Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

ATỌ̀HỌ̀-NUHIHỌ́ LỌ TỌN OCTOBRE 2015

 HOSỌ HE JẸNUKỌN | BE MẸHE KÚ SỌGAN GỌWÁ NỌGBẸ̀ YA?

Etẹwẹ Nọ Jọ to Okú Godo?

Etẹwẹ Nọ Jọ to Okú Godo?

“N’nọ lẹndọ ofi atọ̀n wẹ tin he gbẹtọ sọgan yì to whenue e kú: olọn mẹ, zòmẹ, kavi lẹwezomẹ. N’yọnẹn dọ n’ma yin mẹdagbe sọmọ nado yì olọn mẹ kavi mẹylankan sọmọ nado yì zòmẹ. Podọ nuhe lẹwezomẹ yin taun ma họnwun na mi. N’ma hia onú mọnkọtọn de to Biblu mẹ pọ́n. N’nọ sè bọ gbẹtọ lẹ nọ dọ poun wẹ.”—Lionel.

“Yè plọn mi dọ gbẹtọ lẹpo wẹ nọ yì olọn mẹ to whenue yé kú, ṣigba n’ma kudeji. N’nọ lẹndọ okú wẹ opodo onú lẹpo tọn, bọ todido de ma tin na oṣiọ lẹ.”—Fernando.

Be a ko kanse dewe pọ́n dọ: ‘Etẹwẹ nọ jọ do mẹde go to whenue e kú? Be mẹvivẹ mítọn he kú lẹ to yaji to fide wẹ ya? Be mí nasọ vọ́ yé mọ to gbèdopo ya? Nawẹ mí sọgan kudeji gbọn?’ Jaale, lẹnnupọndo nuhe Biblu plọn mí taun ji. Tintan, gbọ mí ni gbadopọnna nuhe go Biblu yí okú jlẹdo. Enẹgodo, mí na gbadopọnna todido he Ohó Jiwheyẹwhe tọn, Biblu zedonukọnna mí.

 Etẹwẹ yin ninọmẹ oṣiọ lẹ tọn?

GBLỌNDO BIBLU TỌN: “Na mẹhe to ogbẹ̀ yọnẹn dọ emi na kú; ṣigba oṣiọ lẹ ma yọ́n nude, mọ yé masọ tindo ale de ba; na oflin yetọn ko zun winwọn. Nudepope he alọ towe mọ yin wiwà, yí huhlọn towe lẹpo do wà ẹ; na azọ́n ma tin, linlẹn ma tin, zinzan ma tin, kavi nuyọnẹn to kútomẹ fie hiẹ jei.” *Yẹwhehodọtọ 9:5, 10.

Do glido, Yọdò zẹẹmẹdo fie gbẹtọ lẹ nọ yin zizedo to whenue yé kú; yèdọ nọtẹn kavi ninọmẹ yẹhiadonu tọn de, he mẹ yé ma nọ yọ́n nude kavi ma nọ wà nudepope te. Etẹwẹ yin linlẹn dawe nugbonọ lọ Job tọn gando Yọdò go? Nutindo etọn lẹpo gble bọ ovi etọn lẹpo sọ kú to gbèdopo lọ, podọ enẹgodo nutitẹ̀ fifiẹ lẹ gọ́ agbasa etọn lẹpo go. E vẹvẹna Jiwheyẹwhe dọmọ: “Ṣo dọ hiẹ do whlá mi do yọdò mẹ, [kavi “zòmẹ,” Lẹdogbedevomẹ Douay Version Katoliki tọn] dọ hiẹ do dó mi nuglọ.” (Job 1:13-19; 2:7; 14:13) E họnwun dọ Job ma pọ́n Yọdò hlan taidi olọnzomẹ, kavi nọtẹn de fie awufiẹsa etọn na sinyẹn dogọ te. Kakatimọ, e lẹndọ finẹ yin nọtẹn kọgbọ tọn de.

Aliho devo tin he mẹ mí sọgan plọnnu gando ninọmẹ oṣiọ lẹ tọn go te. Mí sọgan gbadopọnna kandai gbọdo Owe-wiwe tọn lẹ he gando omẹ ṣinatọ̀n he yin finfọnsọnku delẹ go.—Pọ́n apotin lọ “ Fọnsọnku Ṣinatọ̀n He Yin Kinkandai to Biblu mẹ Lẹ.”

Depope to omẹ ṣinatọ̀n ehelẹ mẹ ma dọ dọ emi yì nọtẹn ayajẹ tọn kavi yasanamẹ tọn de. Eyin mẹhe yin finfọnsọnku ehelẹ ko yì nọtẹn mọnkọtọn de to whenue yé kú wẹ, be yé ma na ko dọhona gbẹtọ lẹ gandego ya? Podọ be ehe ma na ko yin yíyí dogọ kandai gbọdo Biblu tọn lẹ mẹ na mẹlẹpo nido mọ ya? Onú mọnkọ depope ma yin kinkandai to Owe-wiwe lẹ mẹ. E họnwun dọ omẹ ṣinatọ̀n ehelẹ ma dọ nudepope gando whẹho lọ go. Etẹwutu? Na yé ma yọ́n nudepope, bo taidi mẹhe to amlọn yìkànmẹ de dọ́ nkọ. Na nugbo tọn, to whedelẹnu Biblu nọ yí okú jlẹdo amlọn go. Di apajlẹ, dawe nugbonọ lọ lẹ Davidi po Stefani po “damlọn to okú mẹ.”—Owalọ lẹ 7:60; 13:36.

To whelọnu lo, todido tẹwẹ tin na oṣiọ lẹ? Be yé sọgan wá fọ́n sọn amlọn enẹ mẹ ya?

^ huk. 7 Hogbe lọ “kútomẹ” yin yiylọdọ ‘yọdò’ to Biblu Les Saintes Écritures—Traduction du monde nouveau mẹ, he yin lẹdogbedevomẹ hogbe Heblu tọn “Ṣeol” podọ hogbe Glẹki tọn “Hadẹs” tọn. Lẹdogbedevomẹ Biblu tọn delẹ yí hogbe lọ “zòmẹ” zan, ṣigba Biblu ma plọnmẹ dọ oṣiọ lẹ nọ yì miyọ́n yasanamẹ tọn de mẹ gba.