Accessibility setting

De ogbè dopo

Yì hosọ flinflin lẹ ji

Yì hosọ lẹ ji

Kunnudetọ Jehovah Tọn Lẹ

Gungbe

Etẹwẹ Sọgan Hẹn Ayajẹ Wá to Whẹndo Mẹ?

Etẹwẹ Sọgan Hẹn Ayajẹ Wá to Whẹndo Mẹ?

Be a lẹndọ . . .

  • owanyi wẹ ya?

  • akuẹ wẹ ya?

  • kavi nudevo?

 NUHE BIBLU DỌ

“Ayajẹnọ wẹ mẹhe to ohó Jiwheyẹwhe tọn sè bo to yíyí i hẹn lẹ!”—Luku 11:28, Lẹdogbedevomẹ Aihọn Yọyọ Tọn.

ALE HE ENẸ SỌGAN HẸNWA NA WE

Owanyi nugbo na tin. —Efesunu lẹ 5:28, 29.

Sisi sisosiso na tin.—Efesunu lẹ 5:33.

Hihọ́ nujọnu tọn na tin.—Malku 10:6-9.

 BE MÍ SỌGAN YÍ NUHE BIBLU DỌ SÈ NUGBONUGBO YA?

Mọwẹ, e whè gbau na whẹwhinwhẹ́n awe ehelẹ wutu:

  • Jiwheyẹwhe wẹ Dowatọ whẹndo tọn. Biblu dọ dọ Jehovah Jiwheyẹwhe dè wẹ “whẹndo lẹ . . . mọ oyín yetọn yí sọn.” (Efesunu lẹ 3:14, 15) To hogbe devo mẹ, Jehovah wẹ ze tito whẹndo tọn dai. Naegbọn e do yin nujọnu nado yọ́n ehe?

    Lẹnnupọn vude: Eyin núdùdù de vivi to onù towe mẹ bọ a jlo na yọ́n dadonu he yè yí do dà ẹ lẹ, mẹnu wẹ a na kanbiọ? E họnwun dọ mẹhe dà núdùdù lọ wẹ.

    Mọdopolọ, nado yọ́n nuhe sọgan hẹn ayajẹ wá to whẹndo mẹ lẹ, mí dona lẹhlan Jehovah, he yin Dowatọ whẹndo tọn.—Gẹnẹsisi 2:18-24.

  • Jiwheyẹwhe nọ hò towe pọ́n. Nuyọnẹnnu wẹ e na yin dọ whẹndo lẹ ni nọ dín ayinamẹ Jehovah tọn, he e nọ na to Ohó etọn mẹ. Etẹwutu? “Na e to [towe] hòpọn wutu.” (1 Pita 5:6, 7) Dagbemẹninọ towe nọ duahunmẹna Jehovah, podọ ayinamẹ etọn lẹ nọ wazọ́n to whepoponu!—Howhinwhẹn lẹ 3:5, 6; Isaia 48:17, 18.

 ETẸ A LẸN?

Nawẹ hiẹ sọgan yin asu, asi kavi mẹjitọ dagbe de gbọn?

Biblu na gblọndo kanbiọ ehe tọn to EFESUNU LẸ 5:1, 2 po KỌLỌSINU LẸ 3:18-21 po mẹ.

Plọnnu Dogọ

Whẹndo Towe Sọgan Yin Ayajẹnọ

A sọgan hẹn alọwle po whẹndo towe po yin ayajẹnọ eyin a nọ yí ayinamẹ Biblu tọn lẹ do yizan mẹ.