Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Ahọluduta Jiwheyẹwhe Tọn to Gandu!

Be a to jejeji nado mọ hẹndi opagbe Ahọluduta lọ tọn lẹ ya?

 ADÀ 7

Opagbe Ahọluduta lọ Tọn lẹ—Nulẹpo Hinhẹn Zun Yọyọ

Opagbe Ahọluduta lọ Tọn lẹ—Nulẹpo Hinhẹn Zun Yọyọ

 MÍ NI dọ dọ a gbẹ̀n pọmu bibia daho de sọn atin ji. A whlẹ́n owán etọn pọ́n whẹpo do ze e do ohà he mẹ dehe pò lẹ te. A ko to azọ́nwa sọn gànhiho susu lẹ die, amọ́ agbọ́ ma pé we bọ a gbẹ́ jlo nado wazọ́n pẹẹde dogọ. Onọ̀ towe to atin he sẹpọ we devo kọ̀n, bo yí ayajẹ do to azọ́nwa bosọ to hodọdopọ hẹ hagbẹ whẹndo lọ tọn devo lẹ po họntọn lẹ po he to alọgọ nado gbẹ̀n atin-sinsẹ́n lẹ. E gbẹ́ to jọja mẹ—dile a flindọ e te do to whenue a yin yọpọvu to owhe susu lẹ die wayi. E vẹawuna we nado yise dọ a mọ bọ e whẹ́n bo poyọnho to aihọn he ko juwayi hoho enẹ mẹ. A mọ bọ azọ̀n hẹn ẹn vọgán, a sọ hẹn alọ etọn go dile e gbọ gbigbọ godo tọn, podọ a viavi to yọdò etọn kọ̀n. Ṣogan todin, e togbẹ̀ bo to gángán whladopo dogọ, to pọmẹ hẹ mẹsusu devo lẹ!

Mí yọnẹn dọ ojlẹ mọnkọtọn na wá. Mí yọ́n ehe, na opagbe Jiwheyẹwhe tọn lẹ nọ mọ hẹndi janwẹ. To adà ehe mẹ, mí na dọhodo lehe opagbe Ahọluduta lọ tọn delẹ na mọ hẹndi to sọgodo he to yakẹ de mẹ do ji, ehe na dekọtọn do awhàn Amagẹdọni tọn mẹ. Mí nasọ gbadopọnna delẹ to opagbe ojlofọndotenamẹ tọn Ahọluduta lọ tọn he na mọ hẹndi to enẹgodo lẹ mẹ. Lehe homẹ mítọn na hùn do sọ nado mọ whenue Ahọluduta Jiwheyẹwhe tọn na dugán do aigba ehe blebu ji, bo na hẹn nulẹpo zun yọyọ!

TO ADÀ EHE MẸ

WETA 21

Ahọluduta Jiwheyẹwhe Tọn Na De Kẹntọ Etọn lẹ Sẹ̀

Hiẹ sọgan wleawudaina awhàn Amagẹdọni tọn todin.

WETA 22

Ahọluduta lọ Na Hẹn Ojlo Jiwheyẹwhe Tọn Di to Aigba Ji

Naegbọn mí sọgan kudeji dọ opagbe Jehovah tọn lẹpo na mọ hẹndi?