Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Owe Ṣie He Bẹ Otàn Biblu Tọn lẹ Hẹn

Adà 4: Sọn Ahọlu Tintan Islaeli Tọn Whenu jẹ Kanlinmọgbenu Yìyì to Babilọni

Adà 4: Sọn Ahọlu Tintan Islaeli Tọn Whenu jẹ Kanlinmọgbenu Yìyì to Babilọni

Sauli lẹzun ahọlu tintan Islaeli tọn. Ṣigba, Jehovah gbẹ́ ẹ dai bọ Davidi wá yin dide nado duahọlu do otẹn etọn mẹ. Mí na plọn nususu gando Davidi go. Taidi jọja de, e hoavùn hẹ Goliati asuka lọ. To godo mẹ, e họ̀n sọn alọ Ahọlu Sauli awuwhàntọ lọ tọn mẹ. Enẹgodo, Abigaili whanpẹnọ lọ hẹnalọdotena ẹn ma nado wà nulunu.

Bọdo ehe go, mí nasọ plọn nususu gando Sọlomọni visunnu Davidi tọn go, mẹhe wá nọ otẹn Davidi tọn mẹ taidi ahọlu Islaeli tọn. Dopodopo ahọlu atọ̀n tintan Islaeli tọn lẹ duahọlu na owhe 40. To okú Sọlomọni tọn godo, ahọluduta Islaeli tọn wá yin mimá do awe, enẹ wẹ ahọluduta agewaji tọn po hùwaji tọn po.

Ahọluduta whẹndo 10 agewaji tọn lẹ tọn nọ aimẹ na owhe 257 whẹpo do yin vivasudo gbọn Assilianu lẹ dali. To owhe 133 godo, ahọluduta whẹndo awe hùwaji tọn lẹ tọn lọsu wá yin vivasudo. To ojlẹ enẹ mẹ wẹ Islaelivi lẹ yin bibẹ yì kanlinmọgbenu to Babilọni te. To popolẹpo mẹ, Adà ẸNẸTỌ bẹ nujijọ ayidego tọn he wá aimẹ to owhe 510 gblamẹ lẹ hẹn.

Ahọlu Sọlomọni to dẹ̀ho