AWUSỌHIA
Wekun Lẹ
Yẹdide

(Osọhia 21:1-5)

  1. 1. Pọ́n dewe la, pọ́n yẹnlọsu;

    Pọ́n mímẹpo t’aihọn yọyọ mẹ.

    Le e na yọ́n bo vivi sọ

    Nado nọgbẹ̀ to jijọho mẹ!

    Mẹylankan de ma na tin ba;

    Gandudu Jah tọn ma gán jai.

    ’Jlẹ sọ̀ nado hẹn aigba zun yọyọ,

    Mí na yí ahun lẹpo

    do jihàn dọmọ:

    (HÀNGBÈPLI)

    “Mí dopẹna we, Jehovah Jẹwhe.

    ’Vi t’we ko hẹn nulẹpo zun yọyọ.

    Po ahun ’yajẹ tọn po wẹ mí to hànji;

    Gigo, gbégbò po pipà po wẹ hiẹ jẹna.”

  2.  2. Pọ́n dewe bo pọ́n yẹnlọsu;

    Pọ́n dewe hlan t’aihọn yọyọ mẹ.

    Mí ma na mọ kavi tlẹ sè

    Nudepope he hẹnmẹ jọsi.

    Nuhe Jah dọ lẹpo ko di;

    Gòhọ etọn to gbẹtọ lẹ dè.

    Todin, ewọ na fọ́n mẹhe ko kú lẹ;

    Yé na jihàn pẹdido tọn

    hẹ mí dọmọ:

    (HÀNGBÈPLI)

    “Mí dopẹna we, Jehovah Jẹwhe.

    ’Vi t’we ko hẹn nulẹpo zun yọyọ.

    Po ahun ’yajẹ tọn po wẹ mí to hànji;

    Gigo, gbégbò po pipà po wẹ hiẹ jẹna.”