Yì hosọ lẹ ji

Yì todowhinnu hosọ lẹ tọn ji

Kunnudetọ Jehovah Tọn Lẹ

De ogbè dopo Gungbe

 GBẸZAN KLISTIANI TỌN

Hẹn Lizọnyizọn Towe Pọnte Dogọ—Gọyìpọn Bibasi

Hẹn Lizọnyizọn Towe Pọnte Dogọ—Gọyìpọn Bibasi

NUHEWUTU E DO YIN NUJỌNU: Susu to mẹhe nọ do ojlo hia to owẹ̀n Ahọluduta lọ tọn mẹ lẹ wẹ to nugbo lọ dín gando Jiwheyẹwhe go. (Isa 55:6) Nado plọnnu yé vudevude, mí dona nọ lẹkọyi yé dè whlasusu. Avùnnukundiọsọmẹnu voovo wẹ gbẹtọ lẹ nọ pehẹ, enẹwutu aliho voovo mẹ wẹ mí nọ doafọna ojlo yetọn te. Ṣigba, mí na tindo kọdetọn dagbe dogọ eyin mí nọ wleawu ganji bo nọ basi gọyìpọn dopodopo po yanwle lọ po nado wá bẹ plọnmẹ Biblu de jẹeji.

LEHE MÍ SỌGAN WÀMỌ DO:

  • Tẹnpọn bo nọ yawu lẹkọyi, eyin e yọnbasi to azán vude godo.—Mt 13:19

  • Nọ jọmẹ bo nọ do sisi hia. Tẹnpọn bo nọ voawu

  • Eyin a yì, nọ dọnudo mẹlọ po zohunhun po. Nọ yí yinkọ he e dọna we lọ zan. Nọ flin in nuhewutu a lẹkọwa​—vlavo nado na gblọndo kanbiọ de tọn, hẹn linlinnamẹwe agọe tọn de wá na ẹn, do nọtẹn Intẹnẹt tọn mítọn hia ẹ, hò video de, kavi do lehe mí nọ plọn Biblu hẹ mẹlẹ do hia ẹ. Nọ diọada eyin a doayi e go dọ nudevo wẹ to ahunmẹduna ẹn.​—Flp 2:4

  • Nado húsinna okún nugbo lọ tọn he a ko do dó ahun etọn mẹ, nọ hia wefọ de kavi jo owe de do na ẹn. (1Kọ 3:6) Tẹnpọn nado jihọntọn hẹ ẹ

  • Nọ ze dodonu dai na gọyìpọn he na bọdego