Yì hosọ lẹ ji

Yì hosọ flinflin lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

Gungbe

Nuplọnwe Opli Gbẹzan po Lizọnyizọn po Tọn  |  Octobre 2017

 GBẸZAN KLISTIANI TỌN

Lehe A Sọgan Nọ Yí Sọwhiwhe Do Plọn Owe-Wiwe lẹ Do

Lehe A Sọgan Nọ Yí Sọwhiwhe Do Plọn Owe-Wiwe lẹ Do

Be e na jlo we nado yin nugbonọ to whlepọn glọ di Daniẹli ya? Daniẹli nọ yí sọwhiwhe do plọn Ohó Jiwheyẹwhe tọn, ehe bẹ dọdai he siso lẹ hẹn. (Da 9:2) Biblu pinplọn po sọwhiwhe po sọgan gọalọna we nado yin nugbonọ. Gbọnna? E sọgan hẹn yise towe to opagbe Jehovah tọn lẹ mẹ lodo dogọ. (Jọṣ 23:14) E sọ sọgan hẹn owanyi towe na Jiwheyẹwhe jideji, ehe na whàn we nado nọ wà nuhe sọgbe. (Slm 97:10) Ṣigba, fie wẹ a na bẹsọn? Lẹnnupọndo ayinamẹ he bọdego lẹ ji.

  • Etẹwẹ n’sọgan plọn? Aṣa nupinplọn tọn dagbe de nọ bẹ awuwiwlena opli agun tọn lẹ hẹn. A na mọaleyi sọn Biblu hihia sẹmẹsẹmẹ tọn mẹ dogọ eyin a nọ yí whenu zan nado dindona nuagokun he mẹ a ma mọnukunnujẹ lẹ. Humọ, mẹdelẹ ko de nado nọ plọnnu dogọ gando dọdai Biblu tọn lẹ go, gọna adà voovo sinsẹ́n gbigbọ Jiwheyẹwhe tọn lẹ, gbejizọnlin mẹdehlan tọn apọsteli Paulu tọn lẹ, kavi etlẹ yin nudida yinukundomọ Jehovah tọn lẹ. Eyin a lẹnnupọndo kanbiọ Biblu tọn de ji to azán lọ ji, kàn ẹn dai bo plọnnu do e ji to nupinplọn towe he na bọdego whenu.

  • Fie wẹ n’sọgan mọ nudọnamẹ lẹ te? Pọ́n video lọ Nuyizan Dodinnanu Tọn lẹ Nado Mọ Nuhọakuẹ Gbigbọmẹ Tọn Lẹ nado mọ ayinamẹ delẹ. Nado tẹ́n azọ́nyinyọnẹn towe pọ́n, basi dodinnanu do huhlọn aihọn tọn lẹ he gbekanlin he to Daniẹli 7 mẹ lọ lẹ nọtena ji.

  • Whenu nẹmu wẹ n’dona dedovo na nupinplọn? Nupinplọn gbesisọ tọn nọ hẹnmẹ dogbẹ̀ to gbigbọ-liho. To bẹjẹeji, a sọgan nọ plọnnu na ojlẹ kleun de, bọ eyin e biọ domọ, a na wá dlẹnkan na ẹn vudevude. Ohó Jiwheyẹwhe tọn pinplọn nọ taidi adọkunnu whiwhla lẹ dindinmọ; dile a to nuhọakuẹ lẹ mọ sọ, mọ wẹ a na to dindin dogọ do niyẹn! (Hwh 2:3-6) Ojlo he a tindo na Ohó Jiwheyẹwhe tọn na jideji, bọ Biblu pinplọn gbesisọ tọn na zindonukọn nado yin apadewhe gbẹzan towe tọn.—1Pi 2:2.

ETẸWẸ GBEKANLIN HE TO DANIẸLI WETA 7 MẸ LẸ NỌTENA?

KANBIỌ DEVO:

Nawẹ Daniẹli 7:8, 24 mọ hẹndi gbọn?

OPLỌN HE NA BỌDEGO:

Etẹwẹ gbekanlin he to Osọhia weta 13 mẹ lẹ nọtena?