Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Owe Ṣie He Bẹ Otàn Biblu Tọn lẹ Hẹn

Owe Ṣie He Bẹ Otàn Biblu Tọn lẹ Hẹn

Owe Ṣie He Bẹ Otàn Biblu Tọn lẹ Hẹn
Jesu to hodọ hẹ ovi lẹ

OWE ehe bẹ nujijọ he wá aimẹ nugbonugbo lẹ hẹn. Otàn lọ lẹ yin didesọn Biblu mẹ, yèdọ owe he diyin hugan to aihọn mẹ. Yé dọ nujijọ aihọn tọn lẹ sọn whenue Jiwheyẹwhe jẹ onú lẹ dá ji kakajẹ azán mítọn gbè. Yé tlẹ sọ donù nuhe Jiwheyẹwhe dopagbe nado wà to sọgodo lẹ go.

Owe ehe na gọalọna we nado tindo linlẹn de gando nuhe Biblu bẹhẹn lẹpo go. E dọhodo mẹhe nọgbẹ̀ to ojlẹ Biblu tọn mẹ lẹ po nuhe yé wà lẹ po ji. E sọ do todido jiawu he Jiwheyẹwhe na gbẹtọ lẹ nado nọgbẹ̀ kakadoi to paladisi aigba ji tọn mẹ hia.

Otàn 116 wẹ tin to owe ehe mẹ podọ yé yin mimá do adà ṣinatọ̀n. To bẹjẹeji adà dopodopo tọn, zẹẹmẹ nọ yin bibasi do nuhe adà lọ bẹhẹn ji to kleun mẹ. Otàn lọ lẹ yin tito debọdo-dego dile nujijọ lọ lẹ wá aimẹ do to whenuho mẹ. Ehe na gọalọna we nado yọ́n ojlẹ he mẹ nujijọ dopodopo wá aimẹ te to whenuho mẹ yijlẹdo nujijọ devo lẹ go.

Otàn lọ lẹ yin kinkàn po hogbe he bọawu lẹ po. Susu mì yọpọvu lẹ tọn na penugo nado hia yé na mìde. Mì mẹjitọ lẹ na mọdọ homẹ ovi flinflin mìtọn lẹ tọn na hùn eyin mì hia otàn ehelẹ na yé whlasusu. Mì na doayi e go dọ owe ehe bẹ otàn ojlofọndotenamẹ tọn susu hẹn na yọpọvu lẹ po mẹho lẹ po.

Wefọ Biblu tọn lẹ yin dide do vivọnu otàn dopodopo tọn. Mí na tuli mì nado nọ hia wefọ Biblu tọn he ji otàn ehelẹ yin zize sinai do lẹ.

Wefọ he tin to owe ehe mẹ lẹ yin bibladopọ. Yé yin vivọdọ to hogbe he bọawu lẹ mẹ na yọpọvu lẹ nido sọgan mọnukunnujẹ yé mẹ. Wefọ he yin dide to vivọnu otàn dopodopo tọn do fie otàn lọ yin didesọn to Biblu mẹ hia.