Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

ATỌ̀HỌ̀-NUHIHỌ́ LỌ TỌN SỌHA 1 2017

Yajiji gọ́ aihọn lọ mẹ, amọ́ be Jiwheyẹwhe wẹ nọ hẹn yé wá ya?

Etẹwẹ Biblu Plọn Mí?

Etẹwẹ Biblu Plọn Mí?

Be Jiwheyẹwhe wẹ nọ hẹn yajiji wá ya?

Etẹwẹ a na dọ?

  • Mọwẹ

  • Lala

  • N’ma yọnẹn

Nuhe Biblu Dọ

“E dẹn do Jiwheyẹwhe nugbo lọ nado yinuwa po kanyinylan po, yèdọ Ganhunupotọ lọ nado waylan!” (Jobu 34:10) E ma yin Jiwheyẹwhe wẹ nọ hẹn nuylankan po yajiji he to aihọn lọ mẹ lẹ po wá mí ji.

Nudevo tẹwẹ mí sọgan plọn sọn Biblu mẹ?

  • Satani Lẹgba, yèdọ “ogán aihọn tọn,” wẹ nọ hẹn yajiji wá.—Johanu 14:30.

  • Nudide ylankan gbẹtọ lẹ tọn sọ nọ hẹn yajiji po nuylankan lẹ po wá to whedelẹnu.—Jakọbu 1:14, 15.

Be yajiji na wá doalọte ya?

Mẹdelẹ yise dọ vivẹnudido gbẹtọvi lẹ tọn sọgan de yajiji sẹ̀, podọ mẹdevo lẹ nọ mọdọ ninọmẹ aihọn tọn ma sọgan pọnte. Etẹwẹ mì lẹn?

Nuhe Biblu dọ

Jiwheyẹwhe na de yajiji sẹ̀. “Okú ma nasọ tin ba, mọjanwẹ aluẹmẹninọ kavi avi kavi awufiẹsa ma nasọ tin ba.”—Osọhia 21:3, 4.

Nudevo tẹwẹ mí sọgan plọn sọn Biblu mẹ?

  • Jiwheyẹwhe na yí Jesu zan nado de yajiji he Lẹgba nọ hẹnwa lẹ sẹ̀. —1 Johanu 3:8.

  • Mẹdagbe lẹ na nọgbẹ̀ to jijọho mẹ to aigba ji kakadoi. —Salmu lẹ 37:9-11, 29.