Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

5. Ofligọ lọ—Nunina Daho Hugan Jiwheyẹwhe Tọn

5. Ofligọ lọ—Nunina Daho Hugan Jiwheyẹwhe Tọn

1 MÍMẸPO WẸ TINDO NUHUDO OFLIGỌ LỌ TỌN

“Visunnu gbẹtọ tọn wá . . . nado . . . ze ogbẹ̀ etọn jo taidi ofligọ de do ota mẹsusu tọn mẹ.”—Matiu 20:28

Naegbọn mí do tindo nuhudo ofligọ lọ tọn?

  • Jenẹsisi 3:17-19

    Whenue Adam vẹtolina Jiwheyẹwhe, e hẹn haṣinṣan vonọtaun he e tindo hẹ Jehovah, ogbẹ̀ pipé etọn po Paladisi he mẹ e te lọ po bu.

  • Lomunu lẹ 5:12

    Na nuhe Adam wà wutu, mí dugu ylando po okú po tọn.

  • Efesunu lẹ 1:7

    Ofligọ lọ wẹ aliho he Jehovah na yizan nado tún gbẹtọvi lẹ dote sọn ylando po okú po si.

2 JEHOVAH WẸ WLEAWUNA OFLIGỌ LỌ

“Jiwheyẹwhe do Visunnu detọ́n dopo akàn etọn hlan aihọn mẹ, na mí nido sọgan mọ ogbẹ̀ gbọn ewọ gblamẹ.”—1 Johanu 4:9

Nawẹ Jehovah wleawuna ofligọ lọ gbọn?

  • Salmu lẹ 49:7, 8

    Depope to mí mẹ ma sọgan na ofligọ de do ogbẹ̀ pipé he Adam hẹnbu lọ tamẹ gbede.

  • Luku 1:35

    Jehovah do Visunnu vivẹ́ etọn hlan aigba ji nado yin jiji taidi gbẹtọvi pipé de.

  • Lomunu lẹ 3:23, 24; Heblu lẹ 9:24

    To fọnsọnku Jesu tọn godo, e lẹkọyi olọn mẹ fie e ze nuhọakuẹ-yinyin ogbẹ̀ gbẹtọvi pipé tọn etọn donukọnna Jehovah taidi ofligọ de te.

3 OFLIGỌ LỌ NA MÍ TODIDO NUJỌNU TỌN

“Ewọ nasọ súnsún dasin lẹpo sẹ̀ sọn nukun yetọn mẹ, okú ma nasọ tin ba.”—Osọhia 21:4

Ale tẹlẹ wẹ mí sọgan mọyi sọn ofligọ lọ mẹ?

4 MÍ DONA YỌ́N PINPẸN OFLIGỌ LỌ TỌN

‘Jiwheyẹwhe namẹ Visunnu detọ́n dopo akàn etọn, na mẹdepope he do yise hia to ewọ mẹ nido tindo ogbẹ̀ madopodo.’—Johanu 3:16

Nawẹ mí sọgan dohia dọ mí yọ́n pinpẹn nunina ofligọ lọ tọn he Jiwheyẹwhe na mí gbọn?

  • Johanu 17:3

    Nọ plọnnu nado yọ́n Jehovah po Jesu po, bo hodo apajlẹ yetọn.

  • Luku 22:19

    Nọ yì Hùnwhẹ Oflin okú Klisti tọn to whemẹwhemẹ.

  • Johanu 3:36; Jakọbu 2:26

    Wà nususu hugan nado dọ poun dọ emi yise to Jesu mẹ. Nọ wà nuhe Jesu plọn mí nado wà lẹ.