Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

ATỌ̀HỌ̀-NUHIHỌ́ LỌ TỌN OCTOBRE 2014

 HOSỌ HE JẸNUKỌN | AHỌLUDUTA JIWHEYẸWHE TỌN—ALE TẸLẸ WẸ E NA HẸNWA NA WE?

Ahọluduta Jiwheyẹwhe Tọn—Ale Tẹlẹ Wẹ E Na Hẹnwa Na We?

Ahọluduta Jiwheyẹwhe Tọn—Ale Tẹlẹ Wẹ E Na Hẹnwa Na We?

Dile a na ko mọnukunnujẹemẹ to hosọ he wayi lẹ mẹ do, Ahọluduta Jiwheyẹwhe tọn yin nujọnu na Kunnudetọ Jehovah tọn lẹ taun. Podọ, vlavo delẹ to dona he Ahọluduta lọ na hẹnwa to sọgodo lẹ mẹ ehe ji mí dọhodo sọgan paṣa we. Humọ, a sọgan to nulẹnpọn dọ, ‘Be opagbe ehelẹ na mọ hẹndi nugbo ya?’

Nuyọnẹnnu wẹ e yin dọ a ni yí sọwhiwhe do lẹnnupọn kakati nado yí ohó lẹpo sè. (Howhinwhẹn lẹ 14:15) Nuhe Beleanu hohowhenu tọn lẹ wà niyẹn. * Whla tintan he wẹndagbe Ahọluduta lọ tọn yin lilá na yé, Beleanu lẹ kẹalọyi ohó lọ, ṣigba e ma yin na yé jlo dọ ohó lọ ni yin nugbo poun wutu wẹ gba. Yé yí sọwhiwhe do gbadopọnna Owe-wiwe lẹ “nado pọ́n eyin onú ehelẹ yinmọ.” (Owalọ lẹ 17:11) To hogbe devo mẹ, Beleanu lẹ yí wẹndagbe he yé sè jlẹdo nuhe Owe-wiwe lẹ dọ go. Ehe zọ́n bọ yé wá kudeji dọ Ohó Jiwheyẹwhe tọn ji wẹ wẹndagbe lọ sinai do gligli.

Kunnudetọ Jehovah tọn lẹ yí zohunhun do na we tuli nado wà nudopolọ. Gbọn tito Biblu pinplọn vọnu tọn he mí nọ zedonukọnnamẹ gblamẹ, a sọgan yí nuhe Kunnudetọ Jehovah tọn lẹ yise gando Ahọluduta Jiwheyẹwhe tọn go jlẹdo nuhe Biblu plọnmẹ go.

Gbọnvona dọ Biblu pinplọn na gọalọna we nado yọ́n nususu gando Ahọluduta Jiwheyẹwhe tọn go, e nasọ gọalọna we nado mọ gblọndo na kanbiọ titengbe hugan gbẹ̀mẹ tọn lẹ taidi.

Hú popolẹpo, Biblu pinplọn na gọalọna we nado “dọnsẹpọ Jiwheyẹwhe.” (Jakọbu 4:8) Lehe a na to dindọnsẹpọ Jiwheyẹwhe dogọ do, mọ wẹ Ahọluduta lọ na to ale susu hẹnwa na we do niyẹn, e ma yin todin kẹdẹ gba, ṣigba kakadoi. Jesu lọsu hodẹ̀ hlan Otọ́ etọn dọmọ: “Ehe wẹ ogbẹ̀ madopodo, dọ yé ni to vivẹnudo zọnmii nado yọ́n hiẹ Jiwheyẹwhe nugbo dopo kẹdẹ lọ, podọ mẹhe hiẹ dohlan, yèdọ Jesu Klisti.”—Johanu 17:3.

 

^ huk. 4 Tòdaho de wẹ Belea yin to Makedonia hohowhenu tọn mẹ.

Plọnnu Dogọ

Fie Wẹ Mí Sọgan Mọ Gblọndo Na Kanbiọ Titengbe Gbẹ̀mẹ Tọn lẹ Te?

Be azọ́n nuyọnẹn wintinwintin tọn, tamẹnuplọnmẹ, kavi Biblu mẹ wẹ a lẹndọ gblọndo lọ lẹ te ya?

Etẹwẹ Tito Biblu Pinplọnmẹ Tọn Mítọn Bẹhẹn?

Mọ gblọndo na kanbiọ he gando tito vọnu Biblu pinplọnmẹ tọn mítọn go lẹ.