Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

16. Magbe Nado Sẹ̀n Jiwheyẹwhe

16. Magbe Nado Sẹ̀n Jiwheyẹwhe

1 NỌLA NA SINSẸ̀N-BIBASI LALO

“Mì tọ́n sọn ṣẹnṣẹn yetọn bo klan mìde dovo, . . . mì sọ doalọ onú mawé go ba blo.”—2 Kọlintinu lẹ 6:17

Naegbọn e ma sọgbe nado basi sinsẹ̀n hlan boṣiọ lẹ po tọgbo lẹ po?

2 E MA YIN HÙNWHẸ LẸPO WẸ JIWHEYẸWHE KẸALỌYI

“Mì nọ to dodinna nuhe Oklunọ kẹalọyi lẹ zọnmii.”—Efesunu lẹ 5:10

Nawẹ a na wagbọn do yọnẹn eyin a sọgan doalọ to hùnwhẹ de mẹ?

  • Ezekiẹli 44:23; 2 Kọlintinu lẹ 6:14, 15

    Dindona eyin kosi lẹ dè wẹ hùnwhẹ lọ wá sọn.

  • Eksọdusi 32:2-10

    Eyin linlẹn dagbe wẹ mẹhe do hùnwhẹ lọ ai lẹ tlẹ tindo, Jiwheyẹwhe sọgan nọma kẹalọyi i.

  • Daniẹli 3:1-27

    Dapana hùnwhẹ he nọ ze gbẹtọvi, titobasinanu gbẹtọ tọn kavi ohia otò tọn daga lẹ.

  • 1 Timoti 1:18, 19

    Yinuwa po nuyọnẹn po, amọ́ hẹn ẹn diun dọ a tindo ayihadawhẹnamẹnu dagbe to Jehovah nukọn.

3 NỌ BASI ZẸẸMẸ NUYISE TOWE LẸ TỌN PO HOMẸDAGBE PO

“Mì gbọ ohó mìtọn ni nọ gọ́ na ojọmiọn, na ojẹ̀ ni nọ pé e to whepoponu, na mì nido sọgan yọ́n lehe mì na nọ gblọnhona mẹdopodopo do.”—Kolosinu lẹ 4:6

Nawẹ a dona nọ basi zẹẹmẹ nuyise towe lẹ tọn na mẹdevo lẹ gbọn?

  • Matiu 7:12

    Nọ na sisi nudide mẹdevo lẹ tọn dile a na jlo dọ yé ni wà na we do.

  • 2 Timoti 2:24

    Nọ do homẹdagbe hia to whepoponu, bo ma nọ dọnnu do nuyise towe lẹ ji hẹ mẹdevo lẹ blo.

  • 1 Pita 3:15

    Nọ yí walọmimiọn po sisi po do yiavùnlọna nuyise towe lẹ.

  • Heblu lẹ 10:24, 25

    Klistiani devo lẹ he wá opli lẹ na nọ na we tuli bo na nọ gọalọna we nado yọ́n nuhe a na dọ to whenue yè kanhose we gando nuyise towe lẹ go.