Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

Ahọluduta Jiwheyẹwhe Tọn to Gandu!

Amiyọnwhé: Mẹmẹsunnu de to yinyin wiwle na yẹwhehodidọ wutu to Eindhoven, Pays-Bas, to 1945; adusiwhé: Be jlọjẹ yin nina mì to osẹ́n-liho nado nọ dọyẹwheho to otò towe mẹ ya?

 ADÀ 4

Awhàngbigba Ahọluduta lọ Tọn lẹ—Wẹndagbe lọ Hinhẹn Lodo to Osẹ́n-Liho

Awhàngbigba Ahọluduta lọ Tọn lẹ—Wẹndagbe lọ Hinhẹn Lodo to Osẹ́n-Liho

 MÍ NI dọ dọ a to yẹwhehodọ sọn whédegbè jẹ whédegbè bo jẹ nudidọ opẹ̀n kúnkún ponọ lẹ tọn sè ji sọn olá. Nudidọ lọ to sinsinyẹn deji. Dile a jẹ hodọna whétọ devo ji, wẹnlatọ he zọnhẹ we yin ayihafẹsẹna to whenue mọto ponọ lẹ tọn wá nọte sẹpọ mì. Ponọ dopo jẹte bo dọnsẹpọ bosọ kanse dọmọ: “Mí sè dọ omẹ awe delẹ to tukladomẹ bo to yìyì sọn họndekọn jẹ họndekọn bo to hodọ gando Biblu go! Mìwlẹ wẹ ya?” Mì yí sisi do gblọn bo do mìde hia di Kunnudetọ Jehovah tọn lẹ. Etẹwẹ na jọ bọdego?

Whenuho wẹ na na gblọndo kanbiọ ehe tọn. To owhe lẹ gblamẹ, nawẹ gandudu otò towe mẹ tọn nọ yinuwa hẹ Kunnudetọ Jehovah tọn lẹ gbọn? Be mẹdekannujẹ sinsẹ̀n tọn tin jẹ obá de mẹ ya? Eyin mọ wẹ, be vlavo na mẹmẹsunnu po mẹmẹyọnnu lẹ po ko yí owhe susu lẹ do wazọ́n sinsinyẹn “to avùnlọyiyi po wẹndagbe lọ hinhẹn lodo to osẹ́n-liho po mẹ” wutu wẹ. (Flp. 1:7) Mahopọnna fidepope he a nọ nọ̀, nulinlẹnpọn do whenuho awhàngbigba Kunnudetọ Jehovah tọn lẹ tọn to osẹ́n-liho ji sọgan hẹn yise towe lodo taun. To adà ehe mẹ, mí na gbadopọnna awhàngbigba ayidego tọn delẹ. Awhàngbigba enẹlẹ yin kunnudenu he fọnjlodotenamẹ lẹ dọ Ahọluduta lọ yin nujọnu, na vivẹnudido mítọn titi ma sọgan ko hẹn mí tindo kọdetọn enẹlẹ!

TO ADÀ EHE MẸ

WETA 13

Wẹnlatọ Ahọluduta lọ tọn lẹ Yì Owhẹ̀ Nukọn

Whẹdatọ lẹ to whẹdatẹn egbezangbe tọn delẹ ko yinuwa taidi Gamalieli Osẹ́n plọnmẹtọ hohowhenu tọn.

WETA 14

Godoninọna Ahọluduta Jiwheyẹwhe Tọn Kẹdẹ

Asisa madonukun de nù “tọ̀sisa” homẹkẹn tọn he yin hinhẹnwa Kunnudetọ Jehovah tọn lẹ ji na yé ma nọ donù tonudidọ mẹ.

WETA 15

Avùnhihona Mẹdekannujẹ Sinsẹ̀n-Bibasi Tọn

Omẹ Jiwheyẹwhe tọn lẹ ko hoavùn na jlọjẹ nado setonuna osẹ́n—yèdọ osẹ́n Ahọluduta Jiwheyẹwhe tọn.