Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Mẹnu lẹ Wẹ to Ojlo Jehovah Tọn Wà to Egbehe?

 NUPINPLỌN 24

Fie Wẹ Mí Nọ Mọ Akuẹ te Na Azọ́n Lẹdo Aihọn Pé Tọn Mítọn?

Fie Wẹ Mí Nọ Mọ Akuẹ te Na Azọ́n Lẹdo Aihọn Pé Tọn Mítọn?

Népal

Togo

Grande-Bretagne

Titobasinanu mítọn nọ zín livi donu kanweko Biblu po owe devo lẹ po tọn jẹgbonu to whemẹwhemẹ bo nọ má yé vọnu. Mí nọ gbá Plitẹnhọ Ahọluduta tọn po alahọ lẹ po bo nọ penukundo yé go. Mí nọ penukundo hagbẹ alahọ tọn po mẹdehlan fọtọ́n susu lẹ po go bo nọ wleawuna alọgọ kọgbọ tọn to nugbajẹmẹji lẹ whenu. Enẹwutu, e sọgan paṣa we dọ, ‘Fie wẹ mí nọ mọ akuẹ te nado penukundo ehe lẹpo go?’

Mí ma nọ biọ mado-ao, gbò akuẹ namẹ kavi biọ akuẹjọ. Dile etlẹ yindọ nukunpipedo azọ́n wẹndagbe-jijlá tọn go nọ biọ akuẹ susu, mí ma nọ biọ akuẹ mẹde. To nuhe hugan owhe kanweko die, zinjẹgbonu awetọ Atọ̀họ̀-Nuhihọ́ lọ Tọn dọ dọ mí yise dọ Jehovah to alọgọna mí bọ mí “ma na biọ akuẹ kavi vẹ̀ mẹde na alọgọ gbede”—mí ma ka ko sọ wàmọ gbede!—Matiu 10:8.

Azọ́n mítọn lẹ nọ yin godonọna gbọn nunina sọn ojlo mẹ wá lẹ dali. Mẹsusu nọ yọ́n pinpẹn azọ́n Biblu pinplọnmẹ tọn mítọn bo nọ na nunina nado nọgodona ẹn. Kunnudetọ lẹ lọsu nọ yí ayajẹ do yí whenu, huhlọn, akuẹ po nutindo yetọn devo lẹ po do nọgodona ojlo Jiwheyẹwhe tọn wiwà to aigba lẹpo ji. (1 Otànnugbo lẹ 29:9) Apotin nunina tọn lẹ tin to Plitẹnhọ Ahọluduta tọn mítọn mẹ podọ to nọtẹn plidopọ tọn mítọn lẹ, ehe mẹ mẹhe jlo na basi nunina lẹ sọgan basi do. Suhugan akuẹ he nọ yin mimọyi lọ lẹ tọn nọ wá sọn mẹhe ma yin adọkunnọ lẹ dè, taidi asuṣiọsi wamọnọ he Jesu pà taun lọ, mẹhe ze abọgan-kuẹ flinflin awe do adọkun potin tẹmpli mẹ tọn lọ mẹ. (Luku 21:1-4) Enẹwutu, mẹdepope wẹ sọgan “nọ de nude dovo” to gbesisọ mẹ nado nọ yí do basi nunina “kẹdẹdile e ko magbe etọn to ahun etọn mẹ do.”—1 Kọlintinu lẹ 16:2; 2 Kọlintinu lẹ 9:7.

Mí kudeji dọ Jehovah na zindonukọn nado nọ whàn ahun mẹhe jlo na ‘yí nuhọakuẹ yetọn do gbògbéna ẹn’ lẹ tọn nado nọ nọgodona azọ́n Ahọluduta lọ tọn, na ojlo etọn nido yin hinhẹndi.—Howhinwhẹn lẹ 3:9.

  • Etẹwẹ hẹn titobasinanu mítọn gbọnvona sinsẹ̀n devo lẹ?

  • Nawẹ nunina sọn ojlo mẹ wá lẹ nọ yin yiyizan gbọn?

Plọnnu Dogọ

KANBIỌ HE MẸSUSU NỌ KANSE LẸ

Nupinpọn Kleun: Fie Kunnudetọ Jehovah Tọn lẹ Nọ Mọ Akuẹ te Na Azọ́n Yetọn

Pọ́n lehe gbẹtọ lẹ nọ gọalọ bo nọ basi nunina do lẹdo aihọn pé.

OWE HE TIN LẸ

Linlinwe Mítọn Lẹ

Mọ vọkan Atọ̀họ̀-Nuhihọ́ lọ Tọn po Réveillez-vous! po tọn yí.