Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

ATỌ̀HỌ̀-NUHIHỌ́ LỌ TỌN AVRIL 2015

Kanbiọ Sinai Do Biblu Ji

Kanbiọ Sinai Do Biblu Ji

Etẹwẹ sọgodo bẹhẹn na gbẹtọvi lẹ?

Nawẹ okú Jesu tọn hùn dotẹnmẹ aihọn de he mẹ gbẹtọvi lẹ na nọ hò ode awetọ tọn pọ́n te dote gbọn?

Ayihaawe ma tin dọ gbẹtọvi lẹ na to nukọnyi to lẹnunnuyọnẹn-liho. Ṣigba, be yé na penugo nado wleawuna aihọn de he mẹ gbẹtọvi lẹ na nọ hò ode awetọ tọn pọ́n te ya? Lala. To egbehe, nukunkẹn po ṣejannabi po wẹ gọ́ aihọn lọ mẹ. Ṣigba, lẹndai Jiwheyẹwhe tọn wẹ yindọ gbẹtọvi lẹ ni nọgbẹ̀ to ninọmẹ dagbe mẹ.—Hia 2 Pita 3:13.

Ohó Jiwheyẹwhe tọn basi zẹẹmẹ aihọn yọyọ sọgodo tọn de tọn ehe mẹ gbẹtọvi lẹpo na nọ yiwanna ode awetọ te. Yé na nọ jijọho mẹ, podọ mẹde ma na wà nuylankan do yé.—Hia Mika 4:3, 4.

Nawẹ ṣejannabi na yin didesẹ gbọn?

Jiwheyẹwhe ma dá gbẹtọ po ayilinlẹn ṣejannabi tọn po. Ṣigba, to whenue sunnu tintan lọ vẹtolina Jiwheyẹwhe, e lẹzun mapenọ. Ewọ dè wẹ mí dugu ayilinlẹn ṣejannabi tọn sọn. Etomọṣo, Jiwheyẹwhe na yí Jesu zan nado diọ gbẹtọ lẹ zun mẹpipe.—Hia Lomunu lẹ 7:21, 24, 25.

To kọndopọ mẹ hẹ ojlo Jiwheyẹwhe tọn, Jesu yí ogbẹ̀ etọn do sanvọ́ bo de nuyiwadomẹji tolivivẹ sunnu tintan lọ tọn sẹ̀. (Lomunu lẹ 5:19) Gbọnmọ dali, Jesu hùn dotẹnmẹ sọgodo jiawu de tọn dote na gbẹtọvi lẹ bọ yé ma nasọ tindo ayilinlẹn ṣejannabi tọn nado wà nuylankan ba.—Hia Psalm 37:9-11.

 

Plọnnu Dogọ

Etẹwẹ Yin Linlẹn Jiwheyẹwhe Tọn Gando Aigba Go?

Biblu dọ nuhewutu Jiwheyẹwhe dá aigba, whenue yajiji na doalọte, podọ nuhe sọgodo bẹhẹn na aigba po mẹhe nọ nọ̀ e ji lẹ po.