Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

6. Fitẹ Wẹ Mí Nọ Yì to Whenue Mí Kú?

6. Fitẹ Wẹ Mí Nọ Yì to Whenue Mí Kú?

1 EYIN MẸDE KÚ, E NỌ DOALỌTENA GBẸNINỌ

“Oṣiọ lẹ ma yọ́n nudepope.”—Yẹwhehodọtọ 9:5

Etẹwẹ nọ jọ do mí go eyin mí kú?

2 JEHOVAH MA JLO GBEDE DỌ GBẸTỌ NI KÚ

“Na nuhe dù atin oyọnẹn dagbe po oylan po tọn, hiẹ ma dona dù sinsẹ́n etọn, na to azán he gbè hiẹ dù sọn e mẹ te, na jide tọn, hiẹ na kú.”—Jenẹsisi 2:17

Naegbọn mí do nọ kú?

  • Jenẹsisi 3:1-6

    Satani dolalo na Evi gando nuhe na jọ eyin ewọ vẹtolina gbedide Jiwheyẹwhe tọn go. Whenue Adam po Evi po vẹtolina Jehovah, yé waylando bo wá kú to godo mẹ.

  • Jenẹsisi 3:19

    Whenue Adam kú, e masọ tin ba.

  • Lomunu lẹ 5:12

    Ylando taidi azọ̀nylankan de he mí dugu etọn sọn mẹjitọ mítọn tintan lẹ dè. Mímẹpo wẹ yin jiji di ylandonọ, enẹ wẹ zọ́n bọ mí do nọ kú.

  • 1 Kọlintinu lẹ 15:26

    Biblu ylọ okú dọ kẹntọ mítọn.

3 NUGBO LỌ GANDO OKÚ GO NỌ HẸN MÍ JẸ MẸDEKANNU

“Eyin gbẹtọ de kú, be e sọgan gọwá nọgbẹ̀? Yẹn na nọte . . . kakajẹ whenue tundote ṣie na wá.”—Jobu 14:14

Nawẹ nugbo lọ yinyọnẹn gando okú go nọ hẹn mí jẹ mẹdekannu sọn linlẹn agọ̀ lẹ si gbọn?

  • 1 Johanu 4:8

    Nuplọnmẹ zòmẹ tọn nọ kọnmasin do Jehovah go. Ewọ ma na dike gbẹtọ lẹ ni jiya domọ pọ́n gbede.

  • Osọhia 4:11

    Mẹsusu nọ dibuna oṣiọ lẹ, enẹwutu yé nọ sẹ̀n yé kakati nado sẹ̀n Jehovah. Jehovah wẹ Jiwheyẹwhe nugbo lọ, podọ ewọ kẹdẹ wẹ mí dona nọ sẹ̀n.