanmẹ, kavi tindo numimọ nudepope tọn, yé ma sọgan gbleawu—kavi gọalọna—mẹhe to ogbẹ̀ lẹ.—Psalm 146:3, 4.

Sọ pọ́n Gẹnẹsisi 3:19 po Yẹwhehodọtọ 9:6, 10.

Be Todido de Tin Na Oṣiọ lẹ Ya?

Ovi he to aluẹmẹ na mẹyiwanna etọn he e hẹnbu

NUHEWUTU KANBIỌ LỌ FỌNDOTE: Mí jlo na nọgbẹ̀, podọ mí jlo na duvivi ogbẹ̀ tọn hẹ mẹhe mí yiwanna lẹ. To jọwamọ-liho, e nọ jlo mí vẹkuvẹku nado mọ mẹyiwanna mítọn he ko kú lẹ whladopo dogọ.

NUHE BIBLU PLỌN MÍ LẸ: Suhugan mẹhe ko kú lẹ tọn na yin finfọnsọnku. Jesu dopagbe dọ “mẹhe tin to yọdò [oflin tọn] mẹ lẹpo na…tọ́njẹgbonu.” (Johanu 5:28, 29) To kọndopọ mẹ hẹ lẹndai dowhenu tọn Jiwheyẹwhe tọn, mẹhe na yin finfọnsọnku taidi gbẹtọvi lẹ na tindo dotẹnmẹ hundote lọ nado nọgbẹ̀ to aigba paladisi tọn de ji. (Luku 23:43) Opagbe sọgodo tọn ehe bẹ agbasalilo pipé po ogbẹ̀ madopodo po hẹn na gbẹtọvi tonusetọ lẹ. Biblu dọmọ: “Dodonọ wẹ na dugu aigba tọn, bo nasọ nọ nọ̀ e mẹ kakadoi.”—Psalm 37:29.

Sọ pọ́n Job 14:14, 15; Luku 7:11-17; po Owalọ lẹ 24:15 po.

Nawẹ Yẹn Sọgan Hodẹ̀ do Na Jiwheyẹwhe Nido Sè?

Dawe de he to dẹ̀ho

NUHEWUTU KANBIỌ LỌ FỌNDOTE: Diblayin sinsẹ̀nnọ lẹpo wẹ nọ hodẹ̀. Ṣogan, mẹsusu nọ tindo numọtolanmẹ dọ odẹ̀ yetọn lẹ ma nọ yin sisè.

NUHE BIBLU PLỌN MÍ LẸ: Jesu plọn mí nado nọ dapana hogbe dopolọ lẹ vivọdọ to odẹ̀ mítọn lẹ mẹ. E dọmọ: “Whenuena mì to dẹ̀̀ho, mì zan dọvọdọ vọ́tọ” blo. (Matiu 6:7) Eyin mí jlo dọ Jiwheyẹwhe ni sè odẹ̀ mítọn lẹ, mí dona nọ hodẹ̀ to aliho he ewọ kẹalọyi mẹ. Nado wà enẹ, mí dona plọn nuhe ojlo Jiwheyẹwhe tọn yin bo nọ hodẹ̀ sọgbe hẹ ẹ. “Eyin mí biọ nudepope kẹdẹdi ojlo [Jiwheyẹwhe] tọn, e sè mítọn” wẹ 1 Johanu 5:14 dọ.

Sọ pọ́n Psalm 65:2; Johanu 14:6, 14; po 1 Johanu 3:22 po.

Nawẹ Yẹn Sọgan Mọ Ayajẹ to Gbẹ̀mẹ Gbọn?

Nawe de he to ayajẹ dín sọn Biblu hihia mẹ

NUHEWUTU KANBIỌ LỌ FỌNDOTE: Mẹsusu yise dọ akuẹ, yindidi, kavi whanpẹ na hẹn yé yin ayajẹnọ. Enẹwutu, yé nọ doafọna onú mọnkọtọn lẹ—bo nọ wá mọ poun dọ ayajẹ yì do yé.

NUHE BIBLU PLỌN MÍ LẸ: Jesu do họnhungan ayajẹ tọn hia to whenuena e dọmọ: “Ayajẹnọ wẹ mẹhe yọnẹn dọ yé tindo nuhudo gbigbọmẹ tọn lẹ.” (Matiu 5:3, NW ) Ayajẹ nugbo sọgan yin mimọ kiki eyin mí ze afọdide lẹ nado hẹn pekọwana nuhudo daho hugan mítọn—yèdọ huvẹ na nugbo gbigbọmẹ tọn gando Jiwheyẹwhe po lẹndai etọn na mí po go. Nugbo enẹ yin mimọ to Biblu mẹ. Nugbo enẹ yinyọnẹn sọgan gọalọna mí nado yọ́n nuhe yin nujọnu hugan lẹ po nuhe ma yinmọ lẹ po. Dotẹnmẹ nina nugbo Biblu tọn nado deanana nudide po nuyiwa mítọn lẹ po nọ dekọtọn do gbẹzan he tindo zẹẹmẹ dogọ mẹ.—Luku 11:28.

Sọ pọ́n Howhinwhẹn lẹ 3:5, 6, 13-18 po 1 Timoti 6:9, 10 po.

Gblọndo Biblu tọn na kanbiọ ṣidopo poun wẹ mí gbadopọnna to kleun mẹ niyẹn. Be hiẹ jlo na yọ́n devo lẹ dogọ ya? Matin ayihaawe, hiẹ na jlo eyin a yin dopo to mẹhe “yọnẹn dọ yé tindo nuhudo gbigbọmẹ tọn lẹ” mẹ. Kanbiọ devo lẹ sọ sọgan nọ duahunmẹna we, taidi: ‘Eyin Jiwheyẹwhe nọ hò mítọn pọ́n, naegbọn e do jotẹnna ylanwiwa po yajiji susu po sọmọ to whenuho gblamẹ? Nawẹ yẹn sọgan hẹn ninọmẹ gbẹzan whẹndo ṣie tọn pọnte dogọ gbọn?’ Biblu na gblọndo gigọ́ po pekọhẹnwanamẹ tọn lẹ po na kanbiọ ehelẹ gọna susu devo lẹ.

Ṣigba, to egbehe mẹsusu nọ whleawu nado gbadopọnna Biblu. Yé nọ pọ́n ẹn hlan taidi owe he bẹ nususu hẹn de he nọ vẹawu to whedelẹnu nado mọnukunnujẹemẹ. Be hiẹ na jlo alọgọ nado dín gblọndo lọ lẹ to Biblu mẹ ya? Kunnudetọ Jehovah tọn lẹ to onú awe zedonukọnnamẹ, he sọgan gọalọna we.

Tintan, owe Etẹwẹ Biblu Plọn Mí Taun? yin awuwlena nado gọalọna mẹhe alọnu yetọn ján lẹ nado gbadopọnna gblọndo họnwun Biblu tọn na kanbiọ titengbe lẹ. Awetọ wẹ tito plọnmẹ Biblu whégbè tọn vọnu de. Kunnudetọ Jehovah tọn he nọ nọ̀ lẹdo towe mẹ he pegan nado plọnmẹ Biblu de sọgan wá owhé towe gbè kavi fidevo he yọ́n hugan na we bo yí whenu vude zan to osẹ dopodopo mẹ nado nọ dọhodo Biblu ji hẹ we vọnu. Gbẹtọ livi susu lẹdo aihọn pé wẹ ko mọaleyi sọn tito ehe mẹ. Susu yetọn ko wá tadona ojlofọndotenamẹ tọn ehe kọ̀n dọmọ: “Yẹn ko mọ nugbo lọ!”

Adọkunnu he hugan ehe de ma sọgan yin mimọ. Nugbo Biblu tọn tún mí dote sọn otangblo, bẹwlu, po obu he ma sọgbe po mẹ. E nọ na mí todido, lẹndai, po ayajẹ po. Jesu dọmọ: “Mìwlẹ nasọ yọ́n nugbo, nugbo lọ nasọ hẹn mì jẹ mẹdekannu.”—Johanu 8:32.

1. Dawe de he to Biblu plọn; 2. Nawe de he to Biblu plọn

Plọnnu Dogọ

Naegbọn Mí Dona Plọn Biblu?

Biblu to alọgọna gbẹtọ livi susu lẹdo aihọn pé nado mọ gblọndo na kanbiọ tangan gbẹ̀mẹ tọn lẹ. Hiẹ lọsu jlo na tin to yé mẹ ya?

Be Jiwheyẹwhe Yin Huhlọn Tata de Poun Wẹ Ya?

Biblu dọ dọ Jiwheyẹwhe dá nulẹpo, ṣigba be e nọ hò mítọn pọ́n ya?

Naegbọn N’Dona Nọ Hodẹ̀? Be Jiwheyẹwhe Na Sè Ya?

Eyin Jiwheyẹwhe na sè odẹ̀ towe, hiẹ lọsu go wẹ e na sọn.