Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Mẹnu lẹ Wẹ to Ojlo Jehovah Tọn Wà to Egbehe?

 NUPINPLỌN 12

Nawẹ Azọ́n Yẹwhehodidọ Tọn Mítọn Nọ Yin Tito-Basina Gbọn?

Nawẹ Azọ́n Yẹwhehodidọ Tọn Mítọn Nọ Yin Tito-Basina Gbọn?

Espagne

Bélarus

Hong Kong

Pérou

Ojlẹ vude jẹnukọnna okú Jesu tọn, e lá dọmọ: “Yẹwheho wẹndagbe Ahọluduta lọ tọn ehe na yin didọ to aigba fininọ lẹpo ji taidi okunnu de na akọta lẹpo, podọ whenẹnu wẹ opodo lọ na wá.” (Matiu 24:14) Ṣigba, nawẹ azọ́n yẹwhehodidọ lẹdo aihọn pé tọn ehe na yin wiwadotana gbọn? Gbọn apajlẹ he Jesu zedai to whenue e to aigba ji lọ hihodo dali.—Luku 8:1.

Mí nọ tẹnpọn nado jẹ gbẹtọ lẹ dè to owhé yetọn gbè. Jesu plọnazọ́n devi etọn lẹ nado nọ dọyẹwheho wẹndagbe lọ tọn sọn whédegbè jẹ whédegbè. (Matiu 10:11-13; Owalọ lẹ 5:42; 20:20) Aigba-denamẹ tangan he ji wẹndagbe-jlatọ owhe kanweko tintan whenu tọn enẹlẹ na dọyẹwheho te yin nina yé. (Matiu 10:5, 6; 2 Kọlintinu lẹ 10:13) Mọdopolọ to egbehe, azọ́n yẹwhehodidọ tọn mítọn yin tito-basina ganji, bọ agun dopodopo tindo aigba-denamẹ he ji e na wazọ́n gbọn. Ehe nọ gọalọna mí nado hẹn gbedide Jesu tọn lọ di, enẹ wẹ “nado dọyẹwheho na gbẹtọ lẹ podọ nado dekunnu mlẹnmlẹn.”—Owalọ lẹ 10:42.

Mí nọ dovivẹnu nado jẹ gbẹtọ lẹ dè to fidepope he yé sọgan yin mimọ te. Jesu sọ dọyẹwheho na gbẹtọ lẹ to nọtẹn gbangba tọn lẹ taidi to huto kavi to dotọ̀ he kọ̀n mẹsusu nọ wá de tó, bo gbọnmọ dali ze apajlẹ dai na mí. (Malku 4:1; Johanu 4:5-15) Mílọsu nọ dọhona gbẹtọ lẹ gando Biblu go to fidepope he mí sọgan mọ yé te—yèdọ to tòhomẹ-liho lẹ ji, to ajọwatẹn lẹ, gbọjẹtẹn lẹ, húnglintẹn lẹ, kavi to alokan ji. Mí sọ nọ dekunnuna kọmẹnu, azọ́nwatọgbẹ́, klasigbẹ́, po hẹnnumẹ mítọn lẹ po to whedepopenu he dotẹnmẹ lọ hundote na mí. Vivẹnudido ehe lẹpo to pọmẹ ko hẹn ẹn yọnbasi na gbẹtọ livi susu lẹdo aihọn pé nado sè ‘wẹndagbe whlẹngán tọn’ lọ.—Salmu lẹ 96:2.

Be a yọ́n mẹdelẹ he a na jlo nado má wẹndagbe Ahọluduta Jiwheyẹwhe tọn hẹ, gọna lehe owẹ̀n enẹ na yinuwado sọgodo yetọn ji do ya? Kakati nado ṣí owẹ̀n ehe ji poun, má ẹn hẹ yé dile e sọgan yawu yọnbasi do!

  • “Wẹndagbe” tẹwẹ dona yin lilá?

  • Nawẹ Kunnudetọ Jehovah tọn lẹ to aliho he Jesu yizan nado dọyẹwheho lẹ hodo gbọn?

Plọnnu Dogọ

Kunnudetọ Jehovah Tọn lẹ—Yin Tito-Basina Nado Lá Wẹndagbe Lọ

Kunnudetọ Jehovah tọn lẹ yin yinyọnẹn ganji na azọ́n Biblu pinplọnmẹ lẹdo aihọn pé tọn yetọn. Nawẹ yé nọ basi titona azọ́n yetọn gbọn? Nawẹ yé nọ mọ akuẹ nado nọgodona azọ́n lọ gbọn?