Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Atọ̀họ̀-Nuhihọ́ lọ Tọn  |  Sọha 4 2017

Tetlaglamu lọ, yèdọ oyín wiwe Jiwheyẹwhe tọn, Jehovah, to Heblugbe mẹ, eyin yè hia sọn adusi yì amiyọn

Wekun Pẹvi Pete Heblugbe Tọn Vọ́ Jidenamẹ

Wekun Pẹvi Pete Heblugbe Tọn Vọ́ Jidenamẹ

Be mí sọgan kudeji nugbonugbo dọ opagbe Jiwheyẹwhe tọn lẹpo na mọ hẹndi ya? Jesu kudeji domọ, podọ nuplọnmẹ etọn hẹn yise todoaitọ etọn lẹ tọn lodo. Pọ́n nuhe e dọ to Yẹwhehodidọ Osó ji tọn etọn mẹ, dile e yin kinkandai to Matiu 5:18 mẹ do dọmọ: “Nugbo wẹ yẹn dọna mì dọ, e na bọawu dọ olọn po aigba po ni juwayi hú dọ wekun pẹvi pete kavi adà tiuntiun wekun tọn dopo ni juwayi sọn Osẹ́n lọ mẹ kaka nuhe tin to e mẹ lẹpo nido yin hinhẹndi.”

Wekun pẹvi pete Heblugbe tọn wẹ י (yodi), yèdọ wekun tintan Tetlaglamu he yin oyín wiwe Jiwheyẹwhe tọn, enẹ wẹ Jehovah. * Gbọnvona hogbe po wekun he Osẹ́n Jiwheyẹwhe tọn bẹhẹn lẹ po, wekantọ lẹ po Falesi lẹ po nọ yí nukun nujọnu tọn do pọ́n “adà tiuntiun wekun tọn” dopodopo.

Nuhe dọ Jesu te wẹ yindọ e bọawu dọ olọn po aigba po ni juwayi hú dọ adà pẹvi pete Osẹ́n lọ tọn ni nọma mọ hẹndi. Amọ́, Owe-wiwe lẹ na mí jide dọ olọn po aigba jọnun po na gbọṣi aimẹ kakadoi. (Salmu lẹ 78:69) Enẹwutu, hodidọ ayidego tọn enẹ dohia dọ etlẹ yin adà pẹvi pete Osẹ́n lọ tọn ma na nọma mọ hẹndi.

Be Jehovah Jiwheyẹwhe nọ na ayidonugo nudọnamẹ kleunkleun lẹ ya? Gbau. Lẹnnupọndo ehe ji: To hohowhenu, e yin didọna Islaelivi lẹ dọ yé ma dona gbà ohú lẹngbọvu Juwayi tọn lọ tọn depope. (Eksọdusi 12:46) Enẹ na ko di onú tata de. Be yé mọnukunnujẹ nuhewutu e do yin didọna yé ma nado gbà depope to ohú lọ lẹ mẹ ya? Yé sọgan nọma yọnẹn. Ṣigba, Jehovah Jiwheyẹwhe yọnẹn dọ dọdai de wẹ nudọnamẹ kleun ehe yin dọ depope to ohú Mẹsia lọ tọn lẹ mẹ ma na yin gbigbà to whenue e na yin hùhù do yatin ji.—Salmu lẹ 34:20; Johanu 19:31-33, 36.

Etẹwẹ mí plọn sọn hogbe Jesu tọn lẹ mẹ? Mílọsu sọgan kudeji mlẹnmlẹn dọ opagbe Jehovah Jiwheyẹwhe tọn lẹpo na mọ hẹndi, kakajẹ adà pẹvi pete lẹ ji. Lehe wekun pẹvi pete Heblugbe tọn vọ́ jidenamẹ do sọ!

^ huk. 3 Wekun pẹvi pete Glẹkigbe tọn wẹ iota bo yin nudopolọ po wekun Heblugbe tọn lọ י (yodi) po. Na Heblugbe mẹ wẹ Osẹ́n Mose tọn yin kinkando to dowhenu bọ whẹndo he bọdego lẹ wá mọ ẹn yí to ogbè enẹ mẹ wutu, wekun Heblugbe tọn lọ wẹ Jesu na ko to alọdlẹndo.

Plọnnu Dogọ

GBLỌNDO NA KANBIỌ SINAI DO BIBLU JI LẸ

Jijọho to Aigba Ji—Nawẹ E Na Wá Gbọn?

Plọnnu gando lehe Jiwheyẹwhe dopagbe nado hẹn jijọho wá aihọn mẹ gbọn Ahọluduta etọn gblamẹ do go.

OWE WIWE LẸ—LẸDOGBEDEVOMẸ AIHỌN YỌYỌ TỌN

Oyín Jiwheyẹwhe Tọn to Owe-Wiwe Heblu Tọn lẹ Mẹ

Naegbọn Lẹdogbedevomẹ Aihọn Yọyọ Tọn do yí yinkọ lọ “Jehovah” zan to whenue lẹdogbedevomẹ susu de e sẹ̀?