Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Gblọndo Na Kanbiọ 10 He Jọja lẹ Nọ Kanse

 KANBIỌ 2

Naegbọn Awusọhia Ṣie Nọ Duahunmẹna Mi Sọmọ?

Naegbọn Awusọhia Ṣie Nọ Duahunmẹna Mi Sọmọ?

NUHEWUTU E DO YIN NUJỌNU

Nudevo lẹ yin nujọnu hú nuhe a nọ mọ to mẹpọ́nnu mẹ lẹ.

ETẸWẸ A NA WÀ?

Pọ́n nujijọ ehe: Whenue Julia pọ́n ede to mẹpọ́nnu mẹ, e nọ mọdọ emi klo. E nọ dọna ede dọ, “N’dona depò”—mahopọnna dọ mẹjitọ po họntọn etọn lẹ po nọ dọna ẹn dọ e “whèsin taun.”

To agọe, Julia ko lẹnnupọndo afọdide sinsinyẹn delẹ zize ji nado depò. Nuhe e mọdọ emi dona wà poun wẹ nado nọ huvẹ na azán kleun de . . .

Eyin a nọ tindo numọtolanmẹ Julia tọn nkọ, etẹwẹ a dona wà?

YIAGBỌJI BO LẸNNUPỌN!

Lehe a nọ mọ dewe do sọgan taidi dewe pinpọn to mẹpọ́nnu he nọ diọ awusọhia mẹtọn de mẹ

E ma ylan nado nọ lẹnnupọndo awusọhia towe ji. Biblu tlẹ dọho dagbe gando awusọhia sunnu po yọnnu delẹ tọn po go, taidi Sala, Laheli, Abigaili, Josẹfu po Davidi po. Biblu dọ dọ awhli de he nọ yin Abiṣagi “yọnwhanpẹ taun.”—1 Ahọlu lẹ 1:4.

Ṣigba, jọja susu wẹ awusọhia yetọn nọ duahunmẹna zẹjlẹgo. Enẹ sọgan hẹn nuhahun sinsinyẹn lẹ wá. Di apajlẹ:

  • Dodinnanu dopo dohia dọ, awhli 58 to kanweko ji wẹ nọ wule dọ emi klo to whenuena e yindọ 17 to kanweko ji poun to yé mẹ wẹ klo nugbo.

  • Dodinnanu devo dohia dọ, yọnnu 45 to kanweko ji he húgo lẹ wẹ nọ lẹndọ emi ko pẹ̀n gbau!

  • Na jọja delẹ jlo na depò wutu, yé ko jiya azọ̀n he nọ yin yiylọdọ anorexie tọn, yèdọ huvẹ didona mẹdetiti nado sọgan depò.

 Eyin a mọ ohia azọ̀n enẹ tọn de kavi wunmẹ etọn devo tọn to dewe go, dín alọgọ. Bẹjẹeji gbọn hodidọ hẹ mẹjitọ de kavi mẹdevo de he go a dejido dali. Biblu dọmọ: “Họntọn nugbo nọ yiwannamẹ to whelẹponu, podọ nọvisunnu he go yè sọgan dejido to ojlẹ ayimajai tọn lẹ mẹ wẹ ewọ.”—Howhinwhẹn lẹ 17:17.

VỌJLADO DAGBE HUGAN HE A SỌGAN BASI!

Na nugbo tọn, nuhe mẹde yin to homẹ wẹ na dọ̀n mẹdevo lẹ sẹpọ ẹ kavi lala. Lẹnnupọndo Absalọmi he yin visunnu Ahọlu Davidi tọn ji. Biblu dọmọ:

“Sunnu depope ma nọ yin pipà na whanpẹ etọn. . . . Oblọ depope ma to e go.”2 Samuẹli 14:25.

Etomọṣo, dẹpẹ ehe wleawuna goyiyi, ojlo zogbe, gọna mẹkiklọ! Enẹwutu, Biblu ma dọho dagbe gando Absalọmi go; e do e hia taidi mẹhe gọ́ na nugbonọ-mayin po nuvẹun sinsinyẹn po.

Abajọ Biblu do na mí ayinamẹ ehe:

“Yí gbẹtọ-yinyin yọyọ lọ dogo.”Kolosinu lẹ 3:10.

“Mì dike aṣọ́dido mìtọn yin gbonu tọn blo . . . , ṣigba mì dike e ni yin omẹ whiwhla ahun mẹ tọn.”1 Pita 3:3, 4.

Dile etlẹ yindọ nude ma ylan to e mẹ nado tindo awusọhia dagbe, nuhe yin nujọnu hugan lọ wẹ gbẹtọ-yinyin towe. To nukọn mẹ, jẹhẹnu dagbe towe lẹ wẹ na zọ́n bọ a na dọ̀n mẹdevo lẹ dogo e ma yin awusọhia agbasa tọn dagbe kavi whanpẹ! Awhli de he nọ yin Phylicia dọmọ: “Whanpẹ sọgan yawu dọ̀n ayidonugo, ṣigba nuhe mẹde yin to homẹ gọna jẹhẹnu dagbe etọn lẹ wẹ gbẹtọ lẹ na nọ saba flin hugan.”

AWUSỌHIA TOWE GBIGBEJE PỌ́N

Be awusọhia towe ma nọ saba jẹeji na we wẹ ya?

Be a ko tẹnpọn nado sánu, basi mẹzizẹ nado jla agbasa towe do kavi do huvẹ na dewe nado jla awusọhia towe do wẹ ya?

Eyin a penugo nado diọ nude gando awusọhia towe go, etẹwẹ a na diọ? (Zẹhu do oglọ na nuhe a lẹn lẹ.)

  • TEDIDI

  • ZÍNPINPẸN

  • ODA

  • AWUSỌHIA AGBASA TỌN

  • NUKUNMẸ

  • SINMẸ

Eyin a dọ mọwẹ na kanbiọ awe tintan lẹ bo zẹhu do oglọ na atọ̀n kavi humọ to nuhe yin sislẹ to kanbiọ atọ̀ntọ lọ glọ lẹ mẹ, lẹnnupọndo ehe ji: E yọnbasi dọ mẹdevo lẹ ma nọ mọdọ nude jẹdò to gowe dile a nọ mọ dewe do. E bọawu nado nọ jẹtukla kavi nọ hanú zẹjlẹgo gando awusọhia towe go.1 Samuẹli 16:7.