Yì hosọ lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

De ogbè dopo Gungbe

11. Naegbọn Yajiji Do Sù Sọmọ?

11. Naegbọn Yajiji Do Sù Sọmọ?

1 E MA YIN JEHOVAH WẸ NỌ HẸN YAJIJI WÁ

“E dẹn do Jiwheyẹwhe nugbo lọ nado yinuwa po kanyinylan po, yèdọ Ganhunupotọ lọ nado waylan!”—Jobu 34:10

Naegbọn yajiji do sù sọmọ to aihọn mẹ?

  • 1 Johanu 5:19

    Satani Lẹgba wẹ ogán aihọn tọn.

  • Yẹwhehodọtọ 8:9

    Gbẹtọvi lẹ nọ hẹn yajiji wá mẹdevo lẹ ji.

  • Yẹwhehodọtọ 9:11

    Gbẹtọ lẹ nọ jiya to whedelẹnu, na yé tin to fide gbọn kosọ dali to ojlẹ lọ mẹ wutu.

  • 1 Pita 5:7

    Jehovah yiwanna gbẹtọvi lẹ taun. E nọ vẹna ẹn eyin e mọdọ yé to yaji.

2 SATANI JẸAGỌDO JLỌJẸ JEHOVAH TỌN NADO DUGÁN

“Jiwheyẹwhe yọnẹn dọ . . . nukun mìtọn nasọ hùn bọ mìwlẹ na taidi Jiwheyẹwhe bo na nọ yọ́n dagbe po oylan po.”—Jenẹsisi 3:5

Naegbọn Jehovah ma dovọ́na nukundiọsọmẹ Satani tọn?

  • Jenẹsisi 3:2-5

    Satani sawhẹdokọna Jiwheyẹwhe dọ e yin gandutọ ylankan. Satani jlo dọ gbẹtọvi lẹ ni yise dọ yé tindo jlọjẹ nado magbe dagbe po oylan po tọn na yede.

  • Jobu 38:7

    Satani diọnukunsọ Jehovah to angẹli livi susu lẹ nukọn.

3 NUKUNDIỌSỌMẸ SATANI TỌN KO GBOAWUPO

“E ma tin to huhlọn mẹhe to zọnlinzin tọn mẹ nado deanana afọdide etọn lẹ.”—Jelemia 10:23

Naegbọn gbẹtọvi lẹ do to yaji na ojlẹ dindẹn sọmọ?

  • Isaia 55:9

    Gbẹtọvi lẹ ko tẹ́n gandudu voovo lẹ pọ́n, amọ́ e ma gán pà yé matin anademẹ Jiwheyẹwhe tọn.

  • 2 Pita 3:9, 10

    Jehovah to homẹfa bo na mí whenu, na mí nido plọn nado yọ́n ewọ bo de e taidi Gandutọ mítọn.

  • 1 Johanu 3:8

    Jehovah na yí Jesu zan nado vọ́ nuhe Satani ko hẹngble lẹpo jlado.

4 YÍ MẸDEKANNUJẸ NUDIDE BIBASI TỌN TOWE ZAN NADO SẸ̀N JEHOVAH

“Visunnu ṣie, yin nuyọnẹntọ . . ., na yẹn nido gblọnhona ewọ he to vivlẹ mi kò.”—Howhinwhẹn lẹ 27:11

Naegbọn Jehovah ma nọ hẹn mí po huhlọn po nado sẹ̀n ẹn?

  • Howhinwhẹn lẹ 30:24

    Na taun tọn, nuyọnẹn jọwamọ tọn wẹ nọ deanana kanlin lẹ, amọ́ Jehovah na míwlẹ mẹdekannujẹ nudide bibasi tọn. Mí sọgan de nado sẹ̀n ẹn kavi lala.

  • Matiu 22:37, 38

    Jehovah jlo dọ mí ni sẹ̀n ẹn, na mí yiwanna ẹn wutu.