Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Jesu—Aliho lọ, Nugbo lọ po Ogbẹ̀ Po

 WETA 75

Jesu Do Nuhe Yin Asisa Ayajẹ Nujọnu Tọn Hia

Jesu Do Nuhe Yin Asisa Ayajẹ Nujọnu Tọn Hia

LUKU 11:14-36

  • AOVI LẸ YINYAN JẸGBONU GBỌN “ALỌVI JIWHEYẸWHE TỌN” DALI

  • ASISA AYAJẸ NUJỌNU TỌN

Jesu ṣẹṣẹ vọ́ anademẹ he e na gando odẹ̀ go lẹ dọ, ṣigba e ma yin whẹho enẹ kẹdẹ wẹ fọndote hugan whladopo to lizọnyizọn etọn whenu. To whenue Jesu to azọ́njiawu lẹ wà to Galili, yè sawhẹ lalo dokọna ẹn dọ huhlọn he wá sọn ogán aovi lẹ tọn dè wẹ e nọ yí do wà azọ́n ehelẹ. Todin he e to Jude, whẹsadokọnamẹ ehe sọ fọndote whladopo dogọ.

To whenue Jesu yàn aovi he glọnalina dawe de nado dọho jẹgbonu, awuji gbẹtọgun he to finẹ lọ. Ṣigba, e ma yinmọ na homọdọdomẹgotọ etọn lẹ. Yé fọ́n whẹsadokọnamẹ dopolọ dote dọmọ: “Beẹlzebuli, ogán aovi lẹ tọn wẹ e nọ yí do yàn aovi lẹ jẹgbonu.” (Luku 11:15) Mẹdevo lẹ jlo na yọ́n kunnudenu he do fie Jesu wá sọn hia, enẹwutu yé biọ to e si nado basi ohia de sọn olọn mẹ.

To whenue Jesu mọdọ yé to tintẹnpọn nado whlé emi pọ́n, e na gblọndo yé dile e wà na homọdọdomẹgotọ he e dukosọ hẹ to Galili lẹ do. E dọ dọ ahọluduta depope he klan sọta ede na jẹvọ́ bo hẹn yé lẹnnupọn dọmọ: “Eyin Satani lọsu klan sọta ede, nawẹ ahọluduta etọn na nọte do?” Enẹgodo, Jesu dọna yé tlọlọ dọmọ: “Eyin gbọn alọvi Jiwheyẹwhe tọn gblamẹ wẹ yẹn nọ yàn aovi lẹ jẹgbonu, be Ahọluduta Jiwheyẹwhe tọn ko gbọ mì go.”—Luku 11:18-20.

To whenue Jesu donù “alọvi Jiwheyẹwhe tọn” go, enẹ dona ko hẹn todoaitọ etọn lẹ flin nuhe jọ to whenuho Islaeli tọn mẹ. Mẹhe to họ̀nmẹ Falo tọn bo mọ azọ́njiawu he wà Mose te lẹ dawhá dọmọ: “Alọvi Jiwheyẹwhe tọn wẹ ehe!” “Alọvi Jiwheyẹwhe tọn” wẹ sọ kàn Gbedide Ao lẹ do wekan-zannu awe lẹ ji. (Eksọdusi 8:19; 31:18) Mọdopolọ, “alọvi Jiwheyẹwhe tọn”—yèdọ gbigbọ wiwe, kavi huhlọn-yido-wazọ́n etọn wẹ sọ hẹn Jesu penugo todin nado yàn aovi lẹ jẹgbonu bo hẹnazọ̀ngbọna gbẹtọ lẹ. Enẹwutu, Ahọluduta Jiwheyẹwhe tọn ko gbọ nukundiọsọmẹtọ enẹlẹ go, na Jesu he yin Ahọlu dide Ahọluduta lọ tọn, tin to yé dè bo to azọ́n ehelẹ wà bọ yé ma kẹalọyi i.

Nugopipe Jesu tọn nado yàn aovi jẹgbonu dohia dọ e tindo huhlọn do Satani ji, kẹdẹdile omẹ huhlọnnọ de nọ duto mẹhe sọawhànnu ganji bo to hihọ́-basina họ̀nmẹ de ji do. Jesu sọ vọ́ apajlẹ etọn he e na gando gbigbọ mawé he tọ́njẹgbonu sọn dawe de mẹ go dọ. Eyin dawe lọ ma hẹn otẹn he jẹvọ́ lọ gọ́ po onú dagbe lẹ po, gbigbọ lọ na lẹkọwa po ṣinawe devo lẹ po bo na hẹn ninọmẹ dawe lọ tọn ylanhu tintan tọn. (Matiu 12:22, 25-29, 43-45) Mọdopolọ wẹ e na yindo na akọta Islaeli tọn.

Nawe de he to todoaina Jesu yin whinwhàn nado dawhá dọmọ: “Ayajẹnọ wẹ adọ̀ he mẹ hiẹ whẹ́n te po anọ́ he hiẹ nọ́ lẹ po!” Yọnnu Juvi lẹ nọ jlo nado yin onọ̀ yẹwhegán de tọn, titengbe onọ̀ Mẹsia lọ tọn. Enẹwutu, yọnnu ehe sọgan ko lẹndọ homẹ Malia tọn sọgan nọ hùn taun nado yin onọ̀ mẹplọntọ mọnkọtọn tọn. Ṣigba, Jesu jla pọndohlan nawe ehe tọn do, bo dọ nuhe yin asisa ayajẹ nujọnu tọn dọmọ: “Lala, kakatimọ, Ayajẹnọ wẹ mẹhe to ohó Jiwheyẹwhe tọn sè bo to yíyí i hẹn lẹ!” (Luku 11:27, 28) Jesu ma dọ pọ́n gbede dọ gbégbò vonọtaun dona yin nina Malia. Kakatimọ, nuhe nọ hẹn ayajẹ nujọnu tọn wá na sunnu kavi yọnnu depope wẹ nado yin devizọnwatọ nugbonọ Jiwheyẹwhe tọn, e ma yin na mí yin hẹnnumẹ mẹde tọn kavi na nuhe mí wadotana lẹ wutu gba.

Dile Jesu wà do to Galili, e gbẹnuna mẹhe biọ ohia de sọn olọn mẹ lẹ. E dọ dọ ohia depope ma na yin nina yé adavo “ohia Jona tọn.” Jona yinuwa taidi ohia de to whenue e nọ̀ ohò whèvi tọn mẹ na azán atọ̀n, podọ to whenue e yí adọgbigbo do dọyẹwheho, ehe whàn Ninevenu lẹ nado lẹnvọjọ. Jesu dọmọ: “Ṣigba, pọ́n! mẹde he hugan Jona tin tofi.” (Luku 11:29-32) Jesu tlẹ sọ hugan Sọlomọni, mẹhe ahọsi Ṣeba tọn wá dotó nuyọnẹn etọn.

Jesu yidogọ dọmọ: “Mẹde ma nọ tá miyọ́ngbán, bọ to enẹgodo nọ ze e do nuglọ kavi do ohà nujijlẹ tọn glọ, ṣigba do miyọ́ngbán-tin ji.” (Luku 11:33) E sọgan ko to didohia dọ mẹpinplọn po azọ́njiawu lẹ wiwà po to omẹ ehelẹ nukọn taidi yè ni tá miyọ́ngbán bo whlá hinhọ́n etọn. Na nukun yetọn lẹ ma to fidopo wutu, yé gbọ lẹndai azọ́n etọn lẹ tọn go.

Jesu ṣẹṣẹ yàn aovi de jẹgbonu podọ e ko sọ gbọazọ̀nna dawe unbọpẹnnọ de bọ e jẹ hodọ ji. Enẹ dona ko hẹn gbẹtọ lẹ nado pagigona Jiwheyẹwhe bo dọ nuhe wà Jehovah te lẹ na mẹdevo lẹ. Enẹ wẹ zọ́n bọ Jesu do zan hogbe avase tọn ehelẹ na homọdọdomẹgotọ etọn lẹ dọmọ: “Enẹwutu, [mì] nọ aṣeji, na hinhọ́n he tin to [mì] mẹ nikaa lẹzun zinvlu. Enẹwutu, eyin agbasa [mìtọn] pete gọ́ na hinhọ́n, bọ apadewhe etọn ma dozinvlu to aliho depope mẹ, popolẹpo na họ́n taidile miyọ́ngbán de nọ na [mì] hinhọ́n gbọn hinhọ́n etọn dali do.”—Luku 11:35, 36.

Plọnnu Dogọ

Malia—“Pọ́n! Afanumẹ Yọnnu Jehovah Tọn!”

Etẹwẹ gblọndo he Malia na angẹli Gabliẹli dohia gando yise etọn go? Jẹhẹnu họakuẹ devo tẹwẹ e dohia?