Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

18. Be N’Dona Klan Dee Do Wiwe Na Jiwheyẹwhe bo Yí Baptẹm Wẹ Ya?

18. Be N’Dona Klan Dee Do Wiwe Na Jiwheyẹwhe bo Yí Baptẹm Wẹ Ya?

1 BE N’DONA YÍ BAPTẸM WẸ YA?

“Pọ́n! Osin die; etẹwẹ glọnalina mi nado yin bibaptizi?”—Owalọ lẹ 8:36

Naegbọn hiẹ dona yí baptẹm podọ gbọnna?

Baptẹm nọ dohia dọ a ko gbẹ́ aliho gbẹninọ tọn towe hoho lọ dai bo ko bẹ gbẹzan yọyọ de jẹeji nado wà ojlo Jiwheyẹwhe tọn.

  • Matiu 28:19, 20

    A dona yí baptẹm nado sẹ̀n Jehovah.

  • Salmu lẹ 40:8

    Baptẹm nọ dohia mẹdevo lẹ dọ a jlo na sẹ̀n Jiwheyẹwhe.

  • Matiu 3:16

    A dona yin yinylọ́n do osin mẹ pete, kavi whèadin yì osin glọ di Jesu.

2 JEHOVAH MA NỌ BIỌ NUHE GO A MA PÉ GBEDE

“Nuhe owanyi Jiwheyẹwhe tọn zẹẹmẹdo die, dọ mí ni yìn gbedide etọn lẹ; ṣogan gbedide etọn lẹ ma pẹnagbànmẹ.”—1 Johanu 5:3

Naegbọn a ma dona dibu nado klan dewe do wiwe na Jehovah?

  • Salmu lẹ 103:14; Isaia 41:10

    E ma biọ dọ a ni yin mẹpipe whẹpo do klan dewe do wiwe na Jehovah. Ewọ na gọalọna we nado wà nuhe sọgbe.

  • Kolosinu lẹ 1:10

    Owanyi he a tindo na Jehovah na gọalọna we nado duto obu lọ dọ a na wá hẹn ẹn jẹflumẹ ji.

3 AFỌDIDE HE NỌ PLANMẸ JẸ BAPTẸM KỌ̀N LẸ

“Jiwheyẹwhe ṣie E, yẹn nọ mọ awuvivi to ojlo towe wiwà mẹ, podọ osẹ́n towe tin to ahun ṣie mẹ dọ́n.”—Salmu lẹ 40:8

Etẹlẹ wẹ a dona wà nado klan dewe do wiwe na Jehovah?

  • Johanu 17:3

    PLỌN OHÓ JIWHEYẸWHE TỌN

    Plọn nado yọ́n Jehovah po Jesu Klisti po. Lehe a plọnnu gando yé go sọ, mọ wẹ owanyi towe na yé na siso do.

  • Heblu lẹ 11:6

    HẸN YISE TOWE LODO

    Dejido opagbe Jiwheyẹwhe tọn lẹ go mlẹnmlẹn gọna huhlọn avọ́sinsan Jesu tọn nado whlẹn mí sọn ylando po okú po si.

  • Owalọ lẹ 3:19

    LẸNVỌJỌ

    Ehe zẹẹmẹdo dọ nuhe mí ko ṣiwà wayi lẹpo dona vẹna mí yì ahun mẹ.

    DIỌ

    Ehe zẹẹmẹdo dọ a dona doalọtena walọyizan he ma sọgbe lẹpo bo nọ wà nuhe sọgbe.

  • 1 Pita 4:2

    KLAN GBẸZAN TOWE DO WIWE

    Nado klan gbẹzan towe do wiwe na Jehovah, a dona dopà na ẹn to odẹ̀ mẹ dọ emi na sẹ̀n ẹn bo ze ojlo etọn wiwà do otẹn tintan mẹ to gbẹzan emitọn mẹ.