Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Ahọluduta Jiwheyẹwhe Tọn to Gandu!

Amiyọnwhé: Alọgọ kọgbọ tọn he yin didohlan mẹmẹsunnu mítọn he to Allemagne lẹ sọn Suisse to 1946; adusiwhé: Plitẹnhọ Ahọluduta tọn de vivọgbá to tsunami de godo to 2011 to Japon

 ADÀ 6

Godoninọna Ahọluduta lọ—Nọtẹn Sinsẹ̀n-Bibasi Tọn po Alọgọ Kọgbọ Tọn Po

Godoninọna Ahọluduta lọ—Nọtẹn Sinsẹ̀n-Bibasi Tọn po Alọgọ Kọgbọ Tọn Po

 A BIỌ Plitẹnhọ Ahọluduta tọn mìtọn mẹ bọ e vẹawuna we nado yọ́n nọtẹn lọ. Hiẹ ko nọ doawagun gando nọtẹn ehe go dai. A tlẹ sọgan ko flindọ to owhe delẹ die, a gọalọ to họ̀gbigbá lọ mẹ. Amọ́, nuhe tlẹ sọ hẹn we doawagun todin wẹ yindọ Plitẹnhọ Ahọluduta tọn lọ to yinyin yiyizan to alọnu din taidi nọtẹn alọgọ kọgbọ tọn de. To whenue yujẹhọn de ko yìn to lẹdo towe mẹ to agọe bọ osin hẹnnugble godo, Wedegbẹ́ Alahọ tọn yawu basi tito, na mẹhe go nugbajẹmẹji lọ gando lẹ nido mọ núdùdù, avọ̀, osin nùnù po nudevo lẹ po. Nuhe yin nina lọ lẹ yin tito ganji. Mẹmẹsunnu po mẹmẹyọnnu lẹ po to nado mọ nuhe yé tindo nuhudo etọn yí bọ mẹsusu to dasin ayajẹ tọn lẹ súnsún.

Jesu dọ dọ ohia ayidego tọn he yè na yí do yọ́n omẹ etọn lẹ wẹ owanyi he yé tindo na ode awetọ. (Joh. 13:34, 35) To adà ehe mẹ, mí na gbadopọnna lehe owanyi Klistiani tọn to yinyin didohia do to whenue Kunnudetọ Jehovah tọn lẹ to nọtẹn sinsẹ̀n-bibasi tọn lẹ gbá bo to azọ́n kọgbọ tọn lẹ wà to nugbajẹmẹji lẹ whenu. Owanyi mọnkọtọn yin kunnudenu he họnwun dọ mí to gbẹnọ to gandudu Ahọluduta Jesu tọn glọ.

TO ADÀ EHE MẸ

WETA 18

Godoninọna Ahọluduta lọ to Akuẹzinzan-Liho

Fie wẹ akuẹ lọ nọ wá sọn? Nawẹ e nọ yin yiyizan gbọn?

WETA 19

Azọ́n Họ̀gbigbá Tọn He Nọ Gbògbéna Jehovah

Nọtẹn sinsẹ̀n-bibasi tọn lẹ nọ gbògbéna Jiwheyẹwhe, amọ́ nudevo tlẹ sọ họakuẹ na ẹn hugan.

WETA 20

Lizọnyizọn Kọgbọ Tọn

Nawẹ mí wagbọn do yọnẹn dọ azọ́n kọgbọ tọn yin apadewhe sinsẹ̀nzọn wiwe mítọn tọn hlan Jehovah?