Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Ahọluduta Jiwheyẹwhe Tọn to Gandu!

Wekanhlanmẹ de sọn Hagbẹ Anademẹtọ lọ Dè

Wekanhlanmẹ de sọn Hagbẹ Anademẹtọ lọ Dè

Wẹnlatọ Hatọ Vivẹ́ E:

MÍ NI dọ dọ a yin hagbẹ Whẹndo Bẹtẹli Brooklyn tọn de bo tin to finẹ to afọnnu vendredi 2 octobre 1914 tọn. A sin otẹn towe mẹ to núdùdù afọnnu tọn whenu bo to tepọn wiwá Mẹmẹsunnu C. T. Russell tọn. To ajiji mẹ, Mẹmẹsunnu Russell hùn ohọ̀n núdù-họsa tọn bo biọ họmẹ. E nọte na ojlẹ de dile e ko yin aṣa etọn do, bo yí ayajẹ do dọnudo whẹndo Bẹtẹli tọn dọ, “Mìmẹpo fọ́n dagbe ya?” Ṣigba to enẹgodo, kakati nado yawu yì sin otẹn etọn mẹ to tafo tó, e hopẹ́ bo basi nulila homẹhunhun tọn de dọmọ: “Ojlẹ Kosi lẹ tọn ko wá vivọnu; azán ahọlu yetọn lẹ tọn ko pé!” Ayajẹ towe gọfla—na a ko to nukundo ojlẹ enẹ din e ma pọ́! Hiẹ po hagbẹ whẹndo Bẹtẹli tọn he pò lẹ po yí zohunhun do to pẹ́hò mapote.

 Owhe susu ko juwayi sọn whenue gbọ́n Mẹmẹsunnu Russell basi nulila ayajẹ tọn enẹ. Etẹwẹ Ahọluduta lọ ko wadotana sọn whenẹnu? E sù taun! Gbọn Ahọluduta lọ gblamẹ, Jehovah ko to omẹ etọn lẹ klọ́we vudevude bo to azọ́nplọn yé—yèdọ yé omẹ fọtọ́n vude to 1914 he ko yì livi ṣinatọ̀n todin. Nawẹ hiẹ lọsu ko mọaleyi sọn azọ́nplọnmẹ enẹ mẹ gbọn?

Mí nọ saba sè bọ mẹmẹsunnu lẹ nọ dọ dọ, “Awhàn-kẹkẹ Jehovah tọn to nukọnzindo!” podọ yé ma dolalo. Nugbo lọ wẹ yindọ sọn 1914 gbọ́n, awhàn-kẹkẹ olọn mẹ tọn lọ, he nọtena adà mayinukundomọ titobasinanu Jehovah tọn, to wezunhọ̀n taun, dile owe ehe hihia po sọwhiwhe po na dohia do. Nado dọyẹwheho wẹndagbe lọ tọn lẹdo aihọn pé, wẹnlatọ Ahọluduta lọ tọn lẹ ko yí aliho voovo lẹ zan, ehe bẹ linlinwe lẹ hẹn, gọna owhlẹ nudọnamẹ tọn lẹ zizepé, yẹdide lẹ didohia, kalti kunnudide tọn lẹ, glamafonu lẹ, ladio, podọ etlẹ yin Intẹnẹt lọsu.

Jehovah ko dona azọ́n lọ bọ todin, mí nọ zín owe sinai do Biblu ji whanpẹnọ lẹ jẹgbonu to ogbè 670 linlán mẹ bo nọ ze yé donukọnnamẹ vọnu. Mẹdezejotọ lẹ nọ gọalọ nado gbá Plitẹnhọ Ahọluduta tọn, Plitẹnhọ Plidopọ tọn po wekantẹn alahọ tọn lẹ po to otò adọkunnọ po dehe ma tindo adọkun sọmọ lẹ po mẹ. Podọ to nugbajẹmẹji whenu, owanyi nọ whàn mẹmẹsunnu po mẹmẹyọnnu lẹ po nado yawu yì gọalọ to lẹdo he mẹ nugbajẹmẹji lọ jọ te lẹ bo nọ gbọnmọ dali dohia dọ “yè sọgan dejido [emi go] to ojlẹ ayimajai tọn lẹ mẹ.”—Howh. 17:17.

To whedelẹnu, sinsẹ̀ngán lẹ po kẹntọ lẹ po nọ ze “osẹ́n donukọn do to ayiha kàn nado hẹn tukla wá,” amọ́ lehe vivẹnudido agọ̀ yetọn nọ dekọtọn whlasusu do “nukọnyiyi wẹndagbe lọ tọn mẹ” do nọ hẹn yise lodo taun.—Salm. 94:20; Flp. 1:12.

Gbégbò de wẹ e yin na mí nado wazọ́n dopọ hẹ mì “devizọnwatọ whégbè tọn” hatọ mítọn lẹ. Mí jlo na dọna mìmẹpo dọ mí yiwanna mì taun. Odẹ̀ mítọn wẹ yindọ nudọnamẹ he to owe ehe mẹ lẹ ni gọalọna mì nado yọ́n pinpẹn ogú gbigbọmẹ tọn mìtọn tọn hugan gbede pọ́n tọn.—Mat. 24:45.

Mí dọnudo mì sọn ahun mẹ wá

Mẹmẹsunnu mìtọn lẹ,

Hagbẹ Anademẹtọ Kunnudetọ Jehovah tọn lẹ tọn