Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Mẹnu lẹ Wẹ to Ojlo Jehovah Tọn Wà to Egbehe?

Kunnudetọ Jehovah tọn lẹ sọgan yin mimọ to filẹpo podọ yé wá sọn lẹdo po aṣa voovo lẹ po mẹ. Etẹwẹ hẹn pipli he bẹ gbẹtọ wunmẹ voovo hẹn ehe tin to kọndopọ mẹ?

Etẹwẹ Yin Ojlo Jiwheyẹwhe Tọn?

Jiwheyẹwhe jlo dọ mẹlẹpo ni yọ́n ojlo etọn to filẹpo. Etẹwẹ yin ojlo etọn, podọ mẹnu lẹ wẹ to nuplọn mẹdevo lẹ gandego to egbehe?

Omẹ Nankọ Wẹ Kunnudetọ Jehovah Tọn lẹ Yin?

Kunnudetọ Jehovah tọn nẹmu wẹ a yọnẹn? Etẹwẹ a yọnẹn taun gando mí go?

Naegbọn Mí Do Nọ Yin Yiylọdọ Kunnudetọ Jehovah Tọn Lẹ?

Gbadopọnna whẹwhinwhẹ́n atọ̀n he wutu mí do kẹalọyi yinkọ ehe.

Nawẹ Nugbo Biblu Tọn Yin Hinhẹn Họnwun Whladopo Dogọ Gbọn?

Nawẹ mí sọgan wagbọn bo kudeji dọ nukunnumọjẹnumẹ he mí tindo to egbehe gando nuhe Biblu plọnmẹ taun go sọgbe?

Etẹwutu Mí De Lẹdogbedevomẹ Aihọn Yọyọ Tọn Tọ́n?

Etẹwẹ hẹn lẹdogbedevomẹ Ohó Jiwheyẹwhe tọn ehe gbọnvo?

Etẹwẹ Hiẹ Na Mọ to Opli Klistiani Tọn Mítọn lẹ Ji?

Mí nọ pli nado plọn Owe-wiwe lẹ bosọ na tuli ode awetọ. Mí na dokuavọna we po zohunhun po!

Nawẹ Gbẹdido hẹ Klistiani Hatọ lẹ Nọ Hẹn Ale Wá Na Mí Gbọn?

Ohó Jiwheyẹwhe tọn na tuli Klistiani lẹ nado nọ dogbẹ́ hẹ ode awetọ. Gbadopọnna lehe gbẹdido ehe nkọ sọgan hẹn ale wá na we do.

Nawẹ Opli Mítọn lẹ Nọ Yin Bibasi Do?

Be a ko kanse dewe pọ́n dọ etẹwẹ nọ jọ to opli mítọn lẹ ji ya? Ayihaawe ma tin dọ hiẹ na yiwanna nuplọnmẹ sinai do Biblu ji he a na mọyi to finẹ lẹ.

Naegbọn Mí Do Nọ Sọnú Ganji Na Opli Mítọn Lẹ?

Be nusisọ́ mítọn nọ duahunmẹna Jiwheyẹwhe ya? Gbadopọnna nunọwhinnusẹ́n Biblu tọn he nọ deanana mí lẹ na nuhe dù aṣọ́dido po nusisọ́ po.

Nawẹ Mí Sọgan Wleawuna Opli lẹ Ganji Gbọn?

A na duvivi opli mítọn lẹ tọn taun eyin a wleawu jẹnukọn.

Etẹwẹ Sinsẹ̀n-Bibasi Whẹndo Tọn Yin?

Gbadopọnna lehe tito ehe sọgan gọalọna we nado dọnsẹpọ Jiwheyẹwhe bo hẹn kanṣiṣa whẹndo tọn lodo do.

Naegbọn Mí Do Nọ Yì Plidopọ Daho Lẹ?

Mí nọ basi plidopọ atọ̀n to whemẹwhemẹ. Nawẹ hiẹ sọgan mọaleyi sọn plidopọ ehelẹ mẹ gbọn?

Nawẹ Azọ́n Yẹwhehodidọ Tọn Mítọn Nọ Yin Tito-Basina Gbọn?

Mí nọ hodo apajlẹ he Jesu zedai to whenue e tin to aigba ji. Etẹwẹ yin delẹ to aliho yẹwhehodidọ tọn he e yizan lẹ mẹ?

Etẹwẹ Gbehosọnalitọ Yin?

Kunnudetọ delẹ nọ de gànhiho 30, 50, kavi humọ dovo to osun dopo mẹ nado dekunnu. Etẹwẹ nọ whàn yé nado wà ehe?

Wehọmẹ Tẹlẹ Wẹ Yin Awuwlena Na Gbehosọnalitọ Lẹ?

Azọ́nplọnmẹ vonọtaun tẹlẹ wẹ yin awuwlena na mẹhe ze yede jo to gigọ́ mẹ na azọ́n yẹwhehodidọ Ahọluduta lọ tọn lẹ?

Nawẹ Mẹho Agun Tọn lẹ Nọ Gọalọ to Agun mẹ Gbọn?

Mẹho agun tọn lẹ yin sunnu he whèwhín to gbigbọ-liho lẹ he nọ deanana agun lọ. Nawẹ yé nọ gọalọna mí gbọn?

Etẹwẹ Yin Azọngban Devizọnwatọ Lizọnyizọnwiwa Tọn lẹ Tọn?

Devizọnwatọ lizọnyizọnwiwa tọn lẹ nọ gọalọ bọ nulẹ nọ yì linsinlinsin to agun lọ mẹ. Dindona lehe azọ́n yetọn nọ hẹn ale wá na mẹlẹpo to agun lọ mẹ do.

Nawẹ Nugopọntọ Lẹdo Tọn lẹ Nọ Gọalọna Mí Gbọn?

Lẹndai tẹ wutu wẹ nugopọntọ lẹdo tọn lẹ do nọ dla agun lẹ pọ́n? Nawẹ hiẹ sọgan mọaleyi sọn dlapọn yetọn lẹ mẹ gbọn?

Nawẹ Mí Nọ Gọalọna Mẹmẹsunnu lẹ to Nugbajẹmẹji Whenu Gbọn?

Eyin nugbajẹmẹji de jọ, mí nọ wleawu to niyaniya mẹ nado na mẹhe adán gbò lẹ alọgọ yọ́n-na-yizan po tulinamẹ gbigbọmẹ tọn po. Nawẹ mí nọ wà ehe gbọn?

Mẹnu Wẹ Afanumẹ Nugbonọ Podọ Nuyọnẹntọ lọ Yin?

Jesu dopagbe dọ emi na deazọ́nna afanumẹ de nado nọ na núdùdù gbigbọmẹ tọn to osaa sisọ mẹ. Nawẹ ehe nọ yin wiwà do?

Nawẹ Hagbẹ Anademẹtọ lọ Nọ Yinuwa Gbọn to Egbehe?

To owhe kanweko tintan whenu, pipli pẹvi sunnu mẹho lẹ po apọsteli lẹ po tọn wẹ yinuwa taidi hagbẹ anademẹtọ agun Klistiani tọn. Egbehe lo?

Etẹwẹ Bẹtẹli Yin?

Bẹtẹli yin nọtẹn vonọtaun de he tindo yanwle tangan de. Plọn nususu dogọ gando mẹhe nọ sẹ̀n to finẹ lẹ go.

Azọ́n Tẹwẹ Nọ Yin Wiwà to Alahọ Mẹ?

Dotẹnmẹ hundote tin na jonọ lẹ nado dla alahọ mítọn depope pọ́n. Mí basi oylọna we nado wàmọ!

Nawẹ Owe Mítọn lẹ Nọ Yin Kinkan bo Nọ Yin Lilẹdogbedevomẹ Gbọn?

Mí nọ wleawuna owe lẹ to ogbè he hugan 700 lẹ mẹ. Naegbọn mí do nọ dovivẹnu mọnkọtọn?

Fie Wẹ Mí Nọ Mọ Akuẹ te Na Azọ́n Lẹdo Aihọn Pé Tọn Mítọn?

Na nuhe dù akuẹzinzan lẹ, nawẹ titobasinanu mítọn gbọnvo na sinsẹ̀n devo lẹ gbọn?

Nawẹ Plitẹnhọ Ahọluduta Tọn lẹ Nọ Yin Gbigbá Gbọn Podọ Etẹwutu?

Naegbọn nọtẹn sinsẹ̀n-bibasi tọn mítọn lẹ nọ yin yiylọdọ Plitẹnhọ Ahọluduta tọn lẹ? Plọn nususu dogọ gando lehe ohọ̀ jlẹmẹ ehelẹ nọ gọalọna agun mítọn lẹ do go.

Nawẹ Mí Sọgan Penukundo Plitẹnhọ Ahọluduta Tọn Go Gbọn?

Plitẹnhọ Ahọluduta tọn he to wiweji bo yọ́npọ́n nọ pagigona Jiwheyẹwhe. Tito tẹlẹ wẹ yin bibasi nado penukundo Plitẹnhọ Ahọluduta tọn he mì nọ yizan go?

Nawẹ Mí Sọgan Mọaleyi sọn Wesẹdotẹn Plitẹnhọ Ahọluduta Tọn mẹ Gbọn?

Be hiẹ na jlo nado basi dodinnanu delẹ nado hẹn oyọnẹn towe gando Biblu go sudeji ya? Wesẹdotẹn Plitẹnhọ Ahọluduta tọn sọgan gọalọna we!

Etẹwẹ Sọgan Yin Mimọ to Nọtẹn Intẹnẹt Tọn Mítọn Ji?

A sọgan mọ nudọnamẹ susu dogọ gando omẹ nankọ he mí yin po nuyise mítọn lẹ po go, podọ a na mọ gblọndo Biblu tọn na kanbiọ towe lẹ.

Be Hiẹ Na Wà Ojlo Jehovah Tọn Ya?

Jehovah Jiwheyẹwhe yiwanna we taun. Nawẹ hiẹ sọgan dohia to gbẹzan towe mẹ dọ a jlo na hẹn homẹ Etọn hùn gbọn?