Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Jesu—Aliho lọ, Nugbo lọ po Ogbẹ̀ Po

 WETA 114

Klisti Na Dawhẹna Lẹngbọ lẹ po Gbọgbọẹ lẹ Po

Klisti Na Dawhẹna Lẹngbọ lẹ po Gbọgbọẹ lẹ Po

MATIU 25:31-46

  • JESU NA APAJLẸ LẸNGBỌ LẸ PO GBỌGBỌẸ LẸ PO TỌN

To Osó Olivie tọn ji, Jesu ṣẹṣẹ na apajlẹ awhli ao lẹ po talẹnti lẹ po tọn wẹ. Nawẹ e dotana gblọndo etọn na kanbiọ apọsteli lẹ tọn gando ohia tintin tofi etọn po vivọnu titonu lọ tọn po go gbọn? E na apajlẹ godo tọn de, yèdọ lẹngbọ lẹ po gbọgbọẹ lẹ po tọn.

Nado bẹjẹeji, Jesu dọ whenue apajlẹ lọ na mọ hẹndi te na yé dọmọ: “To whenuena Visunnu gbẹtọ tọn na wá to gigo etọn mẹ po angẹli lẹpo po, to whenẹnu wẹ e na sinai to ofìn gigonọ etọn ji.” (Matiu 25:31) Jesu hẹn ẹn họnwun hezeheze dọ emi wẹ omẹ tangan lọ to apajlẹ ehe mẹ. E nọ saba ylọ ede dọ “Visunnu gbẹtọ tọn.”—Matiu 8:20; 9:6; 20:18, 28.

Whetẹnu wẹ apajlẹ ehe na mọ hẹndi? E na mọ hẹndi to whenue Jesu “na wá to gigo etọn mẹ” po angẹli lẹ po bo na sinai “to ofìn gigonọ etọn ji.” E ko dọ wayi dọ “Visunnu gbẹtọ tọn ja to aslọ olọn tọn lẹ mẹ to huhlọn po gigo daho po mẹ” po angẹli etọn lẹ po. Whetẹnu wẹ enẹ na jọ? “To nukunbibia . . . godo tlolo.” (Matiu 24:29-31; Malku 13:26, 27; Luku 21:27) Enẹwutu, apajlẹ ehe na mọ hẹndi to whenue Jesu na wá to gigo etọn mẹ to sọgodo. Etẹwẹ e na wà to whenẹnu?

Jesu basi zẹẹmẹ dọmọ: “To whenuena Visunnu gbẹtọ tọn na wá . . . akọta lẹpo nasọ yin bibẹpli do nukọn etọn, bọ e na klan gbẹtọ lẹ dovo, yèdọ ode sọn awetọ go, kẹdẹdile lẹngbọhọtọ de nọ klan lẹngbọ lẹ sọn gbọgbọẹ lẹ go do. E nasọ bẹ lẹngbọ lẹ do adusilọ etọn mẹ, ṣigba gbọgbọẹ lẹ do amiyọn etọn mẹ.”—Matiu 25:31-33.

Gando lẹngbọ he yin bibẹdo adà nukundagbe tọn mẹ lẹ go, Jesu dọmọ: “To whenẹnu, Ahọlu lọ na dọna mẹhe to adusi etọn mẹ lẹ dọmọ: ‘Mì wá, mì mẹhe Otọ́ ṣie ko dona lẹ, mì dugu Ahọluduta lọ tọn he ko yin awú etọn wle dai na mì sọn whenue aihọn ko yin didoai.’” (Matiu 25:34) Naegbọn lẹngbọ lọ lẹ do mọ nukundagbe Ahọlu lọ tọn yí?

Ahọlu lọ basi zẹẹmẹ dọmọ: “Huvẹ hù mi bọ mì na mi nude nado dù; nugbla hù mi bọ mì na mi nude nado nù. Yẹn yin jonọ bọ mì yí mi po gbigbọ johẹmẹ tọn po; yẹn to omẹ́ bọ mì ṣinyọnavọ̀na mi. Yẹn jẹazọ̀n bọ mì penukundo go e. Yẹn to gànpamẹ bọ mì wá dla mi pọ́n.” To whenue lẹngbọ ehelẹ, enẹ wẹ “dodonọ lẹ,” kanse e aliho he mẹ yé wà onú dagbe enẹlẹ te, ewọ gblọn dọmọ: “Dile mìwlẹ ko basi i na dopo to mẹhe whè hugan to mẹmẹsunnu ṣie ehelẹ mẹ, yẹn wẹ mì basi i na.” (Matiu 25:35, 36, 40, 46) Yé ma basi onú dagbe ehelẹ to olọn mẹ, na azọ̀n po huvẹ po ma to dọ́n. Nuhe yin bibasi na mẹmẹsunnu Klisti tọn he to aigba ji lẹ wẹ onú ehelẹ dona ko yin.

Etẹwẹ dogbọn gbọgbọẹ lẹ, enẹ wẹ mẹhe yin bibẹdo amiyọn mẹ lẹ dali? Jesu dọmọ: “Enẹgodo, [Ahọlu lọ] na dọna mẹhe to amiyọn etọn mẹ lẹ dọ: ‘Mì tọ́n sọn dè e, mì mẹhe ko yin dẹ̀hodo lẹ, mì yì miyọ́n madopodo he ko yin awú etọn wle dai na Lẹgba po angẹli etọn lẹ po mẹ. Na huvẹ hù mi, ṣigba mì ma na mi nude nado dù; podọ nugbla hù mi, ṣigba mì ma na mi nude nado nù. Yẹn yin jonọ, ṣigba mì ma yí mi po gbigbọ johẹmẹ tọn po; yẹn to omẹ́, ṣigba mì ma ṣinyọnavọ̀na mi; yẹn jẹazọ̀n podọ yẹn to gànpamẹ, ṣigba mì ma penukundo go e.’” (Matiu 25:41-43) Gbọgbọẹ lẹ jẹna whẹdida ehe, na yé gboawupo nado yinuwa hẹ mẹmẹsunnu Klisti tọn he to aigba ji lẹ po homẹdagbe po, dile yé dona ko wà do.

Apọsteli lọ lẹ mọdọ ojlẹ whẹdida tọn sọgodo tọn ehe na tindo kọdetọn madopodo lẹ. Jesu dọna yé dọmọ: “Whenẹnu wẹ [Ahọlu lọ] na . . . dọmọ, ‘Nugbo wẹ yẹn dọna mì, dile mìwlẹ ma ko basi i na dopo to mẹhe whè hugan to omẹ ehelẹ mẹ, yẹn wẹ mì ma basi i na.’ Omẹ ehelẹ nasọ yin sinsánsẹ kakadoi, ṣigba dodonọ lẹ na nọgbẹ̀ kakadoi.”—Matiu 25:45, 46.

Gblọndo he Jesu na na kanbiọ apọsteli lọ lẹ tọn na nudọnamẹ gigọ́ lẹ hodotọ etọn lẹ, ehe ji yé na nọ lẹnayihamẹpọn do, podọ e na gọalọna yé nado nọ gbeje pọndohlan po nuyiwa yetọn lẹ po pọ́n.

Plọnnu Dogọ

Godoninọna Mẹmẹsunnu Klisti Tọn lẹ po Nugbonọ-Yinyin Po

Nawẹ mẹhe Klisti dawhẹna taidi lẹngbọ lẹ nọgodona mẹmẹsunnu etọn lẹ gbọn?