Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Septembre 2017

 GBẸZAN KLISTIANI TỌN

Nọ Plọnazọ́n Yé Nado to Jehovah Sẹ̀n Zọnmii

Nọ Plọnazọ́n Yé Nado to Jehovah Sẹ̀n Zọnmii

Numimọ lẹ ko dohia dọ wẹnlatọ yọyọ he yè plọnazọ́n sọn bẹjẹeji nado nọ yí zohunhun do tindo mahẹ to lizọnyizọn lọ mẹ to gbesisọ mẹ lẹ nọ saba lẹzun wẹnlatọ kọdetọn dagbenọ lẹ. (Hwh 22:6; Flp 3:16) Ayinamẹ delẹ die gando lehe a sọgan gọalọna nuplọntọ de nado wleawuna aṣa dagbe lẹ to lizọnyizọn lọ mẹ do go:

  • Tlolo he nuplọntọ towe yin alọkẹyi taidi wẹnlatọ, jẹ azọ́nplọn ẹn ji. (km 8/15 1) Dohia ẹ dọ nujọnu wẹ e yin nado nọ tọ́n na lizọnyizọn lọ to sẹmẹsẹmẹ. (Flp 1:10) Hodidọ towe lẹ ni nọ dohia dọ a tindo pọndohlan dagbe gando aigba-denamẹ lọ go. (Flp 4:8) Na ẹn tuli nado nọ wazọ́n dopọ hẹ nugopọntọ pipli lọ tọn podọ hẹ wẹnlatọ devo lẹ nado sọgan plọnnu sọn numimọ yetọn mẹ.​—Hwh 1:5; km 10/12 6 huk. 3

  • Whenue nuplọntọ towe yí baptẹm, ma doalọtena tuli nina ẹn po azọ́npinplọn ẹn to lizọnyizọn lọ mẹ po blo, titengbe eyin e ma ko fó owe “Owanyi.”​km 12/13 7

  • Nọ yí nuzedonukọnnamẹ he bọawu lẹ zan to whenue a to azọ́nwa hẹ wẹnlatọ yọyọ de to lizọnyizọn lọ mẹ. To whenue a ko dotó nuzedonukọnnamẹ etọn godo, nọ yí ahundopo do pà ẹ. Na ẹn ayinamẹ lẹ he na gọalọna ẹn nado tindo kọdetọn dagbe dogọ.​—km 5/10 7