Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Owe Ṣie He Bẹ Otàn Biblu Tọn lẹ Hẹn

Adà 2: Sọn Singigọ Whenu jẹ Tundote sọn Egipti Whenu

Adà 2: Sọn Singigọ Whenu jẹ Tundote sọn Egipti Whenu

Omẹ ṣinatọ̀n poun wẹ lùn Singigọ lọ tọ́n, ṣigba to nukọn mẹ sọha yetọn wá sudeji kaka biọ fọtọ́n susu mẹ. Owhe 352 to Singigọ lọ godo, Ablaham yin jiji. Jiwheyẹwhe hẹn opagbe etọn di gbọn visunnu de he nọ yin Isaki nina Ablaham dali. Enẹgodo, Jiwheyẹwhe de Jakọbu to visunnu awe Isaki tọn lẹ mẹ.

Jakọbu tindo whẹndo daho de he bẹ visunnu 12 po viyọnnu delẹ po hẹn. Visunnu Jakọbu tọn 10 lẹ gbẹwanna nọvi yetọn Josẹfu bo sà ẹ do kanlinmọgbenu to Egipti. To nukọn mẹ, Josẹfu lẹzun omẹ nukundeji de to Egipti. To whenuena huvẹ sinsinyẹn de tọ́n, Josẹfu whlé mẹdaho etọn lẹ pọ́n nado yọnẹn eyin yé ko diọ. To godo mẹ, whẹndo Jakọbu tọn pete, yèdọ Islaelivi lẹ, sẹtẹn yì Egipti. Ehe jọ owhe 290 to jiji Ablaham tọn godo.

Islaelivi lẹ nọ Egipti na owhe 215 he bọdego lẹ. To okú Josẹfu tọn godo, yé lẹzun kanlinmọ to finẹ. To nukọn mẹ, Mose yin jiji bọ Jiwheyẹwhe yí i zan nado tún Islaelivi lẹ dote sọn Egipti. To lẹndopọ mẹ, nujijọ he Adà AWETỌ bẹhẹn lẹ wá aimẹ to owhe 857 gblamẹ.

Whẹndo Jakọbu tọn sẹtẹn jei Egipti