Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Octobre 2017

 GBẸZAN KLISTIANI TỌN

Nọgbẹ̀ Nado Pà Jehovah!

Nọgbẹ̀ Nado Pà Jehovah!

Ogbẹ̀ yin nunina họakuẹ de. Lehe mí nọ yí nunina ehe zan to azán dopodopo ji do nọ do lehe mí yọ́n pinpẹn etọn sọ hia. Taidi Kunnudetọ Jehovah tọn lẹ, mí nọ dovivẹnu nado yí nugopipe po azọ́nyinyọnẹn mítọn lẹ po do pà Jehovah, Gbẹ̀namẹtọ lọ. (Slm 36:9; Osọ 4:11) Etomọṣo, magbọjẹ he gbẹninọ to aihọn ylankan ehe mẹ nọ hẹnwa lẹ sọgan zọ́n bọ mí na jẹ vọdona yanwle gbigbọmẹ tọn lẹ ji. (Mk 4:18, 19) Dopodopo mítọn dona kanse ede dọ: ‘Be n’to nuhe yin dagbe hugan lẹ na Jehovah nugbonugbo ya? (Hos 14:2) Nawẹ yanwle ṣie lẹ po agbasazọ́n ṣie po nọ yinuwado sinsẹ̀nzọn ṣie na Jehovah ji do? Yanwle gbigbọmẹ tọn tẹlẹ wẹ n’tindo? Nawẹ n’sọgan gbloada na lizọnyizọn ṣie dogọ gbọn?’ Eyin a mọdọ emi dona basi vọjlado, hodẹ̀ bo biọ alọgọ Jehovah tọn bosọ basi vọjlado he jẹ lẹ. Matin ayihaawe, Jehovah pipà to azán dopodopo ji nọ hẹn pekọ po ayajẹ po wá!—Slm 61:8.

Mẹnu wẹ a to nugopipe towe lẹ yizan na?

PỌ́N VIDEO LỌ NỌ YÍ NUGOPIPE TOWE LẸ ZAN NA JEHOVAH, ENẸGODO NA GBLỌNDO KANBIỌ HE BỌDEGO LẸ TỌN:

  • Naegbọn e ma do yin nuyọnẹnnu nado yí nugopipe towe lẹ zan na aihọn Satani tọn? (1Jo 2:17)

  • Ale tẹlẹ wẹ nuhe yin dagbe hugan lẹ nina Jehovah nọ hẹnwa?

  • Adà sinsẹ̀nzọn wiwe lọ tọn tẹlẹ mẹ wẹ a sọgan yí nugopipe po azọ́nyinyọnẹn towe lẹ po zan te?