Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

8. Etẹwẹ Ahọluduta Jiwheyẹwhe Tọn Yin?

8. Etẹwẹ Ahọluduta Jiwheyẹwhe Tọn Yin?

1 AHỌLUDUTA JIWHEYẸWHE TỌN YIN GANDUDU NUJỌNU TỌN DE

“Na Ahọluduta towe ni wá. Na ojlo towe ni yin wiwà, kẹdẹdi to olọn mẹ, mọdopolọ to aigba ji.”—Matiu 6:9-13

Etẹwẹ Ahọluduta Jiwheyẹwhe tọn yin?

  • Osọhia 11:15

    Ahọluduta kavi gandudu Jiwheyẹwhe tọn na dugán do aigba ji sọn olọn mẹ.

  • 1 Timoti 6:15

    Jesu wẹ Ahọlu Ahọluduta Jiwheyẹwhe tọn.

  • Osọhia 14:1, 4

    Gbẹtọ 144 000 lẹ na dugán hẹ Jesu sọn olọn mẹ.

  • Heblu lẹ 4:15; 5:8

    Jesu po gbẹtọ 144 000 lẹ po yọ́n numọtolanmẹ po nuhahun mítọn lẹ po.

2 JESU WẸ NA YIN GANDUTỌ DAGBE HUGAN LỌ

“E na nọ dawhẹ jijlọ na agbátọnọ [kavi, wamọnọ].”—Isaia 11:4

Naegbọn Jesu wẹ pegan hugan nado yin Ahọlu Ahọluduta lọ tọn?

  • 1 Timoti 6:16

    Gbẹtọvi gandutọ lẹpo wẹ nọ wá kú to godo mẹ, ṣigba Jesu ma na kú gbede. Nudagbe he Jesu na wà na mí lẹpo wẹ na nọ aimẹ kakadoi.

  • Isaia 11:2-4

    Jesu penugo nado wà nudagbe susu hú dehe gbẹtọvi gandutọ depope sọgan wà. E tindo huhlọn hú gbẹtọvi he to gandu lẹpo to pọmẹ. E nọ dawhẹ jijlọ bo nọ vẹawumẹ.

3 AHỌLUDUTA JIWHEYẸWHE TỌN NA HẸN OJLO JIWHEYẸWHE TỌN YIN WIWÀ

“Jiwheyẹwhe olọn tọn na ze ahọluduta de dai he ma na yin vivasudo gbede.”—Daniẹli 2:44

Etẹlẹ wẹ Ahọluduta lọ ko wà todin? Etẹlẹ wẹ e na wà to sọgodo?

  • Osọhia 12:7-12

    To whenue Jesu lẹzun Ahọlu to 1914 godo, e yàn Satani sọn olọn mẹ wá aigba ji. Enẹ wẹ zọ́n bọ nuhahun, awufiẹsa po yajiji po do gọ́ aigba ji.

  • Yẹwhehodọtọ 8:9; Osọhia 16:16

    Ahọluduta Jiwheyẹwhe tọn na và gandudu kanylantọ gbẹtọvi lẹ tọn he ko gblezọn lẹpo sudo to Amagẹdọni.

  • Salmu lẹ 37:10

    Mẹhe zindonukọn to nuylankan wiwà mẹ lẹ na yin vivasudo.

  • Osọhia 22:1-3

    Whenue Ahọluduta Jiwheyẹwhe tọn na dugán do aigba ji, mẹde ma nasọ jẹazọ̀n kavi kú ba, gbẹtọvi lẹpo wẹ na nọ gbògbéna oyín Jiwheyẹwhe tọn.