Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Ahọluduta Jiwheyẹwhe Tọn to Gandu!

Amiyọnwhé: Mẹmẹyọnnu de to Alabama, États-Unis to agbán hoyidokanji hodidọ Mẹmẹsunnu Rutherford tọn de hò jei vivọnu owhe 1930 lẹ tọn; adusiwhé: Suisse

 ADÀ 1

Nugbo Ahọluduta Tọn—Núdùdù Gbigbọmẹ Tọn Mimá

Nugbo Ahọluduta Tọn—Núdùdù Gbigbọmẹ Tọn Mimá

 A MỌ bọ nukun Biblu plọntọ towe tọn tá dile e mọnukunnujẹ zẹẹmẹ wefọ he mì ṣẹṣẹ hia dopọ de tọn mẹ. Enẹgodo, e kanse dọ, “Didọ a te dọ Biblu to pinplọn mí dọ mí sọgan nọgbẹ̀ to Paladisi mẹ kakadoi—to aigba ehe ji ya?” Mẹhe zọnhẹ we konu yẹsẹ bo kanse e dọ, “Kavi etẹwẹ hiẹ lọsu mọ to Biblu mẹ?” Po nupaṣamẹ po, nuplọntọ lọ mimí ota etọn bo dọ, “Etẹ nkọ, mẹde ma ko plọn mi ehe gbede!” A flindọ e ko dọ onú mọnkọtọn de to osẹ vude die to whenue e sè whla tintan dọ oyín Jiwheyẹwhe tọn nọ yin Jehovah.

Be a ko tindo numimọ mọnkọtọn pọ́n ya? Susu to omẹ Jiwheyẹwhe tọn lẹ mẹ wẹ ko tindo numimọ mọnkọtọn. Nususu ma nọ saba flinnu mí gando nunina họakuẹ he ko yin nina mí lọ—yèdọ oyọnẹn nugbo lọ go gba! Saa lẹnnupọn whẹ́: Nawẹ a wagbọn do mọ nunina enẹ yí? Mí na gbadopọnna kanbiọ enẹ to adà ehe mẹ. Aliho he mẹ omẹ Jiwheyẹwhe tọn lẹ ko mọ hinhọ́n gbigbọmẹ tọn yí vudevude te yin kunnudenu de dọ Ahọluduta Jiwheyẹwhe tọn yin nujọnu de. Ahọlu etọn, Jesu Klisti ko to nuyiwa na owhe kanweko todin nado mọdọ nugbo lọ nọ yin pinplọn omẹ Jiwheyẹwhe tọn lẹ.

TO ADÀ EHE MẸ

WETA 3

Jehovah De Lẹndai Etọn Hia

Be Ahọluduta lọ yin apadewhe lẹndai dowhenu tọn Jiwheyẹwhe tọn wẹ ya? Nawẹ Jesu tá hinhọ́n do Ahọluduta lọ ji gbọn?

WETA 4

Jehovah Hẹn Oyín Etọn Zun Yinyọnẹn

Etẹwẹ Ahọluduta lọ ko wadotana gando oyín Jiwheyẹwhe tọn go? Nawẹ hiẹ lọsu sọgan tindo mahẹ to oyín Jehovah tọn kinklandowiwe mẹ gbọn?

WETA 5

Ahọlu lọ Tá Hinhọ́n Do Ahọluduta lọ Ji

Tindo nukunnumọjẹnumẹ he họnwun gando Ahọluduta Jiwheyẹwhe tọn, gandutọ po mẹjidugando etọn lẹ po, gọna nubiọtomẹsi etọn lẹ go.