Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Jesu—Aliho lọ, Nugbo lọ po Ogbẹ̀ Po

Hiẹ sọgan hia nujijọ he wá aimẹ to gbẹzan Jesu tọn mẹ bo yin kinkandai to Biblu mẹ lẹpo to owe ehe mẹ.

HOMẸBIBIỌ

Aliho lọ, Nugbo lọ po Ogbẹ̀ Po

Nuplọnmẹ po nuyiwa Jesu tọn lẹ po he tin to owe wẹndagbe tọn lẹ mẹ sọgan diọ gbẹzan towe.

WETA 1

Owẹ̀n Awe Delẹ He Wá sọn Jiwheyẹwhe Dè

Angẹli Gabliẹli do owẹ̀n he vẹawu nado yise lẹ.

WETA 2

Jesu Yin Gbégbòna Jẹnukọnna Jiji Etọn

Nawẹ Elizabẹti po ovi he to ohò etọn mẹ po gbògbéna Jesu gbọn?

WETA 3

Mẹhe Na Jla Aliho lọ Do Yin Jiji

Tlolo he onù Zekalia tọn hùn to azọ́njiawu-liho, e dọ dọdai titengbe de.

WETA 4

Malia Mọhò, Ṣigba E Ma Ko Wlealọ

To whenue Malia dọna Josẹfu dọ emi mọhò gbọn gbigbọ wiwe dali bo basi zẹẹmẹ dọ emi ma tindo kọndopọ hẹ sunnu devo, be Josẹfu yí i sè ya?

WETA 5

Fie Wẹ Jesu Yin Jiji te, Podọ to Whetẹnu?

Nawẹ mí wagbọn do yọnẹn dọ Jesu ma yin jiji to 25 décembre?

WETA 6

Visunnu Dopagbe Lọ

To whenue Josẹfu po Malia po ze viyẹyẹ lọ Jesu wá tẹmpli mẹ, Islaelivi mẹhomẹ awe dọ dọdai gando sọgodo Jesu tọn go.

WETA 7

Sunwhlẹvu-Pọntọ lẹ Wá Dla Jesu Pọ́n

Naegbọn sunwhlẹvu he yé mọ to Whèzẹtẹn lọ ma deanana yé yì Jesu dè to tintan-whenu, ṣigba yì Ahọlu hlọnhutọ lọ Hẹlọdi dè?

WETA 8

Yé Họ̀ngán sọn Alọ Ahọlu Ylankan de Tọn Mẹ

Dọdai Biblu tọn atọ̀n he gando Mẹsia lọ go wẹ mọ hẹndi to ovu whenu Jesu tọn.

WETA 9

Jesu Whẹ́n to Nazalẹti

Nọvisunnu po nọviyọnnu nẹmu po wẹ Jesu tindo?

WETA 10

Whẹndo Jesu Tọn Zingbejizọnlin Yì Jelusalẹm

Ayiha Josẹfu po Malia po tọn ma jai to whenue yé to Jesu dín, to whenuena e paṣa Jesu dọ yé ma yawu yọ́n fie ewọ na ko tin te.

WETA 11

Johanu Baptizitọ lọ Jla Aliho lọ Do

To whenue Falesi po Sadusi delẹ po wá Johanu dè, e gblewhẹdo yé. Etẹwutu?

WETA 12

Jesu Yí Baptẹm

Naegbọn Jesu yí baptẹm mahopọnna dọ ewọ ma waylando depope?

WETA 13

Plọnnu sọn Aliho He mẹ Jesu Pehẹ Whlepọn lẹ te Mẹ

Whlepọn he Jesu pehẹ do kunnudenu titengbe awe hia gando Lẹgba go.

WETA 14

Jesu Jẹ Devi lẹ Ṣinyan Ji

Etẹwẹ hẹn devi tintan Jesu tọn ṣidopo lẹ kudeji dọ yé ko mọ Mẹsia lọ?

WETA 15

Jesu Wà Azọ́njiawu Etọn Tintan

Jesu dohia onọ̀ etọn dọ Otọ́ olọn mẹ tọn emitọn wẹ to anadena emi todin, e ma yin ewọ gba.

WETA 16

Jesu Do Zohunhun Hia Na Sinsẹ̀n-Bibasi Nugbo

To whenuena e yindọ Osẹ́n Jiwheyẹwhe tọn kẹalọyi dọ gbẹtọ lẹ ni họ̀ kanlin lẹ to Jelusalẹm nado sanvọ́, naegbọn Jesu do gblehomẹ do ajọwatọ lẹ go to tẹmpli mẹ?

WETA 17

E Plọnnu Nikodẹmi to Zánmẹ

Etẹwẹ e zẹẹmẹdo nado “yin vivọji”?

WETA 18

Jesu to Jijideji bọ Johanu to Didepo

Devi Johanu Baptizitọ lọ tọn lẹ to awuwhàn dile etlẹ yindọ Johanu ma whànwu.

WETA 19

E Plọnnu Yọnnu Samalianu De

Jesu dọ nude na ẹn he e ma ko dọna mẹdevo de pọ́n.

WETA 20

Azọ́njiawu Awetọ to Kana

Jesu hẹnazọ̀ngbọna ovi de sọn olá, yèdọ sọn nudi kilomẹtlu 26.

WETA 21

To Sinagọgu mẹ to Nazalẹti

Etẹwẹ Jesu dọ bọ mẹhe wá sọn otò dopolọ mẹ po e po lẹ do jlo na hù i?

WETA 22

Jesu Basi Oylọna Devi Ẹnẹ

E basi oylọna yé nado jo whèhuhu wunmẹ de do bo bẹ devo jẹeji.

WETA 23

Jesu Wà Azọ́njiawu lẹ to Kapẹlnaumi

Eyin Jesu yàn aovi lẹ tọ́n, e nọ gbẹna aovi lọ lẹ ma nado dọna gbẹtọ lẹ dọ Visunnu Jiwheyẹwhe tọn wẹ ewọ. Etẹwutu?

WETA 24

Lizọnyizọn Etọn Hinhẹn Gbloada to Galili

Gbẹtọ lẹ wá Jesu dè nado yin azọ̀nhẹngbọna, ṣogan Jesu basi zẹẹmẹ dọ lẹndai lizọnyizọn emitọn tọn gbloada humọ.

WETA 25

Awuvẹmẹ Whàn Ẹn Nado Hẹnazọ̀ngbọna Pòtọnọ De

Po hogbe kleun he dohuhlọn de po, Jesu dohia dọ onú mẹhe emi hẹnazọ̀ngbọna lẹ tọn nọ duahunmẹna emi taun.

WETA 26

“Ylando Towe lẹ Ko Yin Jijona We”

Kanṣiṣa tẹwẹ Jesu dohia dọ e tin to ylando po azọ̀n po ṣẹnṣẹn?

WETA 27

Matiu Yin Oylọ-Basina

Naegbọn Jesu do dùnú hẹ mẹhe yin yinyọnẹn di ylandonọ lẹ?

WETA 28

Naegbọn Devi Jesu Tọn lẹ Ma Do Nọ Blanù?

Jesu yí apajlẹ he gando ayúgò ovẹn tọn lẹ go de zan nado na gblọndo.

WETA 29

Be E Jẹ Nado Wà Azọ́n Dagbe lẹ to Gbọjẹzangbe Ya?

Naegbọn Ju lẹ do dohomẹkẹn Jesu na e hẹnazọ̀ngbọna dawe he ko to azọ̀njẹ na owhe 38 de wutu?

WETA 30

Haṣinṣan He to Jesu po Otọ́ Etọn po Ṣẹnṣẹn

Ju lẹ lẹndọ Jesu to ede hẹn sọzẹn hẹ Jiwheyẹwhe, ṣigba Jesu hẹn ẹn họnwun dọ Jiwheyẹwhe yiaga hugan emi.

WETA 31

Likun Yiya to Gbọjẹzangbe

Naegbọn Jesu ylọ ede dọ “Oklunọ gbọjẹzan tọn”?

WETA 32

Etẹwẹ Sọgbe hẹ Osẹ́n to Gbọjẹzangbe?

Sadusi lẹ po Falesi lẹ po he ma nọ jẹpọ dai wá dogbepọ todin nado jẹagọdo Jesu.

WETA 33

Dọdai Isaia Tọn Hinhẹndi

Naegbọn Jesu nọ degbena mẹhe e hẹnazọ̀ngbọna lẹ ma nado dọ mẹhe ewọ yin po nuhe e wà lẹ po na mẹdevo lẹ?

WETA 34

Jesu De Apọsteli Wiawe

Vogbingbọn tẹwẹ tin to apọsteli de po devi de po ṣẹnṣẹn?

WETA 35

Yẹwhehodidọ Osó ji Tọn Ayidego Tọn Lọ

Mọ zẹẹmẹ nuagokun hodidọ Jesu tọn lẹ tọn.

WETA 36

Mẹkanwekowhàngán de Do Yise Nujọnu Tọn Hia

Etẹwẹ mẹkanwekowhàngán ehe wà he hẹn awuji Jesu?

WETA 37

Jesu Fọ́n Visunnu Asuṣiọsi de Tọn Sọnku

Mẹhe mọ azọ́njiawu ehe lẹ mọnukunnujẹ zẹẹmẹ nujọnu tọn etọn mẹ.

WETA 38

Johanu Jlo Na Sè Nuhe Jesu Na Dọ

Naegbọn Johanu Baptizitọ lọ kanse eyin Jesu wẹ Mẹsia lọ? Be Johanu tindo ayihaawe wẹ ya?

WETA 39

Dindọn Hlan Whẹndo de He Ma Tindo Ojlo

Jesu dọ dọ e na pọnte na otò Sodọmi tọn to Whẹdazangbe hú na Kapẹlnaumi, yèdọ tòdaho he mẹ e nọ pọ́n.

WETA 40

Nuplọnmẹ de Gando Jonamẹ Go

To whenue Jesu dọna nawe he sọgan ko yin galọtọ de dọ ylando etọn lẹ yin jijona ẹn, be didọ wẹ e te dọ e sọgbe nado gbà osẹ́n Jiwheyẹwhe tọn ya?

WETA 41

Mẹnu Wẹ Na Huhlọn Jesu Nado Wà Azọ́njiawu Lẹ?

Nọvisunnu Jesu tọn lẹ lẹndọ e ko hùn tadu.

WETA 42

Jesu Gbẹnuna Falesi Lẹ

Etẹwẹ yin “ohia Jona yẹwhegán lọ tọn”?

WETA 43

Apajlẹ lẹ Gando Ahọluduta lọ Go

Jesu na apajlẹ ṣinatọ̀n nado basi zẹẹmẹ adà voovo Ahọluduta olọn tọn lẹ tọn.

WETA 44

Jesu Doalọtena Yujẹhọn de to Ohù Ji

Whenue Jesu doalọtena jẹhọn lọ po agbówhẹn lọ lẹ po, e plọnmẹ onú titengbe de gando lehe gbẹninọ na te do go to gandudu Ahọluduta tọn etọn glọ.

WETA 45

E Tindo Huhlọn Do Aovi Susu Ji

Be mẹde sọgan tin to nuyiwadomẹji aovi susu tọn glọ ya?

WETA 46

E Doalọ Awù Jesu Tọn Go bo Yin Azọ̀nhẹngbọna

Jesu do huhlọn po awuvẹmẹ etọn po hia to nujijọ he miọnhomẹnamẹ ehe whenu.

WETA 47

Viyọnnu Pẹvi de Gọwá Ogbẹ̀!

Gbẹtọ lẹ jẹ Jesu ṣanko ji to whenue e dọ dọ viyọnnu he ko kú lọ to amlọndọ poun wẹ. Etẹwẹ ewọ yọnẹn bọ yewlẹ ma yọnẹn?

WETA 48

E Wà Azọ́njiawu lẹ, Ṣigba Yin Gbigbẹdai to Nazalẹti

Tòmẹnu Nazalẹti tọn lẹ gbẹ́ Jesu dai, e ma yin na nuplọnmẹ kavi azọ́njiawu etọn lẹ wutu, ṣigba na nudevo wutu.

WETA 49

E Dọyẹwheho to Galili bo Plọnazọ́n Apọsteli Lẹ

Etẹwẹ hodidọ lọ ‘Ahọluduta olọn tọn ko dọnsẹpọ’ zẹẹmẹdo na taun tọn?

WETA 50

Yin Awuwledaina Nado Dọyẹwheho Mahopọnna Homẹkẹn

Naegbọn Jesu dọna apọsteli lẹ nado họ̀n to whenue yé yin homẹkẹndo, eyin yé ma dona dibuna okú?

WETA 51

Hlọnhuhu to Hùnwhẹ Jijizan Tọn de Whenu

Owe Salome tọn vivi na Hẹlọdi bọ e dopà nado na ẹn nudepope he e na biọ. Obiọ kanlinjọmẹ tọn tẹwẹ e basi?

WETA 52

E Yí Akla po Whèvi Vude po Do Na Núdùdù Gbẹtọ Susu

Azọ́njiawu Jesu tọn lọ yin nujọnu sọmọ bọ owe Wẹndagbe tọn ẹnẹ lẹpo mẹ wẹ e yin kinkan do.

WETA 53

Gandutọ de He Sọgan Deanana Ninọmẹ Aimẹ Tọn

Etẹwẹ devi lẹ plọn to whenue Jesu zinzọnlin gbọn osin ji bo doalọtena jẹhọn?

WETA 54

Jesu Wẹ “Akla Ogbẹ̀ Tọn Lọ”

Naegbọn Jesu gblewhẹdo gbẹtọ lẹ mahopọnna dọ yé dovivẹnu taun nado wá e dè?

WETA 55

Hogbe Jesu Tọn lẹ Hẹn Mẹsusu Jọsi

Nuplọnmẹ Jesu tọn de hẹn devi etọn susu jọsi sọmọ bọ yé lẹkọ sọn godo etọn.

WETA 56

Etẹ Taun Wẹ Nọ Hẹn Gbẹtọ Flu?

Be nuhe nọ yì onù mẹ wẹ ya, kavi nuhe tọ́n sọn e mẹ?

WETA 57

Jesu Hẹnazọ̀ngbọna Viyọnnu de po Dawe Tókunọ de Po

Naegbọn nawe de ma gblehomẹ to whenue Jesu dlẹnalọdo mẹhe wá sọn akọta etọn mẹ lẹ taidi avún pẹvi lẹ?

WETA 58

E Hẹn Akla Vude Zun Susu bo Na Avase Gando Otọ́n Go

To godo mẹ, devi Jesu tọn lẹ wá mọnukunnujẹ otọ́n wunmẹ he hodọ e te lọ mẹ.

WETA 59

Mẹnu Wẹ Visunnu Gbẹtọ Tọn Yin?

Etẹwẹ họnhungan Ahọluduta lọ tọn lẹ yin? Mẹnu wẹ yí yé zan, podọ gbọnna?

WETA 60

Wunmẹdidiọ lọ Do Gigo Klisti Tọn Hia

Etẹwẹ wunmẹdidiọ lọ yin? Etẹwẹ e zẹẹmẹdo?

WETA 61

Jesu Hẹnazọ̀ngbọna Visunnu De

Jesu dọ dọ yise yetọn yin pẹvi wutu wẹ azọ̀n lọ ma do yin hinhẹngbọ to tintan whenu, ṣigba mẹnu go wẹ enẹ gando? Visunnu lọ, otọ́ etọn, kavi devi Jesu tọn lẹ?

WETA 62

Nuplọnmẹ Titengbe de Gando Whiwhẹ Go

Sunnu he ko whẹ́n mẹho lẹ plọn onú titengbe de sọn yọpọvu de dè.

WETA 63

Jesu Na Ayinamẹ Gando Ahlidida po Ylando po Go

E basi zẹẹmẹ afọdide atọ̀n he dona yin zize nado didẹ nuhahun sinsinyẹn he fọ́n to mẹmẹsunnu lẹ ṣẹnṣẹn tọn.

WETA 64

Dandannu Wẹ E Yin Nado Nọ Jonamẹ

Jesu yí apajlẹ afanumẹ he ma do lẹblanu hia lọ tọn zan nado do lehe e yin nujọnu na Jiwheyẹwhe do sọ nado nọ jona mẹdevo lẹ sọn ojlo mẹ wá hia.

WETA 65

E Plọnnumẹ to Whenue E Jei Jelusalẹm

To hodọdopọ kleun atọ̀n delẹ whenu, Jesu donù nuyiwa he sọgan glọnalina mẹde nado hodo e lẹ go.

WETA 66

Jesu Wá Hùnwhẹ Gòhọtúntún Tọn Tẹnmẹ to Jelusalẹm

Naegbọn mẹhe to todoaina Jesu lẹ sọgan ko lẹndọ e tindo aovi de?

WETA 67

“Omẹ Devo de Ma Ko Dọho Domọ Pọ́n Gbede”

Diblayin mẹlẹpo wẹ jẹagọdo Jesu to whẹdatẹn daho Ju lẹ tọn, ṣigba hagbẹ whẹdatẹn lọ tọn dopo yí adọgbigbo do yiavùnlọna ẹn.

WETA 68

Visunnu Jiwheyẹwhe Tọn Wẹ “Hinhọ́n Aihọn Tọn”

Jesu dọ dọ “nugbo lọ nasọ hẹn mì jẹ mẹdekannu.” Hẹnmẹ jẹ mẹdekannu sọn etẹ si?

WETA 69

Otọ́ Yetọn—Ablaham Kavi Lẹgba?

Jesu dọhodo lehe yè sọgan yọ́n ovi jọnun Ablaham tọn po mẹhe Otọ́ etọn yin nugbonugbo po do ji.

WETA 70

Jesu Hẹnazọ̀ngbọna Dawe de He Yin Jiji di Nukuntọ́nnọ

Devi lẹ kàn nuhewutu dawe de do yin jiji di nukuntọ́nnọ sè. Be e waylando wẹ ya? Be mẹjitọ etọn lẹ wẹ waylando ya? Aliho voovo mẹ wẹ gbẹtọ lẹ yinuwa te to whenue Jesu hẹnazọ̀ngbọna dawe lọ.

WETA 71

Falesi lẹ Diọnukunsọ Dawe He Yin Nukuntọ́nnọ Dai Lọ

Aliho mẹhẹnlẹnnupọn tọn he nukuntọ́nnọ dai tọn lọ yizan gblehomẹna Falesi lẹ. Dile mẹjitọ etọn lẹ ko to budi dọ e na yindo, Falesi lẹ dlan ẹn do gbonu sọn sinagọgu mẹ

WETA 72

Jesu Do Devi 70 lẹ Hlan Nado Yì Dọyẹwheho

To Jude, Jesu do devi 70 lẹ hlan awe awe taidi wẹnlatọ Ahọluduta lọ tọn lẹ. Fie wẹ devi lẹ na mọ gbẹtọ he yé na dọyẹwheho na lẹ te—to sinagọgu lẹ mẹ kavi to owhé yetọn lẹ gbè?

WETA 73

Samalianu de Do Mẹhe Yin Kọmẹnu Nujọnu Tọn de Hia

Nawẹ Jesu yí oló kọmẹnu Samalianu lọ kavi “Samalianu dagbe” lọ tọn zan nado na nuplọnmẹ he whànmẹ taun de gbọn?

WETA 74

Nuplọnmẹ lẹ Gando Johẹmẹ po Odẹ̀ po Go

Jesu dla Malia po Malta po pọ́n to owhé yetọn gbè. Etẹwẹ e plọn yé gando johẹmẹ go? Podọ to nukọn mẹ, nawẹ e plọnnu devi etọn lẹ gando nuhe yé na nọ biọ to odẹ̀ mẹ go gbọn?

WETA 75

Jesu Do Nuhe Yin Asisa Ayajẹ Nujọnu Tọn Hia

Jesu na gblọndo homọdọdomẹgotọ etọn lẹ bo dọhona yé gando “alọvi Jiwheyẹwhe tọn” po lehe Ahọluduta Jiwheyẹwhe tọn ko gbọ yé go do po go. E sọ do lehe gbẹtọ lẹ sọgan mọ ayajẹ nujọnu tọn do hia.

WETA 76

Núdùdù to Owhé Falesi de Tọn Gbè

Jesu hùngona yẹnuwiwa sinsẹ̀n tọn wekantọ lẹ po Falesi lẹ po tọn. Agbàn tẹlẹ wẹ yé yí do gbidikọna gbẹtọ lẹ?

WETA 77

Jesu Na Ayinamẹ Gando Adọkunnu lẹ Go

Jesu na apajlẹ dawe adọkunnọ de tọn he gbá agbànhọ dahodaho lẹ. Ayinamẹ tẹwẹ e vọ́ na gando owù he tin to adọkunnu lẹ dindin mẹ go?

WETA 78

Wleawudai, Họ̀nkọnsi Nugbonọ

Jesu do ojlo hia to dagbemẹninọ gbigbọmẹ tọn devi etọn lẹ tọn mẹ. Azọngban tẹwẹ họ̀nkọnsi de na hẹndi to dagbemẹninọ gbigbọmẹ tọn yetọn mẹ? Naegbọn ayinamẹ lọ nado wleawudai do yin nujọnu sọmọ?

WETA 79

Nuhewutu Vasudo to Tepọn Ju Mayisenọ Lẹ

Jesu dọ dọ mẹhe emi to alọgọna lẹ sọgan tin to hukan vasudo tọn ji eyin yé ma lẹnvọjọ. Be yé na kẹalọyi onú titengbe he Jesu to tintẹnpọn nado plọn yé gando haṣinṣan yetọn hẹ Jiwheyẹwhe go ya?

WETA 80

Lẹngbọhọtọ Dagbe lọ po Lẹngbọpo lọ lẹ Po

Haṣinṣan he tin to lẹngbọhọtọ de po lẹngbọ etọn po ṣẹnṣẹn do numọtolanmẹ he Jesu nọ tindo gando devi etọn lẹ go hia ganji. Be yé na yọ́n nuplọnmẹ etọn lẹ bo hodo anademẹ etọn ya?

WETA 81

Nawẹ Jesu po Otọ́ lọ po Yin Dopo Gbọn?

Delẹ to homọdọdomẹgotọ Jesu tọn lẹ mẹ sawhẹdokọna ẹn dọ e do ede hia di mẹhe sọzẹn hẹ Jiwheyẹwhe. Nawẹ e yí nuyọnẹn do gbẹ́ whẹsadokọnamẹ lalo yetọn dai gbọn?

WETA 82

Lizọnyizọn Jesu tọn to Pelea

Jesu basi zẹẹmẹ na todoaitọ etọn lẹ gando nuhe yé dona wà nado mọ whlẹngán go. Ayinamẹ etọn lẹ yin nujọnu to whenẹnu. Etẹwẹ dogbọn egbehe dali?

WETA 83

Oylọ-Basinamẹ Wá Núdùdù de Tẹnmẹ

To whenue e to núdù to owhé Falesi de tọn gbè, Jesu na apajlẹ gando núdùdù whèjai tọn daho de go. E bẹ nuplọnmẹ titengbe de hẹn na omẹ Jiwheyẹwhe tọn lẹpo. Etẹwutu?

WETA 84

Etẹwẹ Devi-Yinyin Bẹhẹn

Azọngban sinsinyẹn de wẹ nado yin devi Klisti tọn de. Jesu dọ nuhe ehe bẹhẹn lẹpo. E yọnbasi dọ nuhe e dọ lẹ ni hẹn hodotọ etọn sọgodo tọn lẹ jọsi.

WETA 85

Jaya to Whenue Ylandonọ de Lẹnvọjọ

Wekantọ lẹ po Falesi lẹ po mọhodọdo Jesu go na e nọ kọnawudopọ hẹ gbẹtọ paa lẹ wutu. Nado na yé gblọndo, Jesu yí apajlẹ lẹ zan nado do pọndohlan he Jiwheyẹwhe tindo gando ylandonọ lẹ go hia.

WETA 86

Visunnu He Ko Bu lọ Lẹkọwa

Etẹlẹ wẹ mí sọgan plọn sọn apajlẹ Jesu tọn gando visunnu duvanọ lọ go mẹ?

WETA 87

Nọ Mọnú Hlan Nukọn bo Nọ Yinuwa po Nuyọnẹn Po

Jesu yí apajlẹ nukunpedonugotọ whégbè tọn he yọ́n ayiha kàn de tọn zan nado plọnmẹ nugbo he paṣamẹ de.

WETA 88

Ninọmẹ Dawe Adọkunnọ lọ po Lazalọsi po Tọn Diọ

Nado mọnukunnujẹ oló Jesu tọn mẹ, a dona yọ́n mẹhe omẹ awe he ji e sinai do lẹ nọtena.

WETA 89

E Dọyẹwheho to Pelea Dile E Jei Jude

E zinnudo jẹhẹnu de ji he sọgan gọalọna mí nado nọ jonamẹ, etlẹ yin mẹhe ṣinuwa do mí whlasusu lẹ.

WETA 90

“Fọnsọnku po Ogbẹ̀ Po”

Etẹ dọ wẹ Jesu te to whenue e dọ dọ mẹhe do yise hia to emi mẹ lẹ “ma na kú pọ́n gbede”?

WETA 91

Lazalọsi Yin Finfọnsọnku

Adà tangan awe delẹ to nujijọ ehe mẹ zọ́n bọ nukundiọsọmẹtọ Jesu tọn lẹ lọsu ma gán jẹagọdo azọ́njiawu lọ.

WETA 92

Pòtọnọ Dopo Wẹ Do Pinpẹn-Nutọn-Yinyọnẹn Hia

Dawe he yin azọ̀nhẹngbọna lọ do pinpẹn-nutọn-yinyọnẹn hia Jesu, amọ́ e sọ dohia mẹdevo ga.

WETA 93

Visunnu Gbẹtọ Tọn Na Yin Hinhẹn Sọawuhia

Aliho tẹmẹ wẹ tintin tofi Jesu tọn na taidi abì te?

WETA 94

Nuhudo Titengbe Awe—Odẹ̀ po Whiwhẹ Po

To apajlẹ Jesu tọn gando whẹdatọ kanylantọ de po asuṣiọsi de po go mẹ, e zinnudo nujọnu-yinyin jẹhẹnu tangan de tọn ji.

WETA 95

Nuplọnmẹ Gando Gbẹdai po Wanyina Yọpọvu lẹ po Go

Pọndohlan Jesu tọn gando yọpọvu lẹ go gbọnvona devi etọn lẹ tọn taun. Gbọnna?

WETA 96

Jesu Na Gblọndo Dẹpẹ He Yin Ogán Adọkunnọ De

Etẹwẹ zọ́n bọ Jesu dọ dọ e bọawuna kanklosọ́ de nado gbọn onù yẹnvi he nọ tọ̀ avọ̀ de tọn mẹ hú na adọkunnọ de nado biọ Ahọluduta Jiwheyẹwhe tọn mẹ?

WETA 97

Apajlẹ Pakanọ He to Vẹngle mẹ lẹ Tọn

Nawẹ mẹhe yin tintan na lẹzun godotọ podọ godotọ na lẹzun tintan gbọn?

WETA 98

Apọsteli lẹ Gbẹ́ Pò to Otẹn He Yiaga Dín

Jakọbu po Johanu po biọ nado nọ otẹn vonọtaun lẹ mẹ to Ahọluduta lọ mẹ, ṣigba e ma yin yewlẹ kẹdẹ.

WETA 99

Jesu Hunnukun Na Dawe Delẹ bo Gọalọna Zaṣe

Kandai Biblu tọn he gando dawe nukuntọ́nnọ he Jesu hunnukun na sẹpọ Jẹliko lọ go lẹ taidi nuhe sọta yede, amọ́ nawẹ mí sọgan mọnukunnujẹ yé mẹ gbọn?

WETA 100

Apajlẹ Etọn Gando Mina Ao Go

Etẹ dọ wẹ Jesu te to whenue e dọ dọ: “Mẹdepope he tindo, e na yin nina ẹn dogọ, ṣigba, ewọ he ma tindo, yèdọ nuhe e tlẹ tindo na yin yíyí sọn e si”?

WETA 101

Núdùdù to Owhé Simọni Tọn Gbè to Bẹtani

Malia he yin nọviyọnnu Lazalọsi tọn wà nude he fọ́n nudindọn dote, ṣigba Jesu yiavùnlọna ẹn.

WETA 102

Ahọlu lọ Biọ Jelusalẹm to Kẹtẹkẹtẹvu de Ji

E hẹn dọdai he ko yin didọ sọn owhe 500 die gbọ́n di.

WETA 103

Jesu Vọ́ Tẹmpli lọ Klọ́we

E taidi dọ mẹhe to nusà to Jelusalẹm lẹ to nuyiwa sọgbe hẹ osẹ́n, ṣigba etẹwutu Jesu do ylọ yé dọ jaguda lẹ?

WETA 104

Ju lẹ Sè Ogbè Jiwheyẹwhe Tọn—Be Yé Na Do Yise Hia Ya?

Be vogbingbọn de tin to yise didohia to Jesu mẹ po nuyiwa sọgbe hẹ yise enẹ po mẹ ya?

WETA 105

Jesu Yí Ovòtin de Zan Nado Plọnnumẹ Gando Yise Go

Jesu plọnnu devi etọn lẹ gando huhlọn yise tọn go bo do zẹẹmẹ nuhewutu Jiwheyẹwhe gbẹ́ akọta Islaeli tọn dai hia.

WETA 106

Apajlẹ Awe Gando Vẹngle lẹ Go

Mọ zẹẹmẹ oló dawe he biọ to visunnu etọn lẹ si nado yì wazọ́n to vẹngle etọn mẹ po dawe he haya vẹngle etọn na glesi kanylantọ lẹ po tọn.

WETA 107

Ahọlu de Basi Oylọna Gbẹtọ lẹ Wá Hùnwhẹ Alọwle Tọn

Dọdai de wẹ oló Jesu tọn yin.

WETA 108

Jesu Họ̀ngán sọn Omọ̀ Yetọn lẹ Mẹ

Tintan e bọnùdo na Falesi lẹ, enẹgodo Sadusi lẹ podọ gbọngodo, pipli kẹntọ etọn lẹ tọn de.

WETA 109

E Dedona Agọjẹdomẹtọ Etọn Lẹ

Naegbọn Jesu ma miọnnukundo vogbingbọn sinsẹ̀n tọn lẹ?

WETA 110

Azán Godo Tọn He Jesu Yizan to Tẹmpli Mẹ

E yí apajlẹ asuṣiọsi wamọnọ de tọn zan nado plọnmẹ onú titengbe de.

WETA 111

Apọsteli lẹ Biọ Ohia De

Dọdai etọn mọ hẹndi tintan to owhe kanweko tintan whenu. Be e gbẹ́ sọgan wá tindo hẹndi he gbloada de to nukọn mẹ ya?

WETA 112

Apajlẹ Awhli lọ lẹ Tọn Plọn Mí Dọ Mí Dona Nọ Nọ̀ Aṣeji

Be pinplọnmẹ wẹ Jesu te dọ mado-awe devi etọn lẹ tọn yin nulunọ bọ mado-awe he pò yin nuyọnẹntọ ya?

WETA 113

Apajlẹ Talẹnti lẹ Tọn Plọn Mí Dọ Mí Dona Nọ Dovivẹnu

Oló Jesu tọn basi zẹẹmẹ nuhe e dọ tọn dọmọ: “Mẹdepope he tindo, yè na na ẹn dogọ.”

WETA 114

Klisti Na Dawhẹna Lẹngbọ lẹ po Gbọgbọẹ lẹ Po

Jesu yí oló ayidego tọn de zan do basi zẹẹmẹ dodonu whẹdida madopodo tọn.

WETA 115

Juwayi Godo Tọn He Jesu Na Basi to Dindọnsẹpọ

Naegbọn e do jẹna ayidego dọ sinsẹ̀ngán lẹ kọngbedopọ nado sú fataka-kuẹ 30 pẹpẹ Juda na e nido de Jesu hia?

WETA 116

Jesu Plọnmẹ Whiwhẹ to Juwayi Godo Tọn Whenu

Azọ́n afanumẹ tọn he e wà paṣa apọsteli lẹ.

WETA 117

Tenu-Núdùdù Oklunọ Tọn

Jesu ze oflin de dai he hodotọ etọn lẹ dona nọ basi to whemẹwhemẹ to Nisan 14tọ gbè.

WETA 118

Nudindọn de Fọ́n Nado Yọ́n Mẹhe Klohugan

Apọsteli lẹ ko wọn nuhe Jesu plọn yé ojlẹ de jẹnukọn to whèjai enẹ.

WETA 119

Jesu Wẹ Aliho lọ, Nugbo lọ po Ogbẹ̀ Po

Jesu plọnmẹ nugbo titengbe de gando lehe mẹde sọgan dọnsẹpọ Jiwheyẹwhe do go.

WETA 120

Nọ De Sinsẹ́n Tọ́n di Alà bo Yin Họntọn Jesu Tọn

Aliho tẹlẹ mẹ wẹ devi Jesu tọn lẹ nọ de “sinsẹ́n tọ́n” te?

WETA 121

“Mì Gboadọ! Yẹn Ko Gbawhàn Aihọn Tọn”

Nawe Jesu sọgan ko gbawhàn aihọn tọn gbọn, to whenuena e yindọ aihọn lọ wẹ hù i?

WETA 122

Odẹ̀ Tadona Tọn Jesu Tọn to Abò Aga Tọn lọ Mẹ

Jesu hẹn ẹn họnwun dọ nuhe ewọ wadotana yin nujọnu hugan gbẹtọvi lẹ tuntundote poun.

WETA 123

Dẹ̀hiho to Awubla Sinsinyẹn Mẹ

Naegbọn Jesu do hodẹ̀ dọmọ: “De kọfo ehe sọn dè e”? Be ota de sọn e mẹ wẹ e te ma nado hẹn azọngban etọn lọ nado kú taidi ofligọ de di ya?

WETA 124

Klisti Yin Didehia bo Yin Wiwle

Juda penugo nado mọ Jesu dile etlẹ yindọ zánhomẹ pete wẹ.

WETA 125

Yè Plan Jesu Yì Annas Dè, Enẹgodo Yì Kaifa Dè

Owhẹ̀ agọ̀ wẹ yin didá na Jesu.

WETA 126

Pita Mọ́n Jesu to Owhé Kaifa Tọn Gbè

Nawẹ Pita, mẹhe tindo yise po mẹdezejo mlẹnmlẹn po sọgan yawu mọ́n Jesu domọ gbọn?

WETA 127

Whẹdatẹn Daho lọ Dawhẹna Jesu, bo Plan Ẹn Yì Pilati Dè

Sinsẹ̀ngán Ju lẹ de linlẹn yetọn lẹ hia.

WETA 128

Pilati po Hẹlọdi po Mọdọ Jesu Yin Homẹvọnọ

Naegbọn Pilati do Jesu hlan Hẹlọdi dè na e nido dawhẹna ẹn? Be Pilati ma tindo aṣẹpipa nado dawhẹna Jesu wẹ ya?

WETA 129

Pilati Lá Dọmọ: “Mì Pọ́n! Dawe Lọ!

Pilati lọsu tlẹ doayi jẹhenu dagbe he Jesu dohia lẹ go.

WETA 130

Jesu Yin Zizejo bọ Yè Plan Ẹn Jei Hùhùtẹn

Naegbọn Jesu do dọna yọnnu he to awubla na ẹn lọ lẹ nado viavi na yede podọ na ovi yetọn lẹ kakati nido yin na ewọ?

WETA 131

Ahọlu Homẹvọnọ de Jiya to Pòtin Ji

Jesu do opagbe he na mọ hẹndi to sọgodo de na dopo to sẹ́nhẹngbatọ he yin whiwhè do pòtin go hẹ ẹ lẹ mẹ.

WETA 132

Matin Ayihaawe, Visunnu Jiwheyẹwhe Tọn Wẹ Dawe Ehe”

Zinvlu he do to okle to azọ́njiawu-liho, aigba sisọsisọ lọ po tintlẹn do awe họmẹgbòvọ̀ he to tẹmpli mẹ lọ tọn po hẹnmẹ wá tadona dopo kọ̀n.

WETA 133

Oṣiọ Jesu Tọn Yin Awuwlena bo Yin Dìdì

Naegbọn e do biọ dọ Jesu ni yin dìdì to niyaniya mẹ jẹnukọnna họyiyi owhè tọn?

WETA 134

Yọdò lọ Jẹvọ́ Na Jesu to Ogbẹ̀ Wutu!

To whenue Jesu ko fọnsọnku godo, e do ede hia devi etọn yọnnu de jẹnukọn kakati nido yin apọsteli etọn lẹ.

WETA 135

Jesu He Yin Finfọnsọnku lọ Sọawuhia Mẹsusu

Nawẹ Jesu dohia devi etọn lẹ dọ ewọ ko yin finfọnsọnku gbọn?

WETA 136

To Ohù Galili Tọn Tó

Whla atọ̀n wẹ Jesu flinnu Pita gando lehe e sọgan do owanyi he e tindo na Jesu hia do go.

WETA 137

Omẹ Kanweko Susu Mọ Ẹn Jẹnukọnna Pẹntikọsti

To fọnsọnku Jesu tọn godo, whẹpo e nido yì olọn mẹ, whlasusu wẹ e zinnudo nuhe devi etọn lẹ na mọyi po lehe yé na zan ẹn do po ji na yé.

WETA 138

Klisti to Adusilọ Jiwheyẹwhe Tọn Mẹ

Etẹwẹ Jesu na to wiwà dile e na to tepọn ojlẹ he mẹ e na yinuwa sọta kẹntọ etọn lẹ?

WETA 139

Jesu Na Hẹn Paladisi Wá bo Na Dotana Azọ́ndenamẹ Etọn

Nususu gbẹ́ pò he Jesu na wà whẹpo do ze ahọluduta lọ do alọmẹ na Otọ́ po Jiwheyẹwhe etọn po.

Nado Hodo Apajlẹ Jesu Tọn, . . .

Jesu nọ do jẹhẹnu ṣinatọ̀n delẹ hia gbọzangbọzan to gbẹzan etọn blebu mẹ.

Todohukanji Wefọ lẹ Tọn

index ehe zan nado dín fie wefọ Wẹndagbe lẹ tọn yin yiyizan te.

Todohukanji Apajlẹ (Oló) lẹ Tọn

Dín weta he mẹ apajlẹ Jesu tọn dopodopo yin hodọdeji te to owe ehe mẹ.

Dọdai Delẹ He Gando Mẹsia Go

Dín nujijọ he wá aimẹ to gbẹzan Jesu tọn mẹ lẹ bo sọgbe hẹ dọdai Biblu tọn he do ewọ hia taidi Mẹsia lọ po weta he mẹ yé yin hodọdeji te to owe ehe mẹ lẹ po.

Lẹdo He mẹ Jesu Nọ Bosọ Plọnmẹ te Lẹ

Yẹdide otò tọn he do fie Jesu hẹn lizọnyizọn etọn di te lẹ hia.