1 JEHOVAH DE SỌGODO HIA MÍ

“Yẹn ko nọ dọ kọdetọn lọ sọn bẹjẹeji, bosọ nọ dọ nuhe ma ko yin wiwà lẹ sọn whenu dindẹn jẹnukọn.”—Isaia 46:10

Etẹlẹ wẹ mí yọnẹn gando ojlẹ opodo tọn go?

  • Daniẹli 7:13, 14

    Jesu lẹzun Ahọlu to olọn mẹ to 1914.

  • Matiu 24:3-14

    Jesu dọ dọdai dọ gbẹtọvi lẹ na pehẹ ojlẹ awusinyẹn tọn.

  • Osọhia 12:7-9, 12

    Ojlẹ vude to whenue Jesu lẹzun Ahọlu godo, e yàn Satani sọn olọn mẹ wá aigba ji. Satani to adi ji, na e yọnẹn dọ “whenu gli de” wẹ pò na emi whẹpo Jiwheyẹwhe nado de emi sẹ̀.

2 MÍ TO GBẸNỌ TO OJLẸ OPODO TỌN MẸ

“Etẹwẹ na yin ohia . . . vivọnu titonu lọ tọn?”—Matiu 24:3

Be hiẹ ko to hẹndi dọdai Biblu tọn lẹ tọn mọ ya?

  • Matiu 24:7; Luku 21:11

    Awhàn, huvẹ, aigba sisọsisọ po azọ̀n po to núgbà todin hugan gbede pọ́n.

  • 2 Timoti 3:1-5

    Apọsteli Paulu basi zẹẹmẹ lehe gbẹtọ lẹ na nọ yinuwa to azán godo tọn lẹ mẹ do tọn.

  • Daniẹli 12:4

    Jiwheyẹwhe to alọgọna omẹ etọn lẹ nado mọnukunnujẹ Biblu mẹ to aliho he họnwun mẹ todin hugan gbede pọ́n.

  • Matiu 24:14

    Wẹndagbe Ahọluduta lọ tọn to yinyin lilá to aigba lẹpo ji.

3 YINUWA TODIN NADO HẸN HOMẸHUN JEHOVAH

“Azán Jehovah tọn ja kẹdẹdi ajotọ de to zánmẹ.”—1 Tẹsalonikanu lẹ 5:2

Etẹwẹ hiẹ dona wà todin he opodo lọ ko sẹpọ pete?

  • Johanu 17:3

    Ylọ Biblu pinplọn towe dọ nujọnu.

  • Heblu lẹ 10:24, 25

    Nọ yì opli Kunnudetọ Jehovah tọn lẹ tọn nado plọn nususu dogọ.

  • Jakọbu 4:8

    Basi diọdo he jẹ lẹ to gbẹzan towe mẹ nado dọnsẹpọ Jiwheyẹwhe dogọ.

  • Luku 21:34-36

    Dapana ayihafẹsẹnamẹnu lẹ bo ze ayidonugo towe lẹpo do Jehovah sinsẹ̀n ji.