Accessibility setting

De ogbè dopo

Yì hosọ flinflin lẹ ji

Yì todowhinnu hosọ lẹ tọn ji

Yì hosọ lẹ ji

Kunnudetọ Jehovah Tọn Lẹ

Gungbe

ATỌ̀HỌ̀-NUHIHỌ́ LỌ TỌN SỌHA 5 2016

Etẹwẹ Biblu Plọn Mí

Etẹwẹ Biblu Plọn Mí

Etẹwẹ Ahọluduta Jiwheyẹwhe Tọn Yin?

MẸDELẸ YISE dọ ahun gbẹtọvi tọn mẹ wẹ Ahọluduta Jiwheyẹwhe tọn tin te; mẹdevo lẹ nọ lẹndọ vivẹnudido gbẹtọ lẹ tọn nado hẹn jijọho wá lẹdo aihọn pé wẹ e yin. Etẹwẹ mì lẹn?

NUHE BIBLU DỌ

“Jiwheyẹwhe olọn tọn na ze ahọluduta de dai he ma na yin vivasudo gbede. . . . E na gídí ahọluduta [gbẹtọvi tọn] ehe lẹpo bo na hẹn yé wá opodo.” (Daniẹli 2:44) Gandudu nujọnu tọn de wẹ Ahọluduta Jiwheyẹwhe tọn yin.

NUDEVO HE MÍ PLỌN SỌN BIBLU MẸ

  • Ahọluduta Jiwheyẹwhe tọn na dugán sọn olọn mẹ.—Matiu 10:7; Luku 10:9.

  • Jiwheyẹwhe nọ yí Ahọluduta lọ zan nado hẹn ojlo etọn di to olọn mẹ podọ to aigba ji.—Matiu 6:10.

Whetẹnu wẹ Ahọluduta Jiwheyẹwhe tọn na wá?

ETẸWẸ HIẸ NA DỌ?

  • Mẹde ma yọnẹn

  • Madẹnmẹ

  • Pọ́n gbede

NUHE BIBLU DỌ

“Yẹwheho wẹndagbe Ahọluduta lọ tọn ehe na yin didọ to aigba fininọ lẹpo ji taidi okunnu de na akọta lẹpo, podọ whenẹnu wẹ opodo lọ na wá.” (Matiu 24:14) Eyin wẹndagbe lọ ko yin didọ lẹdo aihọn pé, Ahọluduta lọ na wá bo na hẹn titonu ylankan ehe wá opodo.

NUDEVO HE MÍ PLỌN SỌN BIBLU MẸ

  • Mẹdepope ma yọ́n whenue Ahọluduta Jiwheyẹwhe tọn na wá taun.—Matiu 24:36.

  • Dọdai Biblu tọn lẹ dohia dọ Ahọluduta lọ na wá to madẹnmẹ.—Matiu 24:3, 7, 12.