Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Mẹnu lẹ Wẹ to Ojlo Jehovah Tọn Wà to Egbehe?

 NUPINPLỌN 20

Nawẹ Hagbẹ Anademẹtọ lọ Nọ Yinuwa Gbọn to Egbehe?

Nawẹ Hagbẹ Anademẹtọ lọ Nọ Yinuwa Gbọn to Egbehe?

Hagbẹ anademẹtọ owhe kanweko tintan whenu tọn

Wekanhlanmẹ hagbẹ anademẹtọ lọ tọn hihia

To owhe kanweko tintan whenu, pipli pẹvi de, yèdọ “apọsteli lẹ po mẹho lẹ po . . . to Jelusalẹm” wẹ yinuwa taidi hagbẹ anademẹtọ de bo nọ basi nudide titengbe lẹ do agun Klistiani yiamisisadode lẹ tọn pete tamẹ. (Owalọ lẹ 15:2) Yé nọ wá gbèta dopo kọ̀n, na hodọdopọ yetọn nọ sinai do Owe-wiwe lẹ ji bọ yé nọ joawuna anademẹ gbigbọ Jiwheyẹwhe tọn wutu. (Owalọ lẹ 15:25) Aliho nuyiwa tọn dopolọ wẹ nọ yin hihodo to egbehe.

Jiwheyẹwhe to yíyí i zan nado wà ojlo etọn. Mẹmẹsunnu yiamisisadode he wleawuna Hagbẹ Anademẹtọ lọ lẹ tindo ojlo vẹkuvẹku to Ohó Jiwheyẹwhe tọn mẹ bosọ tindo numimọ susu na nuhe dù tito bibasina azọ́n mítọn po nukunpipedo whẹho gbigbọmẹ tọn lẹ go po. Yé nọ pli to sẹmẹsẹmẹ nado lẹnnupọndo nuhudo pipli mẹmẹsunnu lẹ tọn lẹdo aihọn pé tọn ji. Dile e yin do to owhe kanweko tintan whenu, anademẹ sinai do Biblu ji lẹ nọ yin nina, vlavo gbọn wekanhlanmẹ lẹ kavi nugopọntọ tomẹyitọ lẹ po mẹdevo lẹ po gblamẹ. Ehe nọ hẹn pọninọ yọnbasi to omẹ Jiwheyẹwhe tọn lẹ ṣẹnṣẹn na nuhe dù linlẹn po nuyiwa po. (Owalọ lẹ 16:4, 5) Hagbẹ Anademẹtọ lọ nọ deanana awuwiwlena núdùdù gbigbọmẹ tọn, bo nọ na tuli mí nado ze azọ́n yẹwhehodidọ Ahọluduta lọ tọn do otẹn tintan mẹ, bosọ nọ deanana mẹmẹsunnu lẹ dide do otẹn azọngban tọn mẹ.

E nọ kẹalọyi anademẹ gbigbọ Jiwheyẹwhe tọn. Hagbẹ Anademẹtọ lọ nọ ganjẹ Jehovah he yin Nupojipetọ Wẹkẹ lọ tọn po Jesu he yin Ota agun lọ tọn po go nado mọ anademẹ yí. (1 Kọlintinu lẹ 11:3; Efesunu lẹ 5:23) Dopodopo mẹhe to Hagbẹ Anademẹtọ lọ mẹ lẹ tọn ma nọ pọ́n yede di nukọntọ omẹ Jiwheyẹwhe tọn lẹ tọn. Yewlẹ po Klistiani yiamisisadode lẹpo po “nọ to hihodo Lẹngbọvu lọ [Jesu] yì fidepope he e yì.” (Osọhia 14:4) Hagbẹ Anademẹtọ lọ nọ yọ́n pinpẹn odẹ̀ he mí nọ hò do ota etọn mẹ lẹ tọn.

  • Mẹnu lẹ wẹ hagbẹ anademẹtọ lọ bẹhẹn to owhe kanweko tintan whenu?

  • Nawẹ Hagbẹ Anademẹtọ egbehe tọn nọ dín anademẹ Jiwheyẹwhe tọn gbọn?

Plọnnu Dogọ

Mẹnu Wẹ Do Sinsẹ̀n Kunnudetọ Jehovah Tọn lẹ Tọn Ai?

Hia nuhewutu Charles Taze Russell ma nọ yin pinpọnhlan di mẹhe do sinsẹ̀n yọyọ de ai.