Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Atọ̀họ̀-Nuhihọ́ lọ Tọn  |  Sọha 2 2017

Mẹhe na lùn azán godo tọn lẹ tọ́n lẹ na nọ paladisi mẹ to aigba ji

Etẹwẹ Biblu Plọn Mí?

Etẹwẹ Biblu Plọn Mí?

Be “azán godo tọn lẹ” mẹ wẹ mí te ya?

Etẹ mì na dọ?

  • Mọwẹ

  • Lala

  • N’ma yọnẹn

Nuhe Biblu dọ

“To azán godo tọn lẹ mẹ, ojlẹ awusinyẹn tọn he vẹawu nado pehẹ lẹ na wá tin.” (2 Timoti 3:1) Dọdai Biblu tọn po nujijọ agọe tọn lẹ po dohia dọ “azán godo tọn lẹ” mẹ wẹ mí te.

Nudevo tẹwẹ mí sọgan plọn sọn Biblu mẹ?

  • Awhàn, huvẹ, aigba sisọsisọ po azọ̀nylankan po wẹ na dohiagona azán godo tọn lẹ.—Matiu 24:3, 7; Luku 21:11.

  • To azán godo tọn lẹ mẹ, gbẹtọvi lẹ na gblezọn to walọyizan-liho podọ to gbigbọ-liho.—2 Timoti 3:2-5.

Etẹwẹ to sẹdotẹnmẹ na gbẹtọvi lẹ?

Mẹdelẹ yise . . . dọ azán godo tọn lẹ na wá vivọnu to whenue aigba po mẹhe to e ji lẹ po na yin vivasudo, podọ mẹdevo lẹ lẹndọ nulẹ na wá pọnte. Etẹ mì lẹn?

Nuhe Biblu dọ

“Dodonọ lẹ wẹ na dugu aigba tọn, yé nasọ nọgbẹ̀ to e ji kakadoi.”Salmu lẹ 37:29.

Nudevo tẹwẹ mí sọgan plọn sọn Biblu mẹ?

  • Azán godo tọn lẹ na wá vivọnu to whenue kanyinylan na yin didesẹ. —1 Johanu 2:17.

  • Aigba na lẹzun paladisi.—Isaia 35:1, 6.