1 JEHOVAH YIWANNA WE

“Jiwheyẹwhe yiwanna aihọn lọ sọmọ bọ e namẹ Visunnu detọ́n dopo akàn etọn, na mẹdepope he do yise hia to ewọ mẹ ma nado yin vivasudo adavo nado tindo ogbẹ̀ madopodo.”—Johanu 3:16

Nawẹ Jiwheyẹwhe nọ do owanyi hia we gbọn?

  • Salmu lẹ 91:2

    Jehovah wẹ fibẹtado mítọn. E sọgan na mí kọgbọ sọn nuhahun mítọn lẹ mẹ todin.

  • Salmu lẹ 37:29

    E ko na mí todido jiawu de na sọgodo.

  • 1 Timoti 6:12, 19

    Jiwheyẹwhe na na mí ogbẹ̀ madopodo to ninọmẹ pipé lẹ mẹ. Mí na duvivi jijọho, ayajẹ po agbasalilo pipé po tọn to paladisi whanpẹnọ de mẹ.

2 JEHOVAH JLO DỌ A NI YIWANNA EMI

“Hiẹ dona yí ahun towe lẹpo, alindọn towe lẹpo, podọ ayiha towe lẹpo do yiwanna Jehovah Jiwheyẹwhe towe.”—Matiu 22:37

Etẹlẹ wẹ owanyi Jiwheyẹwhe tọn dona nọ whàn we nado wà?

  • Luku 17:12-17

    Nọ dopẹ́, na nuhe Jiwheyẹwhe ko wà na we lẹpo.

  • Matiu 7:16-20

    Nọ do owanyi towe na Jiwheyẹwhe hia gbọn ojlo etọn wiwà egbesọegbesọ dali.

  • 1 Johanu 5:3

    Nọ setonuna gbedide Jiwheyẹwhe tọn lẹ.

  • 1 Timoti 6:18

    Nọ dovivẹnu nado wà dagbe na mẹdevo lẹ.

3 HẸN OWANYI TOWE NA JEHOVAH LODO

“[Mì] hẹn mìde do owanyi Jiwheyẹwhe tọn mẹ.”—Juda 21

Etẹlẹ wẹ na gọalọna we nado gbọṣi adà Jehovah tọn mẹ?