Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Septembre 2016

 GBẸZAN KLISTIANI TỌN

Eyin Ovi de Wẹ Wá Hùnhọ̀n

Eyin Ovi de Wẹ Wá Hùnhọ̀n

Eyin ovi de wẹ wá hùnhọ̀n, mí dona kàn mẹjitọ etọn lẹ biọ. Ehe na do sisi hia tatọ́-yinyin yetọn. (Hwh 6:20) Eyin ovi lọ biọ dọ mí ni biọ họmẹ, mí dona gbẹ́. Eyin mẹjitọ etọn lẹ ma to whégbè, mí dona lẹkọwa to whedevonu.

Eyin ovi lọ tlẹ ko whẹ́n, vlavo bo ko to owhe aflanmẹ tọn mẹ, e na gbẹ́ yọ́n dọ mí ni kàn mẹjitọ etọn lẹ biọ. Eyin yé ma to whégbè, mí sọgan kanse e eyin mẹjitọ etọn lẹ nọ na ẹn dotẹnmẹ nado de nuhe e jlo na hia lẹ na ede. Eyin yé nọ wàmọ, mí sọgan ze owe de donukọnna ẹn, podọ vlavo mí sọgan dohia ẹ dọ e sọgan yì jw.org ji.

Eyin mí to gọyìpọn basi na jọja de he do ojlo hia, mí dona kàn mẹjitọ etọn lẹ biọ. Ehe na zọ́n bọ mí na basi zẹẹmẹ nuhewutu mí do wá tọn bo na do ayinamẹ dejidego he yin nina whẹndo lẹ to Biblu mẹ hia yé. (Slm 119:86, 138) Eyin mí nọ do sisi hia mẹjitọ lẹ bo nọ yọ́n otẹn yetọn, ehe na yin kunnudide dagbe de bo sọgan hùn dotẹnmẹ devo lẹ dote na mí nado má wẹndagbe lọ hẹ whẹndo lọ.1Pi 2:12.