Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

15. Aliho He mẹ E Jẹ Dọ Mí Ni Sẹ̀n Jiwheyẹwhe Te

15. Aliho He mẹ E Jẹ Dọ Mí Ni Sẹ̀n Jiwheyẹwhe Te

1 LEHE YÈ SỌGAN YỌ́N SINSẸ̀N-BIBASI NUGBO DO

“Bibó wẹ họntonu lọ podọ jinján wẹ aliho lọ he nọ planmẹ yì ogbẹ̀ mẹ, omẹ vude wẹ sọ to dindin in mọ.”—Matiu 7:14

Nawẹ mí wagbọn do yọnẹn dọ Jiwheyẹwhe ma nọ kẹalọyi sinsẹ̀n-bibasi wunmẹ lẹpo?

  • Matiu 7:21-23

    Jiwheyẹwhe ma nọ kẹalọyi sinsẹ̀n lẹpo. E ma yin sinsẹ̀n lẹpo wẹ nọ wà ojlo Etọn.

  • Matiu 7:13, 14

    Sinsẹ̀n-bibasi nugbo nọ planmẹ yì ogbẹ̀ madopodo. Sinsẹ̀n lalo nọ planmẹ yì vasudo madopodo.

  • Matiu 7:16, 17

    Hiẹ sọgan yọ́n sinsẹ̀n-bibasi nugbo gbọn azọ́n etọn lẹ dali. E ma biọ dọ a ni plọnnu gando sinsẹ̀n lẹpo go; plọnnu gando nuhe Biblu dọ go poun.

2 ALIHO HE MẸ E JẸ DỌ MÍ NI SẸ̀N JIWHEYẸWHE TE

3 NỌ YINUWA SỌGBE HẸ NUHE A YISE

Etẹwẹ hiẹ dona wà eyin Jiwheyẹwhe na kẹalọyi sinsẹ̀n-bibasi towe?

  • Jakọbu 2:19

    E ma ko pé nado yise to Jiwheyẹwhe mẹ poun. A dona nọ wà nuhe e dọ to Biblu mẹ lẹ.

  • Isaia 52:11; Osọhia 17:5

    Sinsẹ̀n lalo, kavi “Babilọni Daho lọ,” nọ plọn gbẹtọ lẹ nado sẹ̀n Jiwheyẹwhe to aliho he ewọ ma kẹalọyi de mẹ. Delẹ to nuplọnmẹ sinsẹ̀n lalo tọn lẹ mẹ wẹ Atọ̀n-to-Dopomẹ, jọmaku alindọn tọn po zòmẹ po.

  • Osọhia 18:4, 8

    Jehovah na và sinsẹ̀n lalo lẹpo sudo to madẹnmẹ. Gbẹ́ nuhe tindo kanṣiṣa hẹ sinsẹ̀n-bibasi lalo lẹpo dai.

  • Malku 10:28-30

    Nukundiọsọmẹ sọgan fọ́n, amọ́ Jehovah ma na jo we do.