Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Bladopọ Owe Etẹwẹ Biblu Sọgan Plọn Mí? Tọn Lẹ

1. Omẹ Nankọ Wẹ Jiwheyẹwhe Yin?

1. Omẹ Nankọ Wẹ Jiwheyẹwhe Yin?

1 MẸNU WẸ JIWHEYẸWHE?

“Hiẹ wẹ dá nulẹpo.”—Osọhia 4:11

Etẹwẹ Biblu sọgan plọn mí gando Jiwheyẹwhe go?

  • Osọhia 15:3

    Ewọ wẹ Ganhunupotọ, yèdọ mẹhe tindo huhlọn hugan to wẹkẹ lọ mẹ.

  • Salmu lẹ 90:2

    Ewọ ma tindo bẹjẹeji.

  • Matiu 6:9

    Jiwheyẹwhe wẹ Otọ́ mítọn.

    Ewọ jlo dọ ogbẹ̀ mítọn ni yọ́n jẹ obá he mẹ e yọnbasi jẹ.

  • Owalọ lẹ 17:27

    Jiwheyẹwhe jlo na dọnsẹpọ mí.

2 JIWHEYẸWHE TINDO OYÍN DE

“Jehovah . . . wẹ oyín ṣie kakadoi.”—Eksọdusi 3:15

Naegbọn oyín Jiwheyẹwhe tọn do yin nujọnu?

  • Salmu lẹ 83:18

    Jiwheyẹwhe dọna mí dọ Jehovah wẹ emi nọ yin. “Jiwheyẹwhe” po “Oklunọ” po ma yin yinkọ lẹ. Tẹnmẹ-yinkọ lẹ wẹ yé yin, taidi “ahọlu” po “togán” po. Jehovah jlo dọ hiẹ ni yí oyín etọn zan.

  • Eksọdusi 3:14

    Yinkọ etọn zẹẹmẹdo “E Nọ Hẹn Nado Lẹzun.” Na Jehovah wẹ dá nulẹpo wutu, e sọgan hẹn opagbe he e do lẹpo di bo hẹn lẹndai etọn di.

3 JEHOVAH YIWANNA MÍ

“Jiwheyẹwhe wẹ owanyi.”—1 Johanu 4:8

Etẹwẹ owanyi Jiwheyẹwhe tọn zẹẹmẹdo na mí?

4 JIWHEYẸWHE NỌ HÒ TOWE PỌ́N

‘Mì bẹ magbọjẹ mìtọn lẹpo dlan ewọ ji, na e to mìtọn hòpọn wutu.’—1 Pita 5:7

Etẹwẹ hẹn we kudeji dọ Jiwheyẹwhe nọ hò towe pọ́n nugbonugbo?

  • Salmu lẹ 37:9-11

    E dopà nado doalọtena yajiji bo vọ́ nuhe mẹylankan lẹ ko hẹngble lẹpo jlado.

  • Jakọbu 4:8

    Jehovah jlo dọ a ni dọnsẹpọ emi.

  • Johanu 17:3

    Lehe a nọ plọnnu gando Jiwheyẹwhe go sọ, mọ wẹ a na yiwanna ẹn dogọ do niyẹn.