Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Etẹwẹ Biblu Plọn Mí Taun?

Be Ehe Wẹ Ojlo Jiwheyẹwhe Tọn Ya?

Be Ehe Wẹ Ojlo Jiwheyẹwhe Tọn Ya?

HIA linlinwe depope. Pọ́n televiziọn, kavi dotoai na ladio. Linlin sẹ́nhẹngba, awhàn, po gufinfọn po tọn lẹ wẹ nọ sù hugan! Lẹnnupọndo nuhahun he hiẹ lọsu to pipehẹ lẹ ji. Vlavo awutu kavi okú mẹvivẹ de tọn to ayimajai sinsinyẹn de hẹnwa na we. Numọtolanmẹ towe sọgan taidi dawe homẹdagbenọ lọ, Job tọn, mẹhe dọ dọ “awubla ko tlọ̀ mi pete.”—Job 10:15, Segond.

Kanse dewe dọmọ:

  • Be ehe wẹ yin ojlo Jiwheyẹwhe tọn na mi podọ na pipotọ gbẹtọ lẹ tọn ya?
  • Fie wẹ yẹn sọgan mọ alọgọ sọn nado pehẹ nuhahun ṣie lẹ?
  • Be todido depope tin dọ mí na wá tindo jijọho to aigba ehe ji ya?

Biblu na gblọndo kanbiọ ehelẹ tọn to aliho he na hẹn pekọ wá na we mẹ.

BIBLU PLỌN MÍ DỌ JIWHEYẸWHE NA HẸN DIỌDO EHELẸ WÁ AIGBA JI.

Dawe yọnhonọ de he lẹzun jọja

“Jiwheyẹwhe nasọ súnsún dasin lẹpo sẹ̀ sọn nukun yetọn mẹ; okú ma nasọ tin ba, kavi awubla, kavi avi, mọ awufiẹsa ma na tin ba.”—Osọhia 21:4


Viyọnnu sẹkunọ de he penugo nado họ̀nwezun

“Pòtẹn na lọ́n di agbanlin.”—Isaia 35:6


Dawe nukuntọ́nnọ de he mọnú

“Nukun nukuntọ́nnọ lẹ tọn na hùn.”—Isaia 35:5


Nawe de to ayajẹ to whenuena e mọ mẹyiwanna de gọwá ogbẹ̀

“Mẹhe tin to yọdò [oflin tọn] mẹ lẹpo…na tọnjẹgbonu.”—Johanu 5:28, 29


Visunnu he to azọ̀njẹ de jẹgangan

“Finẹnu lẹ ma to na dọmọ, yẹn to azọ̀njẹ.”—Isaia 33:24


Ogle jinukun tọn

‘Gbadó susugege na tin finẹ to aigba ji.’—Psalm 72:16


ALEMIMỌYI SỌN NUHE BIBLU PLỌN MÍ LẸ MẸ

Dawe awe to Biblu plọn

Ma pọ́n nuhe yin didohia lẹ taidi hópadọ de poun blo. Jiwheyẹwhe ko dopagbe nado hẹn ninọmẹ ehelẹ di, podọ Biblu basi zẹẹmẹ lehe Jiwheyẹwhe na wà ehe gbọn tọn.

Ṣigba Biblu bẹ nususu hẹn humọ. E nọ gọalọna we nado duvivi ogbẹ̀ tọn todin. Yì agbọji bo lẹnnupọndo magbọjẹ po tukla he pehẹ a te lẹ po ji. E sọgan yin ohẹ́n, nuhahun whẹndo tọn lẹ, agbasamalo, kavi okú mẹvivẹ de tọn. Biblu sọgan gọalọna we nado didẹ nuhahun lẹ todin, podọ e sọgan sọ hẹn pọngbọ wá gbọn gblọndo kanbiọ he bọdego ehelẹ tọn nina dali:

  • Naegbọn mí do nọ jiya?
  • Nawẹ mí sọgan doakọnna tukla gbẹ̀mẹ tọn lẹ gbọn?
  • Nawẹ mí sọgan hẹn whẹndo mítọn yin ayajẹnọ gbọn?
  • To whenuena mí kú, etẹwẹ nọ yin ninọmẹ mítọn?
  • Be mí na wá mọ mẹvivẹ mítọn he ko kú lẹ pọ́n gbede ya?
  • Nawẹ mí sọgan deji dọ Jiwheyẹwhe na hẹn opagbe etọn lẹ na sọgodo di gbọn?

Na hiẹ to owe ehe hia wutu, e dohia dọ hiẹ jlo na yọ́n nuhe Biblu plọn mí lẹ. Owe ehe na gọalọna we. Hiẹ na doayi e go dọ kanbiọ hukan lọ lẹ tọn nọ tin to odò weda lọ tọn. Gbẹtọ livi susu wẹ ko duvivi hodọdopọ kanbiọ po gblọndo po tọn to whenuena yé to hodọdo Biblu ji hẹ Kunnudetọ Jehovah tọn lẹ. Mí lẹndọ hiẹ lọsu na duvivi etọn. Na Jiwheyẹwhe ni dona we dile hiẹ to numimọ homẹhunhun po pekọ po he nọ wá sọn nuhe Biblu plọn mí taun lẹ pinplọn mẹ tọn tindo todin!

JẸAKỌ HẸ BIBLU TOWE

Biblu

OWE po wekanhlanmẹ 66 po wẹ Biblu bẹhẹn. Nado hẹn alọdlẹndonu bọawu, yé yin mimá do weta po wefọ lẹ po mẹ. To whenuena wefọ lẹ yin dide to owe ehe mẹ, sọha tintan lọ nọ dlẹnalọdo weta owe kavi wekanhlanmẹ Biblu tọn lọ tọn, podọ dehe bọdego nọ dlẹnalọdo wefọ lọ. Di apajlẹ, “2 Timoti 3:16” zẹẹmẹdo wekanhlanmẹ awetọ hlan Timoti, weta 3, wefọ 16.

Hiẹ na yawu jẹakọ hẹ Biblu eyin a nọ hùn wefọ heyin dide do owe ehe mẹ lẹ bo nọ hia yé. Podọ, naegbọn hiẹ ma na bẹ tito Biblu hihia egbesọegbesọ tọn de jẹeji? Eyin hiẹ nọ hia weta atọ̀n jẹ atọ́n to gbèdopo, a sọgan hia Biblu blebu to owhe dopo gblamẹ.

Plọnnu Dogọ

Nawẹ Mí Nọ Plọn Biblu hẹ Mẹ Gbọn?

Lẹdo aihọn pé, Kunnudetọ Jehovah tọn lẹ yin yinyọnẹn na tito Biblu pinplọnmẹ tọn vọnu he yé nọ zedonukọnnamẹ. Pọ́n lehe e nọ yin bibasi do.