AWUSỌHIA

(1 Pita 2:21)

  1. 1. Pọ́n owanyi Jah tọn,

    Pọ́n dagbewà etọn,

    Le e ze ’Vi ’tọn jo do ’ta mítọn mẹ.

    Klist’ lẹzun gbẹtọvi

    Bo yin jiji tofi.

    Nuyiwa etọn ze ’yín Jah tọn sù.

  2. 2. E dọ, Ohó Jah tọn

    Wẹ akla emitọn.

    E nọ n’ẹn nuyọnẹn, oyọnẹn po zinzin po.

    Apajlẹ nankọ die

    He Jesu zedai!

    ’Jlo Jah tọn wiwà wẹ nọ hẹn’ẹn jaya.

  3. 3. Mì gbọ na mílọsu

    Ni wanu di Jesu,

    Na gbẹzan mítọn ni nọ pà Jehovah.

    Yin mí hodo Jesu

    Egbesọ kaka yì,

    Jah na dona mí egbé kaka yì.