Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

2. Biblu—Owe de sọn Jiwheyẹwhe Dè

2. Biblu—Owe de sọn Jiwheyẹwhe Dè

1 JIWHEYẸWHE DÈ WẸ BIBLU WÁ SỌN

“Owe-wiwe lẹpo wẹ yin gbigbọdo sọn Jiwheyẹwhe dè.”—2 Timoti 3:16

Nawẹ Biblu gbọnvona owe devo depope gbọn?

Biblu ko yin lilẹdo nudi ogbè 2 600 mẹ podọ vọkan etọn liva susu wẹ ko yin zinzinjẹgbonu.

Mí nọ mọ nudọnamẹ he mí ma sọgan mọ to fidevo depope lẹ to e mẹ.

2 BIBLU YIN OWE DỌDAI TỌN DE

“Jiwheyẹwhe . . . ma sọgan dolalo.”—Titu 1:2

Naegbọn hiẹ sọgan dejido Biblu go?

  • Isaia 44:27–45:2

    Owhe kanweko lẹ jẹnukọn, Biblu dọ dọdai lehe yè na gbawhàn Babilọni tọn do tọn.

  • 2 Timoti 3:1-5

    Dọdai Biblu tọn lẹ to hẹndi mọ todin.

  • Sọha lẹ 23:19

    Mí sọgan dejido nuhe Biblu dọ dọ e na jọ to sọgodo go.

3 BIBLU YIN AWUWLENA NADO GỌALỌNA WE

“Yẹn Jehovah wẹ Jiwheyẹwhe towe, Mẹhe nọ plọn we nado zan gbẹzan he na hẹn ale wá na we.”—Isaia 48:17

Etẹlẹ wẹ a ko plọn gando Biblu go?

  • Jobu 26:7; Isaia 40:22

    Nuhe Biblu dọ gando lẹnunnuyọnẹn go lẹ sọgbe.

  • Sọha lẹ 20:2-12

    Biblu-kantọ lẹ nọ dọ nugbo.

  • Matiu 5-7

    Jesu na mí ayinamẹ gando lehe mí sọgan tindo ayajẹ do go, gọna lehe mí dona nọ yinuwa hẹ mẹdevo lẹ do, lehe mí dona nọ hodẹ̀ do po pọndohlan he mí dona tindo gando akuẹ go po.

4 BIBLU SỌGAN DIỌ GBẸZAN TOWE

“Ohó Jiwheyẹwhe tọn tin to ogbẹ̀ bo tindo huhlọn.”—Heblu lẹ 4:12

Dagbe tẹlẹ wẹ Ohó Jiwheyẹwhe tọn sọgan wà na we?

  • E sọgan gọalọna we nado mọnukunnujẹ lẹndai Jiwheyẹwhe tọn mẹ.

  • E sọgan gọalọna we nado yọ́n omẹ wunmẹ he a yin.

  • E sọgan gọalọna we nado yọ́n nuhe Jiwheyẹwhe to nukundo to asi we.

Jiwheyẹwhe jlo dọ a ni nọ hia Biblu bo nọ plọnnu to e mẹ bosọ yiwanna ẹn.