Susu mítọn wẹ ko mọ lehe mawadodo gbayipe do bọ mẹylankan lẹ nọ sayana mẹdagbe kavi homẹvọnọ lẹ. Be mawadodo po kanyinylan po na wá doalọte gbede ya?

Salmu lẹ 37 na gblọndo bosọ bẹ anademẹ he mí na hodo todin lẹ hẹn. Pọ́n nuhe e dọ gando kanbiọ titengbe he bọdego ehelẹ go.

  • Nawẹ mí na nọ yinuwa hẹ mẹhe to yasana mí lẹ gbọn?Wefọ 1, 2.

  • Etẹwẹ na jọ do mẹylankan lẹ go?Wefọ 10.

  • Ale tẹwẹ to tepọn mẹhe nọ wà nuhe sọgbe lẹ?Wefọ 11, 29.

  • Etẹwẹ mí dona wà todin?​Wefọ 34.

Nuhe Salmu lẹ 37 dọ lẹ dohia hezeheze dọ sọgodo dagbe de wẹ to tepọn mẹhe nọ “ze todido [yetọn] do Jehovah mẹ bo nọ hodo aliho etọn” lẹ. Homẹ Kunnudetọ Jehovah tọn lẹ tọn na hùn nado plọn Biblu hẹ we bo gọalọna we nado wleawuna sọgodo dagbe de na dewe po mẹyiwanna towe lẹ po.