Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Atọ̀họ̀-Nuhihọ́ lọ Tọn  |  Juillet 2014

Kanbiọ Sinai Do Biblu Ji

Kanbiọ Sinai Do Biblu Ji

Etẹwẹ Jesu na wà to sọgodo?

To owhe 33 W.M. wẹ Jesu kú, fọ́n sọn oṣiọ lẹ mẹ, bosọ hẹji yì olọn mẹ. To ojlẹ susu godo, Jesu mọ aṣẹpipa yí nado dugán taidi Ahọlu. (Daniẹli 7:13, 14) To sọgodo, Jesu na yinuwa taidi Ahọlu bo na wleawuna aihọn jijọho tọn de bosọ de yajiji lẹpo sẹ̀.—Hia Psalm 72:7, 8, 13.

Taidi Ahọlu, Jesu na klọ́ aigba lọ wé bọ mawadodo depope ma nasọ tin to e ji ba

Taidi Gandutọ gbẹtọvi lẹ tọn, Jesu na wà onú jiawu lẹ. E na yí huhlọn he Otọ́ na ẹn zan nado hẹn gbẹtọvi lẹ gọjẹ pipé kọ̀n. Yé na duvivi ogbẹ̀ tọn to aigba ji bo ma nasọ poyọnho kavi kú gbede ba.—Hia Johanu 5:26-29; 1 Kọlintinu lẹ 15:25, 26.

Etẹwẹ Jesu to wiwà to alọnu din?

To alọnu din, Jesu to anadena azọ́n yẹwhehodidọ tọn he hodotọ nugbo etọn lẹ to wiwà lẹdo aihọn pé lọ. Yé nọ dla gbẹtọ lẹ pọ́n nado do nuhe Biblu dọ gando Ahọluduta Jiwheyẹwhe tọn go hia yé. Jesu dọ dọ emi na zindonukọn nado to godonọna azọ́n he devi emitọn lẹ to wiwà lọ kakajẹ whenue Ahọluduta Jiwheyẹwhe tọn na de gandudu gbẹtọvi lẹ tọn sẹ̀ mlẹnmlẹn.—Hia Matiu 24:14; 28:19, 20.

Jesu to agun nugbo Klistiani tọn lọ yizan nado gọalọna gbẹtọ lẹ na yé nido tindo gbẹzan dagbe de. E na zindonukọn nado to alọgọna yé bọ yé na lùn vasudo aihọn ylankan ehe tọn tọ́n kaka biọ aihọn yọyọ he Jiwheyẹwhe dopà etọn lọ mẹ.—Hia 2 Pita 3:7, 13; Osọhia 7:17.